Isr. 8:3 - Yus Papí: Shuarja̱i̱ Yus Yamaram Chicham Najanamu

³ Ashí Yúsnan pujurniu uuntri̱ ainia nu, shuar Yúsnan susamuncha tura taṉku maar Yus sútai̱ncha Yusan ashí súsatin áiniawai. Núnisaṉ Jesukrístusha Yusan súsatniuiti.

Isr. 8:3 Iomraidhean Croise

Juaṉ 6:51

Wikia nayaimpinmaya̱ tara iwiaaku apatkuitjiai. Nu apatkun shuar yúakka tuke iwiaaku átiniaiti. Nu apatkun Wi susattaj nusha winia aya̱shruiti. Ashí shuar Yusai̱ iwiaaku pujusárti tusan winia aya̱shrun susattajai” tímiayi Jesus.

Rum. 5:6

Iikkia peṉké uwemprachmin asakrin tsawant jeamtai Kristu ashí shuara tunaari̱n jarukmiayi.

Rum. 5:8

Antsu ii tuke tunáa árini̱ṉ Kristu jarutramkamiaji. Nuja̱i̱ iin ti anenmajnia nuna ti paant iniakturmaji.

Kar. 2:20

Wisha Krístuja̱i̱ krúsnum jákaitjiai. Tuma asamtai yamaikia wikia iwiaaktsujai wi wakeraj nuna túratniun antsu Kristu winí̱ iwiaakui ni wakera nuna túratniun. Tura ju̱ aya̱shnium pujayatan aya Kristu enentáimtakun iwiaakjai. Krístusha Yusa Uchirí̱ntiat winia ti anentuk jarutkamiayi.

Ipi. 5:2

Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Isr. 2:17

Túratin asa peṉké métek ni yáchi̱ya áinis ajasmiayi. Nuja̱i̱ iin tuke waitnentrampramniaitji. Tuma asa Yúsnan pujurniu uuntri̱ ajas Yusan tuke péṉker chichartamsamniaitji. Núnisaṉ murikiun maa Yus súsatniua áintsaṉ ni jakamuja̱i̱ ashí shuara tunaari̱n tsaṉkurniuiti.

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

Isr. 5:1

Tura Yúsnan pujurniu úuntri̱ṉkia shuar anaikiamuiti tura ni takatrí̱ jímiaraiti. Yusai̱ shuarnan chicharsatniuiti. Nuya̱sha Yus suíniamun súsatniuiti tura núnisaṉ taṉkun maa Yusan súsatniuiti shuara yajauchiri̱n asakátratniun.

Isr. 7:27

Nisha yaunchu Yúsnan pujurniu uuntri̱ armia núninchaiti. Yaunchua nuka murikiun máwar ashí tsawant Yusan suu ármiayi. Nuja̱i̱ emka ni yajauchiri̱n nuyá̱ ashí shuara tunaari̱ncha asakátin ármiayi. Tura Jesuska jákatniunam chikichkí surumak ashí shuara yajauchiri̱n asakátramiayi.

Isr. 8:4

Ju̱yá̱ Yúsnan pujurin Muisais timia nuna Yusan yamaisha susamin akui Jesus ju̱ nuṉkanam pujakka Yúsnan pujurin áchainti. Antsu nayaimpiniam takaawai.

Isr. 9:14

Antsu Kristu peṉké tunaarinchaitiat tuke jáchatai Wakaní̱ kakarmari̱ji̱a̱i̱ jákatniunam Yusai̱ surumakmiayi. Tuma asamtai Kristu numpé̱ ii yajauchiri̱n peṉké asakáru asamtai yamaikia ii tunaarí̱ jákatniunam júana nuja̱i̱ itit enentáimtumatsuk nekas iwiaaku Yus ¿shiir umirkachminkiaitiajⁱ?