Isr. 8:6 - Yus Papí: Shuarja̱i̱ Yus Yamaram Chicham Najanamu

⁶ Antsu Jesus ti nekasa nuja̱i̱ nayaimpiniam takaawai. Muisais akupkámuka shuaran péṉker awajsachminiaiti. Antsu Yus iin tí peṉker awajtámsattaji. Kame yamaram chichamnum Yus ashí túrutmattajnia nu Muisais akupkámunam ana nuna naṉkaamas tí peṉker áiniawai. Tuma asamtai naṉkaamas péṉker chichaman Jesus takartamji.

Isr. 8:6 Iomraidhean Croise

Jrm. 50:5

Seúnnum wetái tusar jintiá anintrúsar jeawar chícham peṉké kajinmatkichmin najanamunam Uunt Yusai̱ weankártatui.

Ruk. 22:20

Tura yuruma amikiarmatai piniṉkian achik “Ju̱ piniṉ winia numparun nakumea asa uwempratin yamaram chicham najanamun nakumeawai. Winia numpar atumnian puartamprattawai.

Rum. 9:4

Israer wea shuar áiniawai. Tura ni uchirí̱ya áinis Yus achikiáruiti. Yusa winchari̱sha niji̱a̱i̱ pujumiayi. Yaunchu Chicham ni we̱a̱trí̱ji̱a̱i̱ iwiaramuncha tura Muisais akupkámuncha susamiayi. Tura Yusa Je̱e̱n Nin shiir awajsatniun jintintiámiayi. Tura ukunam shiir tsaṉkatkattana nunasha ujakmiayi.

Ipi. 2:12

Nuik Krísturtinchauyarme. Israer shuarcha asarum ashí ni túrutairi̱sha tura ashí Yus nin tsaṉkatkarmasha nekaachuyarme. Tura jú̱ nuṉkanmaya̱ asarum nekas Yusa nu enentáimtichuyarme tura shiir pujustin náṉkamsarum enentáimpramarme.

1 Tim. 2:5

Aya chikichik Yus awai. Tura Jesukrístu aents ajas niṉki Yusja̱i̱ aentsun nawamnaimtikiartiniaiti.

Tit. 1:2

Tura nu arant nú shuarsha tuke iwiaaku pujusárat tusan étsereajai. Nú shuarnasha nuṉkan najantsuk “uwemtikrattajai” Yus tímiayi. Tura Nisha wáitruatniun tujintiawai.

Isr. 12:24

Nui̱sha Yamaram Chichaman iin chichamprútmajnia nu, Jesus pujawai. Ni numpe̱ ukatramuja̱i̱ Apira numpe̱ja̱i̱ naṉkaamas péṉkeraiti. Kame Apir ántar maamu asamtai yapajmiátrukta títinia áintsaṉ enentáimtaji. Antsu Jesus yajauch shuaran péṉker awajsartaj tusa jakamiayi.

Isr. 7:22

Tuma asamtai Jesuska nekas uwemtikrattajai tusa yaunchu amia nuja̱i̱ naṉkaamas péṉker chichaman iwiarturuiti.

2 Pit. 1:4

Nisha uunt asa tura tujintkiachu asa ni chichame̱n suramsaitji. Nu chichamsha ti kakarmaiti tura tí peṉkeraiti. Nu chichamja̱i̱ atumsha atumí aya̱shi̱ yajauch wakerana nuyá̱ uwemprarum Yusai̱ páchitkia átinian suramsaitrume.