Isr. 8:8 - Yus Papí: Shuarja̱i̱ Yus Yamaram Chicham Najanamu

⁸ Antsu péṉkercha áiniakui Israer shuaran chicharainiak “Uunt Yus tawai, Tsawant jeamtai ashí Israer shuarja̱i̱ yamaram chichaman najanattajai.

Isr. 8:8 Iomraidhean Croise

Isa. 55:3

Tura péṉker antukrum Winí̱ winitiárum. Ántakrumni̱ṉkia atumí enentái̱sha iwiaaku ajastatui. Nuyá̱ Tawitian waitnentramiaj núnisnak amukashtin chichaman Wikia atumji̱a̱i̱sha najanattajai.

Jrm. 23:5

Uunt Yus chichaak “Tsawant jeamtai Tawit shuarnumia̱n péṉkeran túrinian apujsattajai. Uunt akupin péṉker enentáimtai̱ji̱a̱i̱ akupea asa péṉker túratin tsaṉkatkamua nuna túrak ashí nuṉkanam nekasa nuja̱i̱ métek túrattawai.

Jrm. 23:7

Nu arantcha Uunt Yus chichaak “Tsawant jeattana nui̱ṉkia ‘Iwiaaku Uunt Yus Israer shuaran Ejiptunmaya̱ ji̱i̱rarua nu iirui’ tuíniana núnaka atakka peṉké tíchartatui.

Jrm. 30:3

‘Nekaata tsawant tsawa̱rtatui Wí shuarnaka kame Israer shuarsha núnisaṉ Jutá shuarsha achira yajá yaruakarman awakearartatjai. Túran ni úuntri̱n nuṉkan súsarmiaj nui̱ṉ ataksha awakearan matsasártatjai túran nui̱ṉ matsamsartatui’” tawai Uunt Yus.

Jrm. 31:27

“Núnisaṉ tsawant jeamtai Wi Uunt Yus asan Israer nuṉkanam tura Jutanmasha shuarnaka nuyá̱ taṉkuncha ti ipiampárartatjai.

Jrm. 31:38

Wats nekaatarum Uunt Yus ju̱nasha tawai. Tsawant jeattana nuiṉkia Ananér kumpinnium juárkimiuk Tsukin waiti tutaiya̱ tímianai Uunt Yusna pepru je̱a̱mnaktatui.

Jrm. 32:40

Nuyá̱ wisha niji̱a̱i̱ amukashtin chichaman najanattajai. Núnisnak niin péṉker túratniun peṉké iniaisachartatjai. Áintsaṉ Wini̱ya̱ kanakiára̱i̱ṉ tusan ni enentái̱n sapijian eṉketáwartatjai.

Isk. 37:26

Nu arant aṉkant pujusárat tusan nu shuarja̱i̱ chichaman najanattaj nuka peṉké amukashtatui. Tura nui̱ pujusár pampaṉkarmatai ni pujuiniamunam Yus Shiir Awajtai̱ Je̱a̱run tuke nui̱ átinia nuna apujtusartatjai.

Mat. 26:28

Ju̱ka winia numparuiti. Tura winia numpar puármatai yamaram chicham nekas uminkiattawai tawai. Tura puármatai untsurí shuara tunaari̱n tsaṉkurattawai.

Mar. 14:24

Umararmatai Jesus chicharainiak “Ju̱i̱ti winia numpar untsurí aentsun yáiṉkiartinian puártatna nu. Nuja̱i̱ Yamaram Chichaman Yus najanaiti.

Ruk. 17:22

Nuyá̱ ni unuiniamuri̱n chicharuk “Tsawant jeattawai atumsha Winia Aents Ajasu tutain ‘aya chikichík tsawantkesha Ni wainkiarkia maak’ turuttiatrume. Túrasha tujintkiattarme.

Ruk. 22:20

Tura yuruma amikiarmatai piniṉkian achik “Ju̱ piniṉ winia numparun nakumea asa uwempratin yamaram chicham najanamun nakumeawai. Winia numpar atumnian puartamprattawai.

Ruk. 5:38

Tuma asamtai nijiamanch yamaram muítsnum yaraatniuiti. Nu túramka mái̱ metek péṉker ártiniaiti.

1 Kur. 11:25

Núnisaṉ yurumá umik piniṉnasha achik chichaak “Ju̱ piniṉ yamaram chichamaiti. Tura winia numpar puármatai yamaram chicham nekas uminkiattawai tawai. Ju̱ tuke úmakrum Winia enentáimtursatarum” tímiayi.

2 Kur. 3:6

Yamaram chichaman Yus najanamia nuna iincha péṉker etserkatniun suramsaitji. Yaunchu aarma chichamnum ashí takamtsuk umirkachrikia tuke jakamniuyaji. Antsu yamaram chichamnum Yuska ni Wakaní̱ji̱a̱i̱ yamaram wekasatniun súramji. Yusa kakarmari̱ji̱a̱i̱ nu chicham étserji.

Muis. 29:14

Tura Uunt Yus chícham aentsja̱i̱ najanamu nekas umiktinia ju̱ka aya atumji̱a̱i̱ṉchaiti.

Isr. 12:24

Nui̱sha Yamaram Chichaman iin chichamprútmajnia nu, Jesus pujawai. Ni numpe̱ ukatramuja̱i̱ Apira numpe̱ja̱i̱ naṉkaamas péṉkeraiti. Kame Apir ántar maamu asamtai yapajmiátrukta títinia áintsaṉ enentáimtaji. Antsu Jesus yajauch shuaran péṉker awajsartaj tusa jakamiayi.

Isr. 7:22

Tuma asamtai Jesuska nekas uwemtikrattajai tusa yaunchu amia nuja̱i̱ naṉkaamas péṉker chichaman iwiarturuiti.

Isr. 8:13

Wats emka chicham yajauch ajakui Yus yamaram chichaman nájaneak pujurui. Tura yajauch ajasua nuka wárik ajapnattawai.

Isr. 8:6

Antsu Jesus ti nekasa nuja̱i̱ nayaimpiniam takaawai. Muisais akupkámuka shuaran péṉker awajsachminiaiti. Antsu Yus iin tí peṉker awajtámsattaji. Kame yamaram chichamnum Yus ashí túrutmattajnia nu Muisais akupkámunam ana nuna naṉkaamas tí peṉker áiniawai. Tuma asamtai naṉkaamas péṉker chichaman Jesus takartamji.

Isr. 9:15

Nu asamtai Jesukrístu yamaram chichaman shiir takarniuiti. Yaunchu chichamja̱i̱ yajauch túramu nekas tsaṉkurachma asamtai Kristu jaka nu tunaancha tsaṉkurarmiayi. Nuja̱i̱ ashí Yus shuarti Yus achikma asar Yus tsaṉkatramajnia nu wáinkiar tuke wararsattaji.