Isr. 5:14 - Yus Papí: Shuarja̱i̱ Yus Yamaram Chicham Najanamu

¹⁴ Apatuk kátsurman aya uunt yuámniaiti. Uunt ainia nuka péṉkernasha tura yajauchincha apatkar paant nékainiawai.

Isr. 5:14 Iomraidhean Croise

Naṉ. 3:5

Antsu atumsha nú numí neré̱ yúarmeka péṉkera nu tura yajauchia nusha Yus nékana nuja̱i̱ métek paant nekaattarme. Núnaka Yus nékawai. Tuma asamtai suritramkaitrume” tímiayi.

2 Sam. 14:17

Ame takartámin chichaak ‘Winia úuntur úunt akupin ai̱rkattana nuka shiir enentáimtikrurti. Warí winia úuntur úunt akupniuka Yusa suntarí̱ya núnis asa yajauchincha tura péṉkernasha nekaatniun jeawai. Kame Uunt Yus ame Yúsrum ámiji̱a̱i̱ pujusti’” tímiayi.

1 Akup. 3:11

Nuyá̱ Uunt Yus chicharuk “Núkap tsawant pujustin tura kuítriniatniusha núnismek ame nemasrum nupetkatniusha seatchame. Nuka seattsuk neka átin tura péṉker akupin átaj tusam núchik seatniume.

1 Akup. 3:9

Tuma asamtai Yusru, yajauch tura péṉkersha nekaatin núnisaṉ péṉker akupkatniusha Ame jintintruata. Warí imiá untsurí aents akupkatniuncha ¿yaki jeawaint?” tímiayi.

Juup 6:30

Wi chichakaj nu tunaashit. ¿Wikia yajauchincha péṉkernasha ántakun nékatsjak?

YKan. 119:103

¡Ame chichamminkia yumin apatniua núnisan nekaprajai. Tuma asamtai Ame chichammin tí peṉker nekaan míshik apaar péṉker nekapratniua núja̱i̱sha naṉkaamas péṉker enentáimprajai!

Anen. 1:3

Kuṉkuintrum tí peṉker kuṉkuamna nuja̱i̱ métek ame náarmeka kuṉkuin ukarma tímianuiti. Tuma asaakmin Jerusaréṉka nawantri̱ nuwa̱ natsachisha anenmainiawai.

Anen. 2:3

“Ashí numi kampuntin ainia nuja̱i̱ naṉkaamas yuraṉ numi nerea núnis ti wakeramuiti. Núja̱i̱ métek taku áishmaṉ natsach ainia nuja̱i̱ naṉkaamas winia aneamurka ti shíirmachiti. Winia wakerutairu mikintrari̱n weamkan warasan pujusmajai.

Isa. 7:15

Nú uchikia yajauch nakitratniun tura péṉker túratniun nekaamam muntsu kutamámun míshkiji̱a̱i̱ yuáttawai.

Mat. 5:48

Nu asamtai atumí Aparí̱ Yus nayaimpiniam pujana nuja̱i̱ métek ti péṉker átiniaitrume.

Rum. 14:1

Shuar Yusan ishichik enentáimtana nu itiaatarum tura kakantrairap.

1 Kur. 2:6

Túmaitiat Yusa nekatairi̱ átsuk. Yúsnan unuimiáraruja̱i̱ Yusa nekatairi̱n áujmatji. Tura Yusa nekatairi̱ṉkia aentsu nekatairi̱ áintsachuiti. Ju̱ nuṉkanam akupin ainia nuna nekatairi̱nchuiti Yúsnaka. Ju̱ nuṉkanam akupniúka ishichik pujus amukachartatuak.

Ipi. 1:18

Tura enentáimincha paant enentáimtikramprarti tusan seajai. Nuja̱i̱ shiir túrutmataj tusa achirmákuitrum nu nekaattarme. Nu arantcha imiá shiira nu, Yus ni shuari̱n ashí tsaṉkatkattana nusha nekaattarme.

Ipi. 4:13

Nuja̱i̱ Yus nekas enentáimtamunam Yusa Uchirí̱ ashí métekrak péṉker nekaattaji. Nu túrakur katsukir Krístuja̱i̱ métek péṉker ajastatji.

Jir. 3:15

Ashí shuar Yusja̱i̱ katsua̱ru ájinia nu wi tájana núnis “jeachuitjiai” tu enentáimpratniuitji. Tura “jeaitjiai” enentáimkiurminkia Yus nunasha atak enentáimtikramprattarme.

1 Tis. 5:21

Ashí etserkamu ana nu nekasashit tusarum nekaatarum. Túrarum aya péṉker ana nuke achiktarum.

1 Tim. 4:7

Ántar chichamsha tura netse chichamsha enentáimtutsuk nekas Yusna ana nu túratin kakaram ajasta.

Isr. 6:1

Uunt ajastai. Krístunu ana nuyá̱ aya yúpichuchia nuke enentáimtutsuk nu arantcha unuimiártai. Kame emka unuimiártinia nu ju̱ áiniawai, shuar ni yajauchiri̱n jákatniunam júana nuna kúntuts ené enentáimiu ajas Yusan shiir enentáimtustincha,

San. 3:2

Iis, ashí mash ti awajiatsjik. Tura shuar chichaak, aya péṉkernak chichaakka nu shuar tuke eseer enentáimniuiti. Tura aya̱shí̱i̱sha tuke péṉker ana nuna túriniaiti.