Isr. 8:10 - Yus Papí: Shuarja̱i̱ Yus Yamaram Chicham Najanamu

¹⁰ Tura nu arantcha tawai, Tsawant jeamtai Israer shuarja̱i̱ yamaram chichaman najanattaj nuka jú̱nis átatui. Wi akupeajna nuna enentái̱n paant enentáimtikrartatjai. Nuyá̱ ni Yusri̱ ártatjai tura nisha Wí shuar ártatui.

Isr. 8:10 Iomraidhean Croise

Jiin. 24:4

Nuya̱ṉka Muisaiska Uunt Yus timia nuna ashí áarmiayi. Tura kashin káshik nantaki̱ Senái táritkiamuri̱n Israer shuara uuntri̱ tuse ainia nuja̱i̱ métek kayancha tuse irumar Yus áestuatniun najanamiayi.

Jiin. 24:7

Núnisaṉ chícham najanamu papin Israer shuar ántuiniamunam áujsamiayi. Tura Muisais áujsamtai Israer shuar chicharainiak “Uunt Yus tana nuka tímiatrusrik túrakur umiktatji” tiármiayi.

Jiin. 34:1

Nu arant Uunt Yus Muisaisan chicharuk “Emka jimiará kayanam aarma tsáirmam núniniak jimiará kaya pakamám iwiarata. Nui̱ emka kayanam áarmaj nú chichamnak áartatjai.

Jiin. 34:27

Uunt Yus Muisaisan chicharuk “Jú̱ chicham aartá. Jú̱ chichamja̱i̱ métek ámiji̱a̱i̱ tura Israer shuarja̱i̱ chichaman nájanjai” tímiayi.

Anen. 2:16

Winia aneamurka wíniaiti tura wisha níniuitjiai. Ririu kuku̱ji ainia nui̱ niṉkia murikrí̱n ayurainiawai.

Jrm. 24:7

Winia nekarawarat tusan nekatai̱n súsartatjai. Warí Wikia Úunt Yuschakaitiaj. Nekas enentáiji̱a̱i̱ Winia enentáimturainia ásar niṉkia Wi shuar ártatui tura Wikia ni Yusri̱ átatjai.

Jrm. 31:1

Uunt Yus chichaak “Nu tsawantinkia ashí Israer weanmaya̱ shuar ainia nuna Yusri̱ átatjai. Tura nisha Winia péprur ártatui.”

Jrm. 31:33

“Kame nu tsawant naṉkaamasmatai Israer shuarja̱i̱ chichaman najanattajna nuka ju̱i̱ti” tawai Uunt Yus. “Wi akupkámunka ni nekatairi̱nkia ikiursaran ni enentái̱nkia áatrartatjai. Tura Wikia ni Yusri̱ átatjai núnisaṉ nisha Wi shuar ártatui.

Jrm. 32:38

Tura nisha Wi shuar ártatui, Wisha núnisnak ni Yusri̱ átatjai.

Jrm. 32:40

Nuyá̱ wisha niji̱a̱i̱ amukashtin chichaman najanattajai. Núnisnak niin péṉker túratniun peṉké iniaisachartatjai. Áintsaṉ Wini̱ya̱ kanakiára̱i̱ṉ tusan ni enentái̱n sapijian eṉketáwartatjai.

Isk. 37:27

Túran ni pujuiniamunmaani̱ pujustatjai. Wisha ni Yusri̱ átatjai tura nisha Wi shuar ártatui.

Isk. 39:22

Kame Israer shuarka nu tsawantai̱ Wi Uunt Yus ni Yusri̱ntjiana ju̱na nekarawartinian juárkiartatui.

Use. 1:10

Túrasha ukunmaṉka Israer shuarka entsá naikim írunna imianú untsurí nekapmarchamnia ajasártatui. Tura átumka ‘Wí shuarchaitrume’ tunamármena núnaka iniaisar antsu ‘tuke iwiaaku Yusa uchirí̱ntrume’ tunattarme.

Use. 2:23

Nu tsawantiṉkia Israer shuaran araatniua áitkiasnak Jisriirnum apujsartatjai. Túran Ru-rujaman waitnentrattajai tura Ru-amincha chicharkun ‘Wí shuaraitrume’ tiártatjai tura nisha chichartuiniak ‘Ámeka ii Yúsri̱nme’ turutiartatui” tawai Uunt Yus.

Sak. 13:9

Núnaka aya kuítiak ajasat tusar tura aya kúrik juákat tusar jinium áesainia núnisnak wisha jinium áesan nekapsattajai. Nuiṉkia winia náarun pachisar untsurainiakui wisha anturkaran ‘Átumka wí shuaraitrume’ tiártatjai. Tutai ni chichartuiniak ‘Uunt Yuska ii Yúsri̱nti turutiartatui’” tímiayi Uunt Yus.

Sak. 8:8

Túran Jerusaréṉnum ikiankan matsasártatjai. Niṉkia Wi shuar ártatui tura Wikia ni Yusri̱ asan nekas tájana nuna umikian niji̱a̱i̱ péṉker túrin tuke átatjai.’

Mat. 22:32

‘Wikia Aprajáma Yúsri̱ntjiai, Isaka Yúsri̱ntjiai, Jakupu Yúsri̱ntjiai.’ Warí, Yus jaká Yúsri̱nchuiti. Antsu iwiaaku ainia nuna Yúsri̱nti” tímiayi.Jiin. 3:6,15

Rum. 11:27

Jú̱ Chichamnasha niji̱a̱i̱ najanattajai, ni tunaari̱n asakturtatjai.” Isa. 27:9

1 Kur. 6:16

Kame ¿ju̱sha nékatsrumek? Áishmaṉ tsaniri̱ji̱a̱i̱ tsaniṉkiar chikichik aya̱shtinia áinis ajainiawai. Núnisaṉ Yus Papinium áarmaiti, “Mai̱ chikichik aya̱shtinia áinis ajasártatui” Naṉ. 2:24

2 Kur. 3:3

Iis, tátsujak. Krístunmaya̱ papí aarma núnisketrume. Ii etseriajⁱ nuyá̱ atumíin Yusa Wakaní̱ áaruiti. Tíntiaja̱i̱nchu antsu iwiaaku Yusa Wakaní̱ji̱a̱i̱ áarmaiti. Kayanmasha áarchamuiti antsu shuara enentái̱n, auka áarmaiti.

Muis. 30:6

Tura atumí nekas enentái̱ji̱a̱i̱ tura takamtsuk wakaní̱ji̱a̱i̱ Winia anentakrum iwiaaku pujusmíntrum tusa aya̱shnium tsupirnaktinia núnis Uunt Yus atumín tura atumí uchirí̱ enentái̱ncha yapajtiúrmattarme.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Isr. 11:16

Tura antsu nisha nuna naṉkaamas péṉker nuṉkan nayaimpinmaya̱ nuna enentáimtiarmiayi. Túmainiakui Yuska péprun iwiartur susa asa “Wi ni Yúsri̱ntjiai” títinian natsantatsui.

San. 1:18

Ni wakera asa ni nekas chichame̱a nuja̱i̱ ni uchirí̱ najatmamji. Tura ashí ukunam átatna nuja̱i̱ ii émkaitji.

San. 1:21

Nu asamtai ashí péṉkercha nu tura ashí yajauch írunna nusha iniaisata. Tura tuke enentáiji̱a̱i̱ Yus Chicham ame enentáimin araamu anturkata. Tura nu chicham kakarmaiti uwemtikrampratniun.

1 Pit. 1:23

Nekaatarum. Yusa chichame̱ umirka asarum atak akiiniaitrum nuka ju̱ nuṉkanmaya̱nchuiti. Antsu Yusa chichame̱ iwiaaku tuke amukachmin ana nú chichamja̱i̱ tuke iwiaaku átiniaitrume.

1 Pit. 2:9

Tura átumka Yus achikmaitrume. Tura wínian pujurtursarat tusa yajauchinmaya̱ Uunt Yus akantámkaitrume. Yusna asarum péṉker enentáimin ajasurme. Tura sumakma asarum Yúsnaitrume. Nisha winia péṉkerun etserturkarat tusa túraiti. Kame kiritniunmaya̱ jiinkirum ni tsáapnintri̱n wekasatniun achirmákurme.Jiin. 19:5-6; Muis. 10:15; Isa. 61:6