Isr. 6:6 - Yus Papí: Shuarja̱i̱ Yus Yamaram Chicham Najanamu

⁶ nu shuar nuna nakitiak kanakniaka atak ni yajauchiri̱n ené enentáimiá ajasuítiat ikiuktinian nakitiak tujintkiattawai. Warí ní enentái̱ji̱a̱i̱ Yusa Uchirí̱n atak krúsnum matniua nútikiak ashí íimmianum natsanmai̱ awajui.

Isr. 6:6 Iomraidhean Croise

YKan. 51:10

Maa Yusá, aṉkant awajtúsam enentái̱r yapajtiurata. Túram aya péṉkera nui̱ṉ tuke enentáimtikritia.

Mat. 19:26

Tuíniakui Jesus ashí iisar chicharainiak “Aents uwempratniun nekas tujintiainiawai antsu Yuska ashí tujintiatsui” tímiayi.

Ruk. 11:48

Nu túrakrum atumí uuntri̱ túrawarmia nu ‘yajauchichuiti’ tárume. Warí nisha máwarmiayi tura atumsha máwarai táyatrum niji̱a̱i̱ méteketrume. Warí Yúsnan etserniu iwiarsamuri̱n je̱a̱mkuram atumek sumamarme.

2 Tim. 2:25

Tura umircha shuarnasha Yus ni enentái̱n yapajtiakui nekas chichaman shiir enentáimturarat tusa péṉker enentáiji̱a̱i̱ jintintiátniuiti.

Isr. 10:26

Túrasha shuar nekas chichaman nékayat ní wakeramuri̱ji̱a̱i̱ṉ yajauchiniam wekaakka Kristu jakamun nakitia asamtai chíkich taṉkun numpe̱ja̱i̱ ni yajauch túramu asakátratin atsawai.

Isr. 10:29

Núnisaitkiuiṉkia shuar Yusa Uchirí̱n wishikiainiakka ni numpe̱ncha nakitiáiniakka tura waitnenkartutai̱ Wakaní̱ncha katsekainiakka nuna naṉkaamas asutniáchartatuak. Warí ni nakitiana nú numpaja̱i̱ yamaram chicham nekas umirkatin awajsámuyayi. Tura núja̱i̱sha ni tí peṉker awajnástiniuyayi.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Isr. 4:14

Jesus Yusa Uchirí̱ nekas Yúsnan pujurniu uuntri̱ ajas Yusai̱ wayá̱ íiniun chichartamji. Nu asamtai iniaitsuk tuke nekas enentáimtustiniaitji.

Isr. 6:4

Shuar Yusna nuna nekaaṉka tura Yus susamun takakkuṉka tura Yusa Shiir Wakaní̱ kakarmari̱n nekapsaitkiuṉka

2 Pit. 2:21

Yusa akupkámuri̱n imiá péṉkera nuna Yus nú shuarnasha súsarmiayi. Túrasha nékainiayat tunaanum waketkiaru ásar ti asutniáwartatui. Tuma asamtai nekas jintian nekaachuitkiuṉka maak árainti.

1 Jṉ. 5:16

Tunáa awai jákatniunam júana nu. Shuar nu tunaan túramtaiṉkia Yus áujtustin ántraiti. Tura shuar chíkich tunaan túrakuiṉkia nuka nekas Yus áujtustiniaiti. Nekas jákatniunam júatsna nú tunaan túraitkiuiṉkia iwiaaku átinian Yus susattawai.