Isr. 4:3 - Yus Papí: Shuarja̱i̱ Yus Yamaram Chicham Najanamu

³ Antsu iikia Ni chichame̱ enentáimta asar Yusja̱i̱ shiir pujustinnium nekas waya̱ji. Tura chikichan Yus tímiayi “Nu asamtai kajerkan nekas tákun ‘Wi ayampratniun amaajna nuna peṉké pachischartatui’ tímiajai” YKan. 95:11 tímiayi. Kame Yus jú̱ nuṉkan najana umik nuyá̱ shiir pujus ayampramiayi.

Isr. 4:3 Iomraidhean Croise

Naṉ. 1:31

Tura Yus ni najankamuri̱n mash iis “Pai, yamaikia nekas tí peṉkeraiti” tímiayi. Nui̱ kashi tsawai̱ji̱a̱i̱ sais tsawant ajasmiayi.

YKan. 95:11

Nuja̱i̱ kajerkaran nekas túrattajai tákun wiji̱a̱i̱ shiir pujusárat tusan tsaṉkatkachartatjai tímiajai” tímiayi Uunt Yus.

Jiin. 20:11

Warí Uunt Yus nayaimpincha nuṉkancha nayantsancha tura ashí nui̱ írunna nunasha sais tsawantin najankamiayi tura najana umikiu asa siati tsawantiṉkia ayampramiayi. Tura Uunt Yus nú tsawantnaka ayamtai̱ atí tusa akanák shiir awajsámiayi.

Isa. 28:12

Kame nin chicharainiak “Ju̱i̱ti ayamtai̱ṉkia. Tuma asamtai pimpikiaru ayamprarat susatarum. Ju̱i̱ṉkia ayamtai̱ núṉkaiti” tuíniamaitiat nisha antukcharmiayi.

Jrm. 6:16

Uunt Yus chichaak “Jintiá setura wajasá iimsarum yaunchu jintia anintrústarum. Tura tu jintia péṉkerait nuní̱ wetarum túrakrumka átum ayamtikrattajrume.” Tuíniamaitiat “nuninkia wéchartatji” tiarmai. Mat. 11:29

Mat. 25:34

Túran nekas Úunt Akupin untsuurí̱ni̱ wajainian títiatui ‘Atumniaka winia Apar shiir awajtámsaitrume. Wi akupeajna nui̱ winitiárum. Yus nuṉkan najanamia tímianaik átum nui̱ warastinian tsaṉkatramkamiarme.

Ipi. 1:4

Krístuja̱i̱ uwemprar ti shiir tunaaja̱i̱nchu Niji̱a̱i̱ pujusárat tusa Yus, ju̱ nuṉka atsai̱sha, anaitiamkamiaji.

Isr. 3:11

Tura kajerkaran nekas tákun ‘Wiji̱a̱i̱ shiir pujustinian peṉké tsaṉkatkachartatjai’ tímiajai” YKan. 95:7-11 tímiayi Yus.

Isr. 3:14

Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

Isr. 9:26

Kame wa̱i̱ pujutniuitkiuiṉkia nuṉka yama naṉkammanumia̱ṉ juárkiniaitkiuṉka ataksha awaiṉki̱ ajá puju̱a̱yi. Túrasha yamaikia tunáa amukatniun nuṉka amuumam jákatniunam Krístuka chikichkí surumakuiti.

1 Pit. 1:20

Nuṉkan nájantsuk aentsun jaruktinian Krístun anaikiamiayi Yus. Tura wárik akupkachmiayi. Antsu yamái tsawantin átum pujarmin péṉker pujusúk tusa wakerak atumín jarutramkat tusa Krístun akupkámiayi.