Isr. 4:2 - Yus Papí: Shuarja̱i̱ Yus Yamaram Chicham Najanamu

² Yaunchu nu shuaran ujakármia núnisaṉ iincha uwempratin chichaman ujatmákuitji. Nu shuar Yusan enentáimtutsuk antukaru ásarmatai nu chicham yáiṉcharmiayi.

Isr. 4:2 Iomraidhean Croise

Tur. 13:46

Támaitiat Pápruka Pirnapíji̱a̱i̱ arantutsuk chichainiak “Israer shuartirmin, atumín emka Yus Chicham ujaktiniuji. Túrasha átum támaitiatrum nakitramarme. Tura atumsha nakitia asarum Yusai̱ tuke iwiaaku pujuschamnia ajasurme. Tuma asamtai iikia yamaikia Israer shuarcha ujaktai tusar weraji.

Tur. 3:26

Iimiata, Yus ni Uchirí̱n iniantkímia nui̱ atumín emka akuptúrmakmiarme. Atumsha atumí tunaarí̱ya̱ kanaktiarum tusa tura atumín shiir awajtámsatniun wakerak túramiayi.” Nunak tímiayi Pítiur.

Rum. 2:25

Muisais akupkámia nu ashí umireakmeka ni timia núnismek tsupirnaktin péṉkeraiti. Tura takamtsuk umireachkumka tsupirnakcha núnisketme.

Rum. 3:3

Kame chíkich chíkich umichu áiniakui Yus tsaṉkatkamia nuna nú shuaran súsachmataiṉkia nuikia “Yus umichuiti” ¿títinkiait?

1 Kur. 13:3

Ashí wi takakjana nuna atsumainian súayatnak tura Yusan shiir awajsattsan winia aya̱shrúncha áesawarti tusan surumayatnak tura aneṉkratchaknaka ántranak túraitjiai.

Kar. 3:2

Wátsek, aniastatjarme, enentáimpratarum. ¿Wariji̱a̱i̱ṉ Yusa Wakaní̱ atumí enentái̱n achikmarum. Akupkámu umirkarmek enentáimin achikmarum antsu Yus enentáimtusrum ni Wakaní̱ achikchamkuram?

Kar. 3:8

Yamái páantaiti. Yus ashí Israer shuarchancha tawai “Aya winia enentáimtursarum péṉker átatrume.” Israer shuarchasha nuja̱i̱ péṉker ajastinia nuna ti yaunchu neka asa, Aprajáman ujakmiayi “Ámiji̱a̱i̱ ashí aents ti shiir ajasártatui.” Naṉ. 12:3

Kar. 4:13

Antsu nekamarme aya̱shrui̱ itiurchat pujayatan Yusa shiir chichame̱n emka ujakmajrume.

1 Tis. 1:5

Enentáimpratarum. Iisha Yusai̱ uwempratin chicham atumín ujakmajnia nusha aya chíchamja̱i̱ṉ tíchamji. Antsu nú arant nu chicham nekasaiti tusar Yusa Wakaní̱ kakarmari̱ji̱a̱i̱ tímiaji. Tura átum péṉker matsamsarat tusar atumji̱a̱i̱ pujusár shiir iruntrar wekasarmiaji. Nusha paant nékarme.

1 Tis. 2:13

Yus Chicham ii étserma antukrum aya aentsnumia̱ṉchaiti tímiarme. Yusai̱ya̱iti tímiarme. Nu tiniu asarum umirkamarme. Kame nekas tárume. Ii étserjinia nu nekas Yusa Chichame̱nte. Átum nu chicham umirka asakrumin atumí enentái̱n kakaram ajastinian amaawai, Yus Chicham asa. Átum Yus Chicham umirkaru asakrumin iisha tuke tsawant Yus yúmiṉkiaji.

1 Tim. 4:8

Kame aya̱sh kakaram awajsatniusha ishichik péṉkeraiti. Antsu Yusna nu túratin kakaram ajastinkia imiá péṉkeraiti. Yamái ju̱ nuṉkanmasha yáintmaji tura ukunmasha Yusja̱i̱ pujustin asakrin naṉkaamas péṉkeraiti.

Isr. 11:6

Tura Yus nekas enentáimtachkumka ¿itiurak Ni shiir enentáimtiksatam? Nekas enentáimji̱a̱i̱ Yusan weantúktaj tusam wakerakmeka emka Yus iwiaakuiti tu enentáimpratniuitme. Nuya̱sha Wi Yusan imiá nekas e̱a̱kuiṉkia Yus winia yaintkiattawai, tu enentáimsatniuitme.

Isr. 3:12

Anearta, yatsuru. Yajauch enentáimsarum tuke iwiaaku Yus enentáimtutsuk kanakiirap.

Isr. 4:6

Shuar nui̱ waya̱war ayampratin tuke awai. Tura emka uwempratin Chichaman antukarmia nuka umichu ásar waya̱charmiayi.

San. 1:21

Nu asamtai ashí péṉkercha nu tura ashí yajauch írunna nusha iniaisata. Tura tuke enentáiji̱a̱i̱ Yus Chicham ame enentáimin araamu anturkata. Tura nu chicham kakarmaiti uwemtikrampratniun.

1 Pit. 1:12

Tura ni pujuiniai̱ṉkia túrunashtinian antsu ti ukunam ii pujajnia ju̱i̱ túrunatniun Yus nekaamtikiamiayi. Núnaka Yusa shiir chichame̱n ujatmákarmia nú shuar nekaprutmarme. Nú shuar Yusa Wakaní̱ nayaimpinmaya̱ akupkámu ana nuna nekatairi̱ji̱a̱i̱ ujatmákurme. Maa, nu uwempratniun tájana nuna nayaimpinmaya̱ suntar nekaatai tusar wakeruiniawai túrasha tujintiainiawai.