Isr. 7:25 - Yus Papí: Shuarja̱i̱ Yus Yamaram Chicham Najanamu

²⁵ Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

Isr. 7:25 Iomraidhean Croise

Isa. 45:22

Warí Wíkitjiai Yus. Chíkichkia atsá asamtai ashí nuṉka náṉkata tímianai pujarmena nu aentstirmesha Winia íirsarum uwempratarum.

Isa. 45:24

Kame Winia pachitias chichainiak “Aya Uunt Yusai̱ni̱ṉ nekasa nusha tura ti kakarmasha awai” turutiartatui. Tura ashí shuar Niji̱a̱i̱ kajernaikia nuka Ni pujamunam jeawar natsa̱a̱rartatui.

Isa. 53:12

Nuna túramtai uunt pujuinia nu nin shiir awajsatai tusar tariarti tusan tsaṉkatkattajai tura kakaram ainia nuja̱i̱ nupetmakar ata̱rman akantúnairartatui. Warí ni iwiaakmari̱nkia surumak jakamiayi. Tura yajauch túrin shuarnum sumamauyayi. Ashí aentsu tunaari̱n jurukín asa umichu ainia nunasha Yusan seatiarmiayi.

Isa. 59:16

Kame Uunt Yus nuna íisash péṉkeran túrinniaka peṉké wainkiachmiayi. Tura nuna chichampruktin atsá asamtai ti enentáimpramiayi. Tuma asamtai ímia Niṉki uwemtikramnia tura Ni nekasa nuja̱i̱ métek túrutairi̱ṉ emetamiayi.

Jrm. 3:22

Ántichu kajen uchí Wini̱i̱n waketratarum. Túrawakrumni̱ṉkia kajen ántichuitrumna nuya̱ṉka péṉker awajsattajrume. Pai, yamaikia Ámeka Uunt Yus ii Yusri̱ asakmin Aminí̱ wininiaji.

Tan. 3:15

Antsu yamaikia kachun tura ashí umputai̱ ainia nuna umpuiniakui núnisaṉ ashí tuntuitiai̱ ainia nuna túntuiniakui antukrum kuriji̱a̱i̱ najanaj nu ¿nekas tikishmátrattarmek? Nu túrachkurmeka nu chichamtaik uunt ji keamunam apenáttarme. Nuya̱sha ¿warí yusak atumniasha winia kakarmarui̱ya̱sha uwemtikrampratarum?” tímiayi.

Tan. 3:17

Túmaitkiuisha ii umiriajnia nú Yus ji keamunmaya̱ṉka uwemtikrampramniaitji. Tura úunt akupniu, aminí̱ya̱ṉka nekas uwemtikramprattaji.

Tan. 3:29

Tura yamaikia ju̱ chichaman nájanjai ‘Ashí aents núnisaṉ mátsatkamu uunt nuṉkanmaya̱ tura chíkich chíkich chichamtin áiniana nusha Shatraaka, Mishaaka tura Awitníkiu Yusri̱n yajauch chicharainiaka asantrartatui nuyá̱ ni je̱e̱sha emestukarma ártatui.’ Warí, chíkich yus Niji̱a̱i̱ métek uwemtikkiartinkia peṉké atsawai” tímiayi.

Tan. 6:20

Tura wá̱a̱nam jeá kúntuts enentáiji̱a̱i̱ úunt akupin Taniaran kakantar untsúak “Iwiaaku Yusa takarin Taniará, tuke tsawant iniaitsuk enentáimtamna nú Yus úunt ya̱wa̱nmaya̱ ¿uwemtikramprayik?” tímiayi.

Tan. 9:16

Uuntru, Ámeka nekasa nuja̱i̱ métek túrin asam yamaikia Ame pépruram Yusna akantúkma naint Jerusaréṉ suir kaje̱ntukma tsaṉkurata. Warí, ii tunaari̱n tura ii aparí̱ yajauch túrutainiam Jerusaréṉsha tura amé aentssha ashí aents ayamach matsatainia nu wishiktai̱ ajasárai.

Juaṉ 14:13

Ashí Winia enentáimtursarum seatrumna nuna amastatjai. Núja̱i̱ṉkia winia Apar shiir awajnástatui.

Juaṉ 14:16

Tura wéakun winia Aparun chikichan akuptúrmakti tusan seattajai. Nisha atumji̱a̱i̱ tuke pujak atsaṉtamprartatui.

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Rum. 5:10

Yusa nemasri̱ áyatar Yusa Uchirí̱ jakamuja̱i̱ yamaikia Yusja̱i̱ shiir nawamnaikiar pujaji. Nu arant nui̱kia Kristu tuke iwiaaku asa iiji̱a̱i̱ tsaniṉkiu asa ashí yajauchinmaya̱ uwemtikramar tuke shiir awajtámsattaji.

Rum. 5:2

Tura Ni shiir enentáimtakur Yusai̱ weankaitji. Tura Kristu jarutramkakrin Yus ti anenmaji. Tura tuke anenma asakrin Niji̱a̱i̱ métek shiir ajastin nákakur waraaji.

Rum. 8:34

Tura ¿yaki “jinium apenáti” titi? Warí, Kristu peṉké túrashtatui. Antsu nu shuaran jarukmiayi. Tura nantaki̱ Yusa untsuurí̱ni̱ ekemas iin áujturmaji.

1 Kur. 1:21

Aya ni nékamuja̱i̱ aents Yusan nekaacharmiayi. Núnisaṉ atí tusa Yus túramiayi timiá neka asa. Antsu ashí aentsun Yus ni chichame̱ja̱i̱ uwemtikratniun wakerimiayi. Chíkich “ántraiti” tuíniana nu chichamja̱i̱ṉᵏⁱ Yus Niin enentáimtuinia núnaka uwemtikratniun wakerak túramiayi.

Ipi. 2:18

Yamaikia Israer shuartisha tura Israer shuarchasha mái̱ metek Kristu túrunamuja̱i̱ tura Yusa Wakaní̱ takaku asar Yusai̱ jeatniuitji.

Ipi. 3:12

Tura Krístuja̱i̱ Yusai̱ yúpichuch jeaji. Tura Nin nekas enentáimtusar sapijmiatsuk Nin tantamniaitji.

Ipi. 3:20

Nekas Yus shiir awajnásti. Ni ti kakaram asa ii seajnia nuna naṉkaamas tura enentáimprachminia nunasha naṉkaamas iin pujurtamuk ashí túramniaiti.

Jir. 3:21

Ni taa ii yajauch aya̱shi̱n yapaji̱á ni aya̱shí̱ji̱a̱i̱ métek ti shiir awajsattawai. Ashí úunt akupin ajas nu kakarmaja̱i̱ túrutmattaji.

1 Tim. 2:5

Aya chikichik Yus awai. Tura Jesukrístu aents ajas niṉki Yusja̱i̱ aentsun nawamnaimtikiartiniaiti.

2 Tim. 1:12

Túruta asamtai ti wáitiajai. Túrasha Yusan nekas enentáimta asan natsaamatsjai. Imiá kakaram asa amuukatin tsawant jeatsa̱i̱ṉ ashí wínian susamaj nuna tí peṉker waitruktatui.

Isr. 11:6

Tura Yus nekas enentáimtachkumka ¿itiurak Ni shiir enentáimtiksatam? Nekas enentáimji̱a̱i̱ Yusan weantúktaj tusam wakerakmeka emka Yus iwiaakuiti tu enentáimpratniuitme. Nuya̱sha Wi Yusan imiá nekas e̱a̱kuiṉkia Yus winia yaintkiattawai, tu enentáimsatniuitme.

Isr. 13:15

Tuma asar taṉku maar Yus sútsuk antsu shiir chicham súakur tuke Yus shiir yúmiṉkiaji. Tuke núnisar túratai.

Isr. 2:18

Tura imia niṉki waitsa asa tura íwianch nekapsamu asa yamaikia iisha wáitiakrincha tura íwianch nekapramkurnisha yaintmakminiaitji.

Isr. 2:9

Tura wáinjinia nu Krístuiti. Nisha aents ajas ishichik tsawant nayaimpinmaya̱ suntarja̱i̱ péejchach ajasmiayi. Yus ashí shuaran ti aneak jarukarti tusa wakerimiayi. Tura ni wáitias jakamuja̱i̱ yamaikia ti shiir naṉkaamas Uunt awajsamuiti.

Isr. 5:7

Kristu jú̱ nuṉkanam pujak kakantar úutuk Yusan ti seamiayi. Nin jákatniunmaya̱ uwemtikramnia asamtai seamiayi. Tura Yusa wakeramuri̱n tuke enentáiji̱a̱i̱ enentáimtakui Yus anturak ti yáiṉmiayi.

Isr. 7:16

Niṉkia Riwí shuar asa Yúsnan pujurin ajaschamiayi antsu jákashtin asa nu kakarmaja̱i̱ Yúsnan pujurin ajasmiayi.

Isr. 7:19

Muisais akupkámuka shuaran péṉker awajsachminiuyayi. Antsu Yus iin ti shiir awajtámsattajnia nu nákaji. Nuja̱i̱ Yusai̱ ti shiir jeawitji.

Isr. 7:24

Antsu Jesus tuke jákashtin asa chikichan ikiurkishtatui.

Isr. 7:8

Israer shuarti tias akankámun súajnia nú shuar aya aents ásar tuke pujuschamin áiniawai. Antsu Mirkiseték jakamun Yus Chicham peṉké ujaatsui.

Isr. 9:24

Kame Krístuka Yusa Je̱e̱n aents najanamu nayaimpinmaya̱ṉ aya nakumea nui̱ waya̱tsuk antsu nekas nayaimpiniam Yus pujamunam wayá̱ iin áujturmaji.

Jut. 1:24

Yus chikichkiti. Ti nékaiti. Iin uwemtikkiartin asa ni kakarmari̱ji̱a̱i̱ yaintmakminiaiti tunaanum iniarchatniun. Tuma asa tunaaja̱i̱ máatrachu awajtámas ni ti shíirmari̱n ejetamtatrume. Túrutma ti waramtikramsattarme. Ii Uuntri̱ Jesukrístu túrunamuja̱i̱ Yuska Niṉki shiir awajsatniuiti tura naṉkamantu enentáimtustiniaiti. Yáunchusha, yamaisha, tura tuke ashí akupin atí. Núkete.