Isr. 7:26 - Yus Papí: Shuarja̱i̱ Yus Yamaram Chicham Najanamu

²⁶ Tuma asa Jesus Yúsnan péṉker pujurniu uuntri̱ asa ii atsumajnia núkete nisha. Nisha ti shiir asa peṉké tunaarinchaiti. Ashí yajauchinmaya̱ kanakniuiti. Tura Yusja̱i̱ métek Uunt ajasuíti.

Isr. 7:26 Iomraidhean Croise

YKan. 68:18

Ámeka achirma ainia nu yaruakam wakamame. Tura aentsu warirí̱sha takurkame. Nu arant umichusha nakitiáiniak akikmamtikiamame. Nui̱ shiir pujustaj tusam túramame.

Isa. 53:9

Anaṉma ti kajek yajauchi túrichuitiat Yusan enentáimtichuja̱i̱ métek iwiarnastiniuyayi túrasha jakamtai kuítrintin iwiartai̱niam iwiarnasmiayi.

Mat. 27:18

Kame Israer shuar ántar kajerainiak ni itiarmia nuna nekaamiayi.

Mar. 16:19

Jesus chichas amukmatai Yus nayaimpiniam jukimiayi. Túruna Yusa untsuurí̱ni̱ pujusmiayi.

Ruk. 1:35

Tutai Yusa suntari̱ Marin chichaak “Yusa Wakaní̱ tarutrámtatui. Tura yuraṉmia núnisaṉ Uunt Yusa kakarmari̱ ijirmattawai. Nu tuma asamtai Uchi akiiniattana nu Yusai̱ya̱ asamtai ‘Yusa Uchirí̱nti’ tiártatui.

Ruk. 23:22

Tura ataksha Piratu chicharainiak “¿Urukamtai. Warí tunaan túrait? Jakamnia tunaan túrachiash tusan aniasan peṉké nekarachjai. Asutián akupkátjai” tímiayi.

Ruk. 23:41

Iikia yajauch asar wáitsatniuitji, ii yajauch túramuri̱ akikmakur wáitiaji. Antsu ju̱ áishmaṉka yajauchin túrichuiti” tímiayi.

Ruk. 23:47

Suntara uuntri̱ nu túrunamun wainiak Yusa náari̱n shiir awajeak “Ju̱sha imiá nekas péṉker áishmaṉkauyi” tímiayi.

Ruk. 24:26

¿Yusa anaikiamuri̱, Kristu tutai, shiir awajnatsuk ti wáitsashtinkiait?” tímiayi.

Ruk. 24:46

Jintintiuk chichaak “Yusa anaikiamuri̱ Kristu tutai jaka menaintiú tsawantai̱ jakamunmaya̱ nantaktinia nu yáunchuk áarmauyayi. Tura Wi nú Krístuchukaitiaj.YKan. 22:1; Isa. 53:1-12; Use. 6:2

Juaṉ 14:30

Jú̱ nuṉkanmaya̱n akupin winiakui atumji̱a̱i̱ núkap chichaschattajai yamaikia. Wíniaka nupettukchamniaiti.

Juaṉ 8:29

Winia akuptúkua nuka tuke Wíji̱a̱i̱ṉ pujawai. Winia Apar wakeramun tuke shiir túrakui ikiurkichuiti” tímiayi.

Tur. 3:14

Jesus péṉker nákak enentáimniuyana nu ‘akupnakchati’ tímiarme. Antsu shuaran main akupnakat tusarum wakerimiarme.

Tur. 4:27

Tu áarmaiti Uuntá tura nekasaiti. Irutis Punsiu Piratuja̱i̱ jú̱ péprunam iruntrarmiayi. Nisha yajaya̱ shuarja̱i̱ tura Israernumia̱ shuaraim nui̱m iruntrarmiayi. Ame Uchirmin tunaarincha Jesusan Ame anaikiamiamna nuna kajerkarmiayi.

2 Kur. 5:21

Krístuka peṉké tunaarinchauyayi. Túmanak íi tunaari̱n Yus Krístun makumiayi. Nuna tura Kristui̱ iikia makuchmin Yusa péṉkeri̱ ajasúk tusa túraiti.

Isr. 1:3

Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Isr. 2:10

Ashí írunna nu Yus najankamu ásar ni wakeramun umiktin áiniawai. Kame Yus ashí ni uchirí̱sha ni shíirmari̱n pachinkiarat tusa wakerawai. Tuma asa Yuska Jesukrístun, nú shuaran Uwemtiknia asa, ni wáitsamuja̱i̱ nekas tí peṉker Uwemtikkiartin awajsámiayi.

Isr. 2:17

Túratin asa peṉké métek ni yáchi̱ya áinis ajasmiayi. Nuja̱i̱ iin tuke waitnentrampramniaitji. Tuma asa Yúsnan pujurniu uuntri̱ ajas Yusan tuke péṉker chichartamsamniaitji. Núnisaṉ murikiun maa Yus súsatniua áintsaṉ ni jakamuja̱i̱ ashí shuara tunaari̱n tsaṉkurniuiti.

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

Isr. 7:11

Muisais akupkámunam Riwí shuarnumia̱ aya Araun wea shuar Yúsnan pujurin ármiayi. Nisha Muisais akupkámu timia nuja̱i̱ métek peṉké shuarja̱i̱ takasarmiayi. Tura Riwí shuarnumia̱ Yúsnan pujurniu takatrí̱ji̱a̱i̱ yajauchin nekas asakárminiaitkiuiṉkia Yúsnan pujurin yamarmaka Araun weachu anaikiashtin ainti. Túrasha Yus Jesusan Mirkiseték amia áinis Yúsnan pujurniun anaikiaiti. Nusha Araun weachuiti.

Isr. 8:1

Nekas ju̱na tájame, Yúsnan pujurniu uuntri̱ Jesus iin ti shiir yaintma asa akupin pujutai̱nium Yusa untsuurí̱ni̱ nayaimpiniam pujusuiti.

Isr. 9:14

Antsu Kristu peṉké tunaarinchaitiat tuke jáchatai Wakaní̱ kakarmari̱ji̱a̱i̱ jákatniunam Yusai̱ surumakmiayi. Tuma asamtai Kristu numpé̱ ii yajauchiri̱n peṉké asakáru asamtai yamaikia ii tunaarí̱ jákatniunam júana nuja̱i̱ itit enentáimtumatsuk nekas iwiaaku Yus ¿shiir umirkachminkiaitiajⁱ?

1 Pit. 1:19

Antsu Kristu numpe̱ ti shiira nuja̱i̱ uwemtikramuitrume. Nu nékarme. Yaunchu shuar tunáa túrakui Yus chichaak “Murik yajauchichu tunamárcha máarum Yus sútai̱niam ikiustarum. Nuna numpe̱n wainkian atumí tunaari̱n tsaṉkurattajai” tíniuyayi. Núnisaṉ Kristu iin jarutramka asa ii tunaarí̱nia̱ uwemtikrampraitji.

1 Pit. 2:22

Krístuka tunaan peṉké túrachmiayi. Tura chikichkinkesha peṉké anaṉkachmiayi. Isa. 53:9

1 Pit. 3:22

Tura Nisha nayaimpiniam we akupin pujutai̱nium Yusa untsuurí̱ni̱ apujsamuiti. Túramtai nayaimpinmaya̱ suntarsha tura ashí kakaram akupin áiniana nusha Jesukrístun umirainiawai.

1 Jṉ. 2:2

Jesukrístu ii tunaari̱n asakártaj tusa jarutramkamiaji. Túrasha aya íiniunkechu antsu ashí shuara tunaari̱n asakártaj tusa jarukmiayi.

1 Jṉ. 3:5

Jesukrístu ii tunaarí̱ asakártaj tusa ju̱ nuṉkanam tamia nu nékarme. Tura Niṉkia yajauchin túrichuyayi.

Apu. 3:7

Nuyá̱ turutmiai “Piratírpianmaya̱ Yus shuara uuntri̱ ju̱ áatrata. Ti shiir túrin tuke nekasan tana nu, úunt akupin Tawitia yawiri̱ takaku asa uraimtai chíkich peṉké epenchamniaiti. Tura epenmiatai chíkich peṉké uraichminiaiti. Ju̱na tawai