Isr. 8:11 - Yus Papí: Shuarja̱i̱ Yus Yamaram Chicham Najanamu

¹¹ Nui̱sha Yusan nekaat tusa ni ai̱sha ni yachi̱sha jintinniáiyachartatui. Warí ashí shuar, uchisha uuntcha niṉki nekarawartatui.

Isr. 8:11 Iomraidhean Croise

Ists. 7:25

Tura ámeka Ístrasá, Yus nekatairi̱n amasua nuja̱i̱ aents entsa amaini̱ matsatainia nuna sumamtikniusha tura úuntri̱sha ame Yusrum akupkámun ashí nékainia nu anairarta. Tura Yusrum akupkámun nékainiatsna nuka jintintiáwarta.

Isa. 2:3

Tura untsurí nuṉkanmaya̱ aents káunkar chichainiak “Winitiárum Uunt Yusa náintri̱n, Jakupa Yusri̱ Je̱e̱n wákarmi. Tura ni jinti̱n wekasatniun jintintrámawakrin Niin wekaasarmi” tiártatui. Warí akupkámu chichamka Seúnnumia̱ jiinkittiawai tura Uunt Yusa chichame̱nka Jerusaréṉnumia̱ antuukattawai.

Isa. 54:13

Tura ashí ame uchirmeka Uunt Yus jintintiámu ártatui tura ni aṉkant pujustinkia ti núkap átatui. Jṉ. 6:45

Jrm. 24:7

Winia nekarawarat tusan nekatai̱n súsartatjai. Warí Wikia Úunt Yuschakaitiaj. Nekas enentáiji̱a̱i̱ Winia enentáimturainia ásar niṉkia Wi shuar ártatui tura Wikia ni Yusri̱ átatjai.

Jrm. 31:34

Nuya̱ṉka yaaksha ni shuari̱nkia yachi̱nkisha ‘Uunt Yus nékamek’ tusaṉka jintintiáshtatui. Warí peṉké uchichinmaya̱ṉ juárkin úuntaimiak ashí nekarawartatui” tawai Uunt Yus. “Warí ni yajauch túrukmari̱n Wi ashí tsaṉkuraran núnaka atakka peṉké enentáimtuschattajai.”

Jrm. 42:1

Ashí suntara uuntri̱ Karea uchirí̱ Jujanán tura Usayása uchirí̱ Jasanías núnisaṉ ashí aents ékechinmaya̱ juarki̱ úuntaimiak iruntrarmiayi.

Jrm. 42:8

Tura Karea uchirí̱ Jujanán tura ashí suntara uuntri̱ niji̱a̱i̱ pujuarmia nuna nuyá̱ ashí aents ékechinmaya̱ úuntaimiak untsukarmiayi.

Jrm. 44:12

Tura Jutanmaya̱ juákaru Ejiptunam matsamsatai tusar ní wakerusar ashinkiarma nunasha ashí amukártatjai Ejiptunmaṉ. Kame puya̱ja̱i̱ mantamná tura tsukái kají̱ ajainiak uchichinmaya̱ṉ juárkiṉ uuntcha amú amú ajasártatui. Túrunarum átumka aents pachisar yumiṉtai tura yumiṉkramua ántsarmek iisar ashamtai núnisrumek wishiktai̱ ajastatrume.

Jrm. 6:13

Kame uchiimiak uunt áiniana nusha waitruar aya kuit achiktinniak wakeruiniawai. Núnisaṉ Yúsnan etserniuimiak Yúsnan takarniusha anaṉmainiawai.

Isk. 34:30

Kame Israer shuarka Wikia Uunt Yus ni Yusri̱ asan ni pujuiniamunam Wisha pujajna nuna tura nisha Wi shuar ainia nunasha nekamawartatui tawai Uunt Yus Ashí Aentsu Uuntri̱.

Awa. 2:14

Antsu Uunt Yusa winchari̱ṉkia entsa nayantsanam pímiana núnis ashí nuṉkanam nekanattawai.

Juaṉ 6:45

Yúsnan etserniu áarmari̱n tawai ‘Ashí Yus jintintiámu ártatui.’ Isa. 54:13 Núnisaṉ ashí Yusa Chichame̱n antukar unuimiátainiakka Winí̱ táiniawai.

Tur. 8:10

Tuma asamtai ashí aents úmamkesar uchichisha, uuntcha, nin anturiarmiayi. Tura chicharainiak “Ju̱ Semuṉsha Yusa kakarmari̱ji̱a̱i̱ áitkiawai” tiármiayi.

1 Jṉ. 2:27

Atumniasha Jesukrístu Yusa Shiir Wakaní̱n suramsakrumin, nú Wakan tuke pujurtamkurmin shuar jintintrámatin atsumatsrume. Antsu Yusa Wakaní̱ ashí jintintramprume. Ni jintintrammasha imiá nekas asa wáitchaiti. Tuma asamtai Ni jintintramna áintsarum Krístuja̱i̱ tuke tsaniṉkrum pujustarum.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.