Isr. 7:2 - Yus Papí: Shuarja̱i̱ Yus Yamaram Chicham Najanamu

² Túramtai Aprajám nupetmakar kuit jukimiun tias akantúk susamiayi. Mirkisetéka naari̱ tana ju̱ka “tí peṉker úunt akupin” tawai. Tura Saremka “itit awajsachma ti shiir aṉkant pujustin” tawai. Tura Mirkiseték Sarema akupniúri̱ asa “ti shiir aṉkant pujú akupin” tawai.

Isr. 7:2 Iomraidhean Croise

Naṉ. 28:22

Tura kayan awajá ikiuajna ju̱, Uunt Yusa je̱e̱ átatui” tímiayi. Nuyá̱ Yusan chichareak “Ashí surustatmena nuya̱n tiásnumia̱n chikichkiniak akankan tuke amattajai Uunt Yusru” tímiayi Jakup.

2 Sam. 23:3

Israera Yusri̱ chichakuiti tura Israernumia̱ kátsuram Kaya aentsun nekasa nuja̱i̱ métek túrawarat tusa akupeana nu chichartak ‘Yus ashamamuja̱i̱ akupeana nuka

2 Sam. 8:15

Tura Tawit ashí Israer shuarnum akupeak nekasa nuja̱i̱ métek ashí ni shuari̱ncha péṉker akupkámiayi.

YKan. 72:7

Ni akupeamu tsawantri̱ṉkia péṉkera túrin ainia nuka shiir matsamsartatui. Kame kashi nantu ekeemtiatna nui̱ṉkia ni péṉker akupeakui itit awajsachma tuke átatui.

Riw. 27:32

Tura atumí ushukrutairi̱ni̱ naṉkaamainiana atumí waakari̱ tura atumí murikrí̱ tiásnumia̱ chikichik akankámu súarmena nuka Uunt Yusna akantúkma átiniaiti.

Mik. 5:5

Tura Niṉkia aṉkant imiatkincha pujutainti. Kame Asirianmaya̱ aents ii nuṉke̱n utsanawar ii akupniúri̱ pujutai̱niam waya̱warmataiṉkia murikiu wáinin siati tura uchu áishmaṉ peṉkeri̱ kakaram páantin ainia nu wajatrartatui.

Mat. 1:23

“Nuwa̱ natsa ajapruktatui tura áishmaṉchin takustatui. Nuna náari̱sha Emanuér anainiaktatui.” Tu áarmaiti. Emanuérsha nu chichamnum “Yus iiji̱a̱i̱ pujuwiti” tawai.Isa. 7:14

Ruk. 2:14

“Nayaimpinmasha Yus naṉkamantuiti tu enentáimtusarti. Tura ju̱ nuṉkanmasha Yusja̱i̱ nawamnaikiaru ainia nusha aṉkant pujusárti.” Tu tiármiayi.

Rum. 3:26

Tura yamaiya̱ tunaancha tsaṉkureak ashí shuar Jesus táman nékaskete tú enentáimtuinia nu shuaran Yus “tunaarincha awajsaitme” tíminiaiti. Kristu jakamuja̱i̱ nuka paant ajasái.

Isr. 7:1

Nu Mirkisetéksha Sarem nuṉkanam akupniuyayi. Tura naṉkamantu Yúsnan pujurniuyayi. Tura Aprajám chíkich akupniun mesetja̱i̱ awakak winiakui iṉkiuṉtajtsa jiintiuki̱ péṉker pujutnum yumiṉkramiayi.

Isr. 7:3

Apartincha tura nukurtincha núnisaṉ ni úuntri̱sha atsawai. Ni akiiniamuri̱ncha ni jakamuri̱ncha ujaatsui. Tuma asamtai Yusa Uchirí̱a áintsaṉ tuke iniaṉnakchatniun Yúsnan pujurin ajasuíti.

1 Sam. 8:15

Atumí arakri̱ya̱ uwa tura chíkich araknumia̱ ainia nusha tiásnumia̱ chikichik jukirum akupniu yaintri̱ peṉkeri̱ ainia nuna tura ni takarniúri̱ncha súsatniun akupin sútatrume.

1 Sam. 8:17

Nuyá̱ atumí murikrí̱ tiásnumia̱ chikichkiniak jurutrámiartatui tura ni takarniúri̱ awajtámsattarme.