Isr. 5:2 - Yus Papí: Shuarja̱i̱ Yus Yamaram Chicham Najanamu

² Tura Yúsnan pujurniu uuntri̱ nisha shuar asa ni tujintiamun nékak shuar nékachuncha tura waak yujainia nunasha waitnentramniaiti.

Isr. 5:2 Iomraidhean Croise

Jiin. 32:8

Kame Israer shuar wi akupkámu chichaman umitsuk kuriji̱a̱i̱ waakan nakumak najanawar nuna taṉkú maa áestuiniak ‘Israer shuara, ju̱i̱ti atumí yusri̱ Ejiptunmaya̱ ji̱i̱rmarmiarumna nu’ tusar tikishmátainiawai” tímiayi.

Isa. 29:24

Tura awajirar páchim enentáimpraruka neka ajasártatui nuyá̱ áujmatkartin ainia nusha nekas chichaman nekaawar unuimiárartatui” tawai Uunt Yus.

Ruk. 22:32

Tuma ai̱ṉ Yus enentáimtustinian kajinmátki̱i̱ṉ tusan Wisha Yusan seamjai. Tura Yusai̱ waketkim ame yátsum ikiaká̱rarta” tímiayi.

2 Kur. 11:30

Maa, waantu chichastin ákuiṉkia antsu winia kakarmachu awajtuinia nuna ujakan waantu ajasaintjiai.

2 Kur. 12:5

Nú aishmaṉka túrunamuri̱ naṉkamakuiti tajai. Tura wikia naṉkamakuitjiai túmamtsuk kakarmachuitjiana nuna paant ujaajai.

Kar. 4:13

Antsu nekamarme aya̱shrui̱ itiurchat pujayatan Yusa shiir chichame̱n emka ujakmajrume.

Ipi. 4:18

Ni enentái̱n kusuru áiniak Yusna nuna nekaatniun wakeruiniatsui. Tuma ásar shiir wekasatniun, Yus amaana nuna, nékainiatsui.

1 Tim. 1:13

Wi Yusan imiá yajauch chicharniuyajai. Yus shuarnasha áintrarmiajai. Yusnasha katsekniuyajai. Túrin ai̱ṉ Yus winia waitnentrurmiayi. Kame Jesuska Yus Anaikiamun nékachu asan wi túramu yajauchiti tu enentáimchauyajai.

Isr. 12:13

Túrarum péṉker esettsa enentáimsarum wekasatarum. Túrarum tujintiainia nusha shiir wekasatin yaiṉtarum.

Isr. 2:17

Túratin asa peṉké métek ni yáchi̱ya áinis ajasmiayi. Nuja̱i̱ iin tuke waitnentrampramniaitji. Tuma asa Yúsnan pujurniu uuntri̱ ajas Yusan tuke péṉker chichartamsamniaitji. Núnisaṉ murikiun maa Yus súsatniua áintsaṉ ni jakamuja̱i̱ ashí shuara tunaari̱n tsaṉkurniuiti.

Isr. 2:18

Tura imia niṉki waitsa asa tura íwianch nekapsamu asa yamaikia iisha wáitiakrincha tura íwianch nekapramkurnisha yaintmakminiaitji.

Isr. 4:15

Nisha iiji̱a̱i̱ métek ashí yajauchiji̱a̱i̱ nekapsamuiti. Túrasha yajauchin peṉké túrachmiayi. Tuma asa ii tujintiaj nuna paant nékak ii itiurchatri̱n waitnentramniuitji. Tura Yúsnan pujurniu uuntri̱ asamtai

Isr. 7:28

Kame Muisais akupkámu chichamka peṉké shuarnak tuke péṉkercha ai̱ṉ Yúsnan pujurniu uuntri̱ ánaiyawai. Túrasha nuna ukunam yapaji̱áchmin chichaman Yus timia nuka Ni Uchirí̱n imiá peṉker awajsamua nuna Yúsnan pujurniu uuntri̱ tuke iniaitsuk anaikiaiti.

Isr. 9:7

Tura Imiá Shiir Tesamunmaṉka aya Yúsnan pujurniu uuntri̱ wá̱i̱niuyayi. Tura nisha ashí uwitin aya chikichik tsawant wá̱i̱niuyayi. Waya̱k ni yajauchiri̱ncha tura ashí shuara yajauchiri̱ncha tsaṉkurnarat tusa taṉkú numpe̱n Yus súsatniuya nuna juu wémiayi.

San. 5:19

Yatsuru, shuar eseera wekatainmaya̱ kanaakuiṉkia chíkich nin waketkitniun yaiṉtí.

1 Pit. 2:25

Murik ni pujutái̱ri̱n waketkitniun nékatsna ántsarmek atumsha meṉkaka wekaimiarme. Tura yamaikia atumí wáitmauri̱i̱n waketkintrume. Atumí waitmau Krístuiti atumí enentái̱n wainnia nu.

Suma. 2:17

Túrasha Uunt Yus akupkámu chichaman ni uuntri̱ umiriarmia núnisaṉ túrutsuk núnaka iniaisar nuya̱ṉka wárik kanakiármiayi. Tuma asar najankamu yusan tikishmátainiak tsanirma núniarmiayi. Túmainiak sumamtikniuncha peṉké anturkacharmiayi.