Isr. 7:15 - Yus Papí: Shuarja̱i̱ Yus Yamaram Chicham Najanamu

¹⁵ Nú paantcha awajsámniaiti. Wats Yúsnan pujurin yamarma nuka Mirkisetékja̱i̱ métekete.

Isr. 7:15 Iomraidhean Croise

YKan. 110:4

Uunt Yus nekas tajai tusa ímia niṉki pachimias Wi tájana jú̱naka nekas umiktatjai. Ámeka Mirkiseték Yúsnan pujurniuya nuja̱i̱ métek tuke Yúsnan pujurin átatme tímiayi. Isr. 7:15-17,21

Mat. 13:21

Tura núkap kaṉkaprurcharu ásar katsuiniatsui. Antsu itiurchatan íṉkiuiniak tura Yus Chichaman wakeruinia ásarmatai chíkich yajauch áujmatam wárik iniaisar ikiuiniawai.

Isr. 5:6

Tura ataksha Yus Papinium jú̱nis tawai “Mirkisetékka Yúsnan pujurin amia núnismek Amesha tuke Yúsnan pujurin átatme.” YKan. 110:4

Isr. 7:11

Muisais akupkámunam Riwí shuarnumia̱ aya Araun wea shuar Yúsnan pujurin ármiayi. Nisha Muisais akupkámu timia nuja̱i̱ métek peṉké shuarja̱i̱ takasarmiayi. Tura Riwí shuarnumia̱ Yúsnan pujurniu takatrí̱ji̱a̱i̱ yajauchin nekas asakárminiaitkiuiṉkia Yúsnan pujurin yamarmaka Araun weachu anaikiashtin ainti. Túrasha Yus Jesusan Mirkiseték amia áinis Yúsnan pujurniun anaikiaiti. Nusha Araun weachuiti.

Isr. 7:16

Niṉkia Riwí shuar asa Yúsnan pujurin ajaschamiayi antsu jákashtin asa nu kakarmaja̱i̱ Yúsnan pujurin ajasmiayi.

Isr. 7:3

Apartincha tura nukurtincha núnisaṉ ni úuntri̱sha atsawai. Ni akiiniamuri̱ncha ni jakamuri̱ncha ujaatsui. Tuma asamtai Yusa Uchirí̱a áintsaṉ tuke iniaṉnakchatniun Yúsnan pujurin ajasuíti.