Isr. 8:5 - Yus Papí: Shuarja̱i̱ Yus Yamaram Chicham Najanamu

⁵ Yus yaunchu Muisaisan nayaimpiniam írunna nuna iniaktus chichaak “Ámin nainnium iniaktusmajmena nuja̱i̱ métek ashí najanata” Jiin. 25:40 tímiayi. Túramu asamtai ashí yaunchu Yúsnan pujurin Muisais najanamuja̱i̱ takainia nu aya nayaimpiniam ana nuna nakumkamuja̱i̱ṉ takainiawai.

Isr. 8:5 Iomraidhean Croise

Jiin. 25:40

Nainnium jintintramajmena nuja̱i̱ métek najankata.

Jiin. 25:9

Tura Wi jintintiáttajmena nuka ímiatrusmek Yus Shiir Awajtai̱ Je̱a̱sha je̱a̱mta. Núnismek init iruniartatna nusha ímiatrusmek iwiarkata.

Jiin. 26:30

Nuyá̱ Yus Shiir Awajtai̱ Je̱a̱ je̱a̱mkum nainnium iniaktusmajmena nuja̱i̱ métek je̱a̱mtia.

Jiin. 27:8

Naint wajas iniakturmasma nuja̱i̱ métek Yusna áestutai̱ṉkia numi nakarmája̱i̱ wa̱a̱k najanata.

Mat. 2:12

Nuyá̱ mesekranam Yus “Irutisai̱ni̱ waketkirap” tutai chíkich jintianmaani̱ waketkiarmiayi.

Tur. 7:44

Yus Muisaisan chichaak ‘Wi akupeamu chicham ikiunsatin je̱á̱ ániun Wi iniaktusjamna tímiatrusmek atsamunam najanata’ tímiayi. Tutai Muisais Yus tímianak umikmiayi. Nu je̱a̱n ii uuntri̱ yaunchu takaku ármiayi.

Kurs. 2:17

Nu nampernum Israer shuar Kristu túrattana nuna nakumainiak túrin ármiayi. Tura Kristu taa imia Niṉki pujá asamtai nakumkamuka ántraiti.

Isr. 10:1

Muisais akupkámuka ukunam tí peṉker átatna núchaiti. Antsu aya nuna ajeta núnis nukuawai. Tuma asa ashí uwitin taṉku maar Yus sútai̱ji̱a̱i̱sha shuar yajauch túrukarma asakátrachminiaiti.

Isr. 11:7

Yus “ama̱a̱rkatniun akupkáttajai” tiniu asamtai Nuwaisha Yusan nekas enentáimtak ama̱a̱run wáinchaitiat “ama̱a̱rkattawai” tímiayi. Túrak Yus timiaja̱i̱ métek uunt kanun najana ni shuari̱ncha uwemtikramiayi. Tura Yusan nekas enentáimta asamtai Yus “péṉkeraitme” tímiayi. Tura ní umirkamuja̱i̱ chíkich shuar Yusan umircha áiniaṉka sumamtikiawarmiayi.

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.

Isr. 13:10

Yaunchu Yúsnan pujurin taṉku maar Yus susamunmaya̱n yuu ármiayi. Tura iikia Yus sutai̱ nusháa ana nu súaji. Nusha Kristu jakamu asamtai yaunchua nu Yúsnan pujurin nui̱ pachinkiachmin áiniawai.

Isr. 9:9

Nusha yamái pujuiniajⁱ nuna enentáimtikrampratniuitji. Shuar Yus shiir enentáimtikratniun taṉkun maa suíniaksha nu shuar ni yajauch túrutairi̱ji̱a̱i̱ tuke itit enentáimtumarmiayi.

Apu. 15:5

Nuyá̱ atak Yusa Uunt Je̱e̱n iisan Ti Shiir Tesamun uranniun wainkiamjai.