Isr. 4:9 - Yus Papí: Shuarja̱i̱ Yus Yamaram Chicham Najanamu

⁹ Nuja̱i̱ páantaiti ashí Yus shuar Yusja̱i̱ shiir pujusár ayampratin tuke awai.

Isr. 4:9 Iomraidhean Croise

YKan. 47:9

Warí, ashí nuṉka kakarmari̱ṉkia Yúsnak áiniawai. Tuma asamtai ju̱ nuṉkanmaya̱ akupin ainia nusha Aprajáma Yusri̱n enentáimtuinia nuja̱i̱ pachintraru áiniawai. ¡Maa, aya Niṉki naṉkamantuiti!

Jiin. 16:30

Nu tutai tsawant siatia nu tsawantinkia Israer shuarsha ayamprarmiayi.

Isa. 11:10

Tuma asamtai nu tsawantiṉkia untsurí nuṉkanmaya̱ aents Isái shuari̱ya̱ átatna nuna e̱a̱kartatui. Nuka pepru ajapéri̱n tarach awajamua ánis Ni pujamuri̱ṉkia ti shiir páantin átatui.

Mat. 1:21

Uchin áishmaṉkan takustatui tura nuna naari̱ JESUS anaikiattame. Ashí ni shuari̱n ni tunaarí̱ya̱ uwemtikrartin asa Jesus anaikiatniuiti” tímiayi.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Isr. 11:25

Antsu Ejiptu nuṉkanam ishichkisha yajauch túramun warartsuk Yusa shuari̱ji̱a̱i̱ métek wáitsatniun naṉkaamas wakerukmiayi.

Isr. 3:11

Tura kajerkaran nekas tákun ‘Wiji̱a̱i̱ shiir pujustinian peṉké tsaṉkatkachartatjai’ tímiajai” YKan. 95:7-11 tímiayi Yus.

Isr. 4:1

Nu asamtai ii waya̱tin tsaṉkatkamu áyatar Yusja̱i̱ shiir pujustinnium páchitkiachu a̱i̱j tusar aneartiniaitji.

Isr. 4:10

Yusja̱i̱ ayampra nu ni kakarmari̱ji̱a̱i̱ takastinian ayampraiti Yus ni takatrí̱ji̱a̱i̱ ayampramia núnisaṉ.

Isr. 4:3

Antsu iikia Ni chichame̱ enentáimta asar Yusja̱i̱ shiir pujustinnium nekas waya̱ji. Tura chikichan Yus tímiayi “Nu asamtai kajerkan nekas tákun ‘Wi ayampratniun amaajna nuna peṉké pachischartatui’ tímiajai” YKan. 95:11 tímiayi. Kame Yus jú̱ nuṉkan najana umik nuyá̱ shiir pujus ayampramiayi.

Isr. 4:8

Kame Jusuí Israer shuaran ni nuṉke̱e̱n awayá̱ ayamtikraitkiuiṉkia Yus ukunam ataksha tsawantan áaṉturmacha̱a̱ji.

1 Pit. 2:10

Yaunchu nusháa shuar áuyarme. Tura antsu yamaikia Yus shuar ajasrum, Niniu ajasurme. Use. 1:9-10; Rum. 9:25-26 Yus shuar ajatsrumni̱ṉ ¿ya waitnentrampramia? Antsu yamaikia Yus waitnentramuitrume. Use. 2:23; Rum. 11:30

Apu. 14:13

Nuyá̱ nayaimpinmaya̱ chichaman antukmajai. Nusha turutmiai “Ju̱ áatrata ‘Uunt Jesusan umirainia nu yamái jákarusha tura ukunam jákarusha ti shiir pujusártatui.’ Tu aartá” timiai. Núnisaṉ Yusa Wakaní̱ tawai. “Ee, tí takasaru ásar jákar yawe̱rman ayamprartatui. Tura tí peṉker túrawar akinkiartatui” tawai turutmiai.

Apu. 21:4

Yus ni nea̱jkin u̱ju̱jturartatui. Tura nuik amia nuka ashí amuukarmatai jákatniusha, úttincha, wáitsatniusha tura najaimiatniusha atsuttawai” timiai.