Isr. 4:14 - Yus Papí: Shuarja̱i̱ Yus Yamaram Chicham Najanamu

¹⁴ Jesus Yusa Uchirí̱ nekas Yúsnan pujurniu uuntri̱ ajas Yusai̱ wayá̱ íiniun chichartamji. Nu asamtai iniaitsuk tuke nekas enentáimtustiniaitji.

Isr. 4:14 Iomraidhean Croise

Mat. 4:3

Nui̱ iwianchi uuntri̱ Jesusan nekapsataj tusa tarí chichaak “Nekas Yusa Uchirí̱nkiumka ju̱ kaya apatuk najanata” tímiayi.

Mar. 1:1

Ju̱i̱ Jesukrístunu shiir chicham náṉkameawai. Jesukrístu Yusa Uchirí̱nti.

Mar. 16:19

Jesus chichas amukmatai Yus nayaimpiniam jukimiayi. Túruna Yusa untsuurí̱ni̱ pujusmiayi.

Ruk. 24:51

Nuna tu pujus niiya̱ kanakmiayi. Tura nayaimpiniam junakmiayi.

Tur. 1:11

Nu áishmaṉsha Jesusa akatrámuri̱n chicharainiak “Kariréanmaya̱ áishmaṉtirmesha ¿urukamtai nayaimpinmaani̱ imiá íimprum? Ju̱ Jesusak atumíya̱ nayaimpiniam wea wáinkiarumna núnisaṉ ataksha winittiawai” tiármiayi.

Tur. 3:21

Tura yamaikia Jesukrístu nayaimpiniam pujustiniaiti ashí iwiarnatsa̱i̱ṉ. Yuska ukunam ataksha nuṉkan shiir awajsattawai. Nuna ni etserniuri̱n tsáapin enentái takaku armia nuna yaunchu áamtikramiayi.

Rum. 8:34

Tura ¿yaki “jinium apenáti” titi? Warí, Kristu peṉké túrashtatui. Antsu nu shuaran jarukmiayi. Tura nantaki̱ Yusa untsuurí̱ni̱ ekemas iin áujturmaji.

2 Kur. 12:2

Krístun umirin ana nú aishmaṉkan nékajai. Nú aishmaṉ jimiará nayaimpin naṉkaikin menaintiú nayaimpiniam junakniuiti. Nusha katurse uwí naṉkaamasuiti. Kame aya̱shtiuk wakaashit tura aya̱shtichu wakaashit. Núnaka nékatsjai aya Yusak nékawai.

2 Kur. 9:13

Nu shuar yaiṉtai tusarum tura ashí Yus shuar yaiṉtai tusarum súatsrumek. Nuja̱i̱ Kristu shiir chichame̱n umíarmena nuna nékainiawai. Tura kuítrum ementutsuk sua asakrumin nisha Yusa náari̱n uunt awajsártatui.

Ipi. 4:10

Niṉki ataksha nekas nayaimpiniam wakamiayi. Nuna tura asa ashí ni shuari̱n pimiutkarmiayi.

Isr. 1:8

Antsu ni Uchirí̱niun tímiayi “Ame, Yusá, tuke amutsuk akupniuitme. Ame akuptáirmesha aya péṉkeraiti.

Isr. 10:12

Antsu Jesukrístuka jákatniunam chikichkí surumak ashí shuara yajauchiri̱n asakár atakka peṉké jákashtiniaiti. Nuna tura Yusa untsuurí̱ni̱ nekas akupin pujutai̱nium pujusuiti.

Isr. 10:23

Yus tsaṉkatramkattajnia nu shiir enentáimtamu iniaitsuk kakaram ajasár tuke emetatniuitji. Yus tsaṉkatramkaitjinia nuna umiktatui.

Isr. 10:29

Núnisaitkiuiṉkia shuar Yusa Uchirí̱n wishikiainiakka ni numpe̱ncha nakitiáiniakka tura waitnenkartutai̱ Wakaní̱ncha katsekainiakka nuna naṉkaamas asutniáchartatuak. Warí ni nakitiana nú numpaja̱i̱ yamaram chicham nekas umirkatin awajsámuyayi. Tura núja̱i̱sha ni tí peṉker awajnástiniuyayi.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Isr. 2:1

Nuikia Kristu ti uunt asamtai ashí Niniu antukajnia nuja̱i̱ kanakchatin ti enentáimtustiniaitji.

Isr. 2:17

Túratin asa peṉké métek ni yáchi̱ya áinis ajasmiayi. Nuja̱i̱ iin tuke waitnentrampramniaitji. Tuma asa Yúsnan pujurniu uuntri̱ ajas Yusan tuke péṉker chichartamsamniaitji. Núnisaṉ murikiun maa Yus súsatniua áintsaṉ ni jakamuja̱i̱ ashí shuara tunaari̱n tsaṉkurniuiti.

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

Isr. 3:14

Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

Isr. 6:20

Jesussha emka Yusai̱ wayá̱ mash iwiarturmaji. Tura Mirkiseték amia núnisaṉ Nisha yamái tuke amuukashtinian Yúsnan pujurniu uuntri̱ ajasuíti.

Isr. 6:6

nu shuar nuna nakitiak kanakniaka atak ni yajauchiri̱n ené enentáimiá ajasuítiat ikiuktinian nakitiak tujintkiattawai. Warí ní enentái̱ji̱a̱i̱ Yusa Uchirí̱n atak krúsnum matniua nútikiak ashí íimmianum natsanmai̱ awajui.

Isr. 7:3

Apartincha tura nukurtincha núnisaṉ ni úuntri̱sha atsawai. Ni akiiniamuri̱ncha ni jakamuri̱ncha ujaatsui. Tuma asamtai Yusa Uchirí̱a áintsaṉ tuke iniaṉnakchatniun Yúsnan pujurin ajasuíti.

Isr. 8:1

Nekas ju̱na tájame, Yúsnan pujurniu uuntri̱ Jesus iin ti shiir yaintma asa akupin pujutai̱nium Yusa untsuurí̱ni̱ nayaimpiniam pujusuiti.

Isr. 9:12

Tura Kristu Imiá Shiir Tesamunam chipiu áishmaṉ tura waaka yamatskama numpe̱ja̱i̱sha waya̱chuiti antsu ímia ni numpe̱ja̱i̱ṉᵏⁱ waya̱iti. Tura aya chikichkí wayá̱ ii yajauch túrutairi̱n asaktúrmar iniaṉnatsuk uwemtikrampramiaji.

Isr. 9:24

Kame Krístuka Yusa Je̱e̱n aents najanamu nayaimpinmaya̱ṉ aya nakumea nui̱ waya̱tsuk antsu nekas nayaimpiniam Yus pujamunam wayá̱ iin áujturmaji.

1 Pit. 3:22

Tura Nisha nayaimpiniam we akupin pujutai̱nium Yusa untsuurí̱ni̱ apujsamuiti. Túramtai nayaimpinmaya̱ suntarsha tura ashí kakaram akupin áiniana nusha Jesukrístun umirainiawai.