Isr. 6:2 - Yus Papí: Shuarja̱i̱ Yus Yamaram Chicham Najanamu

² imiantinnium nekaatniusha Yus shuar yaiṉmanum uwejé̱ awantsatniusha jakamunmaya̱ nantaktincha tura sumamtikiatin tsawanta nu nekaatniusha.

Isr. 6:2 Iomraidhean Croise

Isa. 26:19

Áminiu jákaru ainia nuka ataksha iwiaaku ajasártatui. Maa nuṉká matsatrumna nútirmeka shintiarum kantamátarum. Maa Wí shuar árumna nútirmeka Ame pujutái̱rmin waya̱ta. Winia kajetair naṉkaamam ú̱mkatarum. Yajauchiri̱n asutiáwartaj tusa pujutái̱ri̱ya̱ Uunt Yus jiiniui. Núṉkaka maamu ainia nuna numpe̱n tura aya̱shi̱ncha peṉké ú̱kchattawai.

Tan. 12:2

Ántsaṉ ti untsurí jákarusha iwiarsamunmaya̱ nantakiartatui. Chíkichkia tuke iwiaaku pujustinian tura chíkichkia natsanmai̱ ajakar tuke wáitsatniunam wéartinian nantakiartiniaiti.

Mat. 28:19

Tuma asamtai ashí nuṉkanam werum ashí shuar jintintiárum Wí shuar awajsatarum. Túrarum Yus Apa náari̱ji̱a̱i̱, Yus Uchi náari̱ji̱a̱i̱ tura Yus Wakaní̱ náari̱ji̱a̱i̱ imiaitiarum.

Mat. 3:14

Juaṉsha árantak chicharmamuk Jesusan chicharuk “Ame nekaska winia imiatminiaitiatmesha ¿urukamtai winiasha tarutnium?” tímiayi.

Mar. 16:16

Shuar Kristu nekas Yusa uchirí̱nti tiar tú enentáimtuiniana nu imiani̱ uwemprartatui. Shuar antukcharka tuke sumamawartatui.

Mar. 7:4

Péprunmaya̱ tarí “ikijmiatsuk yurumáshtiniaiti” tiniu ármiayi. Tura ti untsurí ni uuntri̱ túrutairi̱ núnisaṉ ármiayi. “Tsapancha, ichiṉnasha, jiruncha, peaknasha nijiakartiniaiti” tiniu ármiayi.)

Mar. 7:8

Tura átum Yusa Chichame̱ iniaisarum aentsu jintintiámuri̱ umirkarum ichiṉnasha tsapancha nijiaktin tura chíkich túrutai̱sha áintsarmek untsurí túrarme.

Ruk. 11:38

Tura Israer shuarka ikijmiatain ikijmiatsuk pujusmatai Pariséusha nuna wainiak “maa ¿urukamtaik aiṉkia?” tu enentáimsamiayi.

Ruk. 12:50

Imiantinia núnisaṉ itiurchat ukatrúktatui. Nusha wárik amuukat tusan ti wakerajai.

Ruk. 14:14

Nisha akirmáktinian tujintiainiawai. Péṉker shuar nantakiartatna nui̱ akinkiáttame. Nu tuma asamtai warastatme” tímiayi.

Ruk. 3:16

Tumai̱ Juaṉ ashí aentsun chicharainiak “Wikia aya entsá ímiajrume. Tura wiji̱a̱i̱ naṉkaamas kakaram winiawai. Tuma asamtai ni sapatri̱ jiṉkiamuri̱nkisha atitrachminiaitjiai. Nisha taa imiantinia ánis tura jiya ánis Yusa Wakaní̱n eṉketramprattarme.

Juaṉ 1:33

Nu túmatsa̱i̱ṉkia Niṉkia nekaachmajai. Tura Yuska winia imiakrattinian akuptak ‘Chikichik shuarnum Yusa Wakaní̱ tara ekemsa wainkiam nuja̱i̱ nekaattame. Yusa Péṉker Wakaní̱ji̱a̱i̱ imiakratniua núiti’ turutmai. Tura núja̱i̱ṉkia Nin nekaamjai.

Juaṉ 5:29

Tura ashí iwiarsamunmaya̱ jíintrartatui. Tura péṉkeran túrawaruka nantakiar tuke iwiaaku pujusártatui. Antsu yajauchin túrawaruka nantakiar jinium surunkartatui” tímiayi.

Tur. 10:47

Túmakui̱ Pítiur chichaak “Ju̱ aents imiantinian ¿yaki surimkiat? Warí nincha iiya áintsaṉ Yusa Wakaní̱ tarurcharaik” tímiayi.

Tur. 13:3

Tutai ijiarma Yusan áujsua amikiar shiir wetarum tusar ni uwejé̱n Sáurun Pirnapíncha awantkarmiayi. Túrawar Antiukíanmaya̱ akupkarmiayi.

Tur. 16:15

Túruna nú nuwa̱ níniuri̱ji̱a̱i̱ imiantmiayi. Tura nuya̱sha chichaak “Yus shuar nekas ajasái túrutkurmeka winia je̱a̱rui̱ winitiárum” tímiayi. Tura nui̱ jeawakrin setumtikrampramiaji.

Tur. 16:33

Tura tsawant iraṉkai̱ sepú wáinin Páprun Sérasja̱i̱ numpamnamuri̱n nijiararmiayi. Túramtai nuya̱sha sepú wainniusha nua̱ri̱ji̱a̱i̱ uchirí̱ji̱a̱i̱ imianiarmiayi.

Tur. 17:18

Nuyá̱ chichaman jintin chíkich naari̱, ipikiúriu armia nu tura chíkichkia, ni naari̱ estuikiu armia nusha Páprun áujmatsarmiayi. Chíkichkia tiármiayi “Imiá chichamtincha ju̱sha waritramtajik.” Tura chikitcha tiármiayi “Yajaya̱ yúsnan etserniuchuashit.” Páprusha Jesusa túrunamuri̱n tura aents jakamunmaya̱ nantaktinian étserkui nuna tiármiayi.

Tur. 2:38

Tutai Pítrusha chichaak “Atumí tunaarí̱ ené enentáimia ajasjai tusarum Yus nekas enentáimtustarum. Tura ashí shuartiram Jesukrístu naari̱ pachisrum imiantiarum. Nuiṉkia atumí tunaari̱n Yus tsaṉkurtámprattarme. Túrunawakrumin Yuska ni Wakaní̱n suramsattarme.

Tur. 2:41

Tuma asamtai nuna antukarmia nuka imianiarmiayi. Nú tsawantai̱ menaintiú mir aents Yus shuar ajasármiayi.

Tur. 23:6

Israer shuara úuntri̱ya̱ jimiará írutka ármiayi. Satuséu aents tura nuyá̱ Pariséu aents nusháa írutkan Pápruka nekaamiayi. Kame Satuséu aentska jakamunmaya̱ nantaktincha Yusa suntarí̱sha aentsu wakaní̱sha tura iwianchcha atsawai tiniu ármiayi. Antsu Pariséu aentska nuka ashí awai, tiniu ármiayi. Nuna nekáa Papru kakantar chichaak “Wikia Pariséu áentsuitjiai. Wí shuarsha Pariséu áiniawai. Wikia ashí shuar jakamunmaya̱ ukunam nantaktin átatui tu jintíamun nekaatai tusar itiariármiayi” tímiayi. Tura Papru nuna takui̱ Pariséu aents tura Satuséu aentssha nuamtak kajernaikiarmiayi. Túrunawar kánasaraṉ nusháa nusháa enentáimprarmiayi.

Tur. 24:15

Tura jakaasha nantaktin átatui, tajai. Warí, péṉker aents nútiksaṉ yajauch aentssha nantakiartatui imia Israer shuar tuíniatsuk. Tura wisha nútiksanak túrunatniuiti tajai.

Tur. 24:21

Kame jakamunmaya̱ nantakminiaiti tau asamtai makurtiajtsarum pujarme matsatmanum tímiaj nuja̱i̱ turutchartimpiash. Nú arantka yajauch túramun peṉké nekartuacharmai” tímiayi Papru.

Tur. 24:25

Tura Pápruka yajauchiniam wekasashtincha naka wekasatniuncha tura ukunam Yus tunáa aentsnaka asutiátniuiti takui̱ Pírikska ashamak chichaak “Antsu yamaikia máakete. Tura ataksha wi aṉkant pujakun untsukmijiam” tímiayi.

Tur. 26:8

Warí, atumsha ‘Yus jakaancha iniantkímniaiti’ tátsurmek.

Tur. 6:6

Tura nu siati áishmaṉkan Jesusa akatrámuri̱n itiariármiayi. Táarmatai akatrámusha Yus áujtusar anaikiaji tusar muuknumsha ni uwejé̱n awantsarmiayi.

Rum. 2:16

Wi uwempratin chichaman étsereaj nui̱ ashí shuar u̱kri̱sha túramun ashí paant awajsártatui. Tura nuna etserkatniun Jesukrístun anaitiukmiayi. Nu tsawantai̱ tunaan túrin sumamawartatui.

1 Kur. 10:2

Tura Muisaisan umirkar yuraṉminiam tura nayantsanam ashí imiaimiua áintsaṉ ajasármiayi.

1 Kur. 12:13

Tura imianiakrin Yusa Wakaní̱ chikichik awajtámsamji, Kristu aya̱shí̱ya áintsaṉ. Israer shuarsha, Israer shuarchasha, ti itiurchat takaana nusha, aṉkant ainia nusha, ashí yamái chikichik ajasuitji. Tura Yusa Wakaní̱ pimiutkamuitji Niji̱a̱i̱ tsaniṉkia pujakur.

2 Kur. 5:10

Warí, ju̱ aya̱shji̱a̱i̱ ii túramajnia nu ujakam “péṉkeraiti,” “yajauchiti” Kristu turutit tusar ashí iisha Uunt Kristui̱ jeatniuitji. Tura ii túramuja̱i̱ métek akirmáktatji.Rum. 14:10; Ipi. 6:8; Apu. 22:12

Jir. 3:21

Ni taa ii yajauch aya̱shi̱n yapaji̱á ni aya̱shí̱ji̱a̱i̱ métek ti shiir awajsattawai. Ashí úunt akupin ajas nu kakarmaja̱i̱ túrutmattaji.

Kurs. 2:12

Tura atumsha Yus ni kakarmari̱ji̱a̱i̱ Kristu jakaan iniantkímia nu enentáimtusrum imiantmiarme. Túrarum Krístuja̱i̱ métek iwiarnasmarme. Tura núnisrumek Krístuja̱i̱ métek nantakmiarme.

2 Tim. 2:18

Nisha nekas chichaman iniaisar tura ashí Yus shuar nantaktincha naṉkaamasai tuíniakui chíkich chíkich shuar Yusan naka enentáimtuiniatsui yamaikia.

Isr. 11:35

Nuwa̱sha ni uchirí̱ jakaan iniantkímiun wáinkiarmiayi. Chikitcha wáitias mantamnawarmiayi. Ti shiir pujustinnium nantaktiai tusar nú tsawantai̱ uwempratniun nakitrarmiayi.

Isr. 9:10

Warí aya yurumátniusha umartincha nijiartincha tura ashí núnisaṉ túratniuja̱i̱ aya pátatek ásarmatai enentáiniam írunna nuna iwiarachmin áiniawai. Antsu Yus nú túratniunka yapaji̱átniuyayi. Tuma asamtai yapajniátsa̱i̱ṉ túratin ármiayi.

2 Pit. 3:7

Tura Yus tiniu asamtai nayaimpisha nuṉkasha yamaiya̱ nuka jiji̱a̱i̱ emesnarat tusa ikiusma áiniawai. Yus aentsun nekapsattana nu tsawantai̱ yajauch aents emesnartatui tura jisha nu tsawantai̱ nuṉkancha nayaimpincha áesattawai.