Isr. 7:5 - Yus Papí: Shuarja̱i̱ Yus Yamaram Chicham Najanamu

⁵ Muisais akupkámuja̱i̱ Riwí weanmaya̱ Yúsnan pujurin anaikiamu áiniakuisha nisha ashí Israer shuarja̱i̱ métek Aprajám wea áiniawai. Túmaitiatar peṉké Israer shuar ni warirí̱n tias akantúk Yúsnan pujurniun suu ármiayi. Muisais tu akupkámiayi.

Isr. 7:5 Iomraidhean Croise

Naṉ. 35:11

Nuyá̱ Yus Jakupan ju̱nasha tímiayi “Witjiai Ashí Tujintkiachu Yus. Tuma asan pamparta tájame. Kame ti pamparam aminí̱ya̱ṉ aents ti untsurí mátsatka ajasártatui. Túrunawar amé shuarumiiya̱ṉ úunt akupin ártatui.

Naṉ. 46:26

Ashí aents Jakupja̱i̱ Ejiptunam káunkarmia nuka, nú numpak, ni uchirí̱sha ántsaṉ nuwe̱sha nekapmatsuk sasaintisáis aents ármiayi.

1 Akup. 8:19

Túrasha ámeka je̱a̱rtishtatme antsu ame uchiram akiiniattana nu Winia naar naṉkamantu awajsatin je̱a̱nka je̱a̱rtámtiatui’ tímiayi Yus.

Neem. 13:10

Jú̱nisnak wainkiamjai. Riwí shuar ántar súsartin armia nunasha súsachman nekaamjai. Kame Riwí shuarsha tura kantamniusha takakmau áiniayataṉ niniu ana nuna súsachma ásar aṉkant aṉkant ni nuṉke̱ni̱ṉ pisaráru armai.

Jiin. 1:5

Kame Jakupu shuari̱ ashí iruram sataintia shuar ármiayi. Antsu Juseka Ejiptu nuṉkanam pujumiayi.

Jiin. 28:1

Uunt Yus Muisaisan chicharuk “Israer shuarnumia̱ ame yátsum Araun, ni uchirí̱ji̱a̱i̱ Natap nuyá̱ Apiú, Iriasár tura Itiamár Winia takartin árat tusam untsukarta.

Muis. 26:12

Nú arantcha menaintiú uwí ántar súsatin uwí asamtai atumí arakri̱ júukrum tiásnumia̱ chikichik akanka (1/10) irumprarum Riwí shuarsha tura yajaya̱ ainia nu nuyá̱ mitiaik áiniana núnasha núnisaṉ waje̱sha nú araamu nere̱ súsatniuitrume. Tura imiatkímprachma pujusjai tusarum núnisnak Yus akupkámuncha mash umikjiai tusarum Israer shuarsha tura ju̱ nuṉka Ame sukartusmiamna nusha yaunchu tímiamna tímiatrusmek péṉker pujutnum yumiṉkiarturta Yus títiniaitrume.

Isr. 5:4

Shuar ni enentái̱ji̱a̱i̱ṉkia Yúsnan pujurniu uuntri̱ ajaschamniaiti. Antsu Yus nu shuaran anaikiatniuiti. Núnisaṉ Araunan anaikiamiayi.

Isr. 7:10

Aprajám wea áiniak ni aya̱shí̱a áinis enentáimtusmin áiniawai.