Isr. 4:12 - Yus Papí: Shuarja̱i̱ Yus Yamaram Chicham Najanamu

¹² Yusa Chichame̱ iwiaaku chichamaiti, imiá kakarmaiti. Puyá̱ mai̱ érea núniniaiti. Tuma asa shuara enentái̱n init wayá̱ ashí ni enentáimmian tura wakeramuri̱n ti paant awajtawai.

Isr. 4:12 Iomraidhean Croise

YKan. 110:2

Kame Uunt Yus Seúnnumia̱ṉ akupin akupkur takutai̱ numi akuptúrmaktatui. Ame nemasrumsha matsatainiamunmaṉ akupin átatme.

YKan. 119:130

Ame chichammiji̱a̱i̱ enentáimtikiartamna nuka nuna tsáapnin awajkartiniaiti. Tuma asa shuar nékachuncha yúpichuch nékamtikniuiti.

YKan. 139:2

Pujamursha núnisaṉ wajamursha ashí nékaitme. Winia enentáimmiarsha íiṉkiá nekartuame.

YKan. 149:6

Yus kantamprakrumka atumí wene̱ja̱i̱ puyá̱ mái̱ atsakamu takusrum kantamátarum.

YKan. 45:3

Maa kakarmá, ti páantin tura naṉkamantu asam ame puya̱rum emenmamata.

Neka. 5:4

Túrasha ukunam puyá̱ atsakamuja̱i̱ akaṉtinia núnis tura yapaja̱i̱ métek nekapratin winiawai.

Isa. 11:4

Antsu ju̱ nuṉkanam kuítri̱ncha ainia nuna nekasa nuja̱i̱ métek súmamtikiawartatui tura wáitiainiana nunasha métekrak waitnentrartatui. Núnisaṉ aya chíchame̱ja̱i̱ṉ numiji̱a̱i̱ awateana tímiatrus nuṉkanka asutiáttawai. Tura Yusan enentáimtichu ainia nunasha aya máyai̱ji̱a̱i̱ṉ umpuí máwartatui. Apu. 1:16; 2:16; 19:15

Isa. 49:2

Túruta winia wenuruí̱ puyá̱ mái̱ erea nútikruamai tura uwejé̱ja̱i̱ ejatak núnisaṉ tséntsak atsakar tuntanam eṉkestinia nútikruamai.

Isa. 55:11

Núnisaṉ Wina chichamur wenuruí̱ya̱ jíiniuka Wi wakeraj nuna umintskeka Winí̱ waketkiṉkia atakka táchattawai. Antsu Wi chichakma nuka ashí uminkiattawai.

Jrm. 17:10

Wikia Uunt Yus aentsu enentáinkia émamkesan iirainiajai. Tura enentáimtairi̱nkia nekapsan iirainiajai. Tura asan ni wekasarmaja̱i̱ tura ni túramu urukuit nuja̱i̱ métek aṉkant aṉkant akiktiniaitjiai.

Jrm. 23:29

“Kame Winia chichampruka jiji̱a̱i̱ tura martiyu kayan tsayana núja̱i̱ṉkia métekchakait.

Ruk. 8:11

“Wats ju̱ nekaatarum. Jiṉkiaisha Yusa Chichame̱n nakumui.

Juaṉ 12:48

Winia nakitrur chichampruncha enentáimtachuka sumamtikiamuiti. Wi tímiaj nuka amuukatin tsawantai̱ nin sumamtikiattawai.

Juaṉ 6:51

Wikia nayaimpinmaya̱ tara iwiaaku apatkuitjiai. Nu apatkun shuar yúakka tuke iwiaaku átiniaiti. Nu apatkun Wi susattaj nusha winia aya̱shruiti. Ashí shuar Yusai̱ iwiaaku pujusárti tusan winia aya̱shrun susattajai” tímiayi Jesus.

Tur. 2:37

Nuna antukar wake mesekarmiayi. Tura Pítruncha chíkich akatrámuncha aniasarmiayi “Yatsuru, ¿nuiṉkia itiurkatjik?” tiármiayi.

Tur. 4:31

Tura Yusan tú aujas umikmatai nui̱ṉ irunar pujuiniai̱ṉ ú̱u̱rkamiayi. Túrunamtai ashí shuara enentái̱n Yusa Wakaní̱ pimiutkarmiayi. Túmaitkiui ashamtsuk Yusa Chichame̱n etserkarmiayi.

Tur. 5:33

Tutai nuna antukar ti kajerkarmiayi. Túrawar maatai tusar wakeriarmiayi.

Tur. 7:38

Jú̱ Muisais Israer shuarja̱i̱ atsamunam pujumiayi. Senái nainnium Yusa suntari̱ níji̱a̱i̱sha pujumiayi. Tura Muisaiska ii úuntri̱ji̱a̱i̱ pujumiayi. Níyaiti iwiaaku pujustin chichaman sunasmia nu. Iin ujatmáktinian sunasmiayi.

Rum. 1:16

Nu uwempratin chicham Yusa kakarmari̱ji̱a̱i̱ ti kakaram asa ashí shuaran Krístun nekas enentáimtuinia nuna uwemtikramniaiti. Tuma asamtai natsantatsjai. Nekas Israer shuarnasha tura chíkich shuarnasha núnisaṉ uwemtikramniaiti.

1 Kur. 1:24

Tura Yus achikiárma Niniu ajasarat tusa Israer shuarsha Israer shuarchasha mái̱ metek “Kristu krúsnum jarutramak Yusa kakarmari̱ncha ni nekatairi̱ncha paant iniakmasmiayi” tu enentáimji.

2 Kur. 2:17

Kame untsurí aents kuítian achiktaj tusar Yusa Chichame̱n yapají̱nia núniskechuitji. Antsu Krístunu ajasu asar Yus akupkámu asar Yus íimmianum anaṉtsuk esettsar étsereaji.

2 Kur. 4:2

U̱ka túratin ana nuyá̱ tura natsanmai̱ ana nuya̱sha kanakmiaji. Anaṉkatai tusar wekaatsji. Tura Yus Chichamja̱i̱ nakuratsji. Étserkur aya Yus Chicham tana núchik étserji. Ashí aents nuna antukar “nekas núiti Yus Chicham” tiarat tusar túraji. Wi tájana nuna Yus nékawai.

Ipi. 5:13

Tura ashí tsáapninium itiamu ashí paant ajawai. Tsáapnikia ashí paant awajeatsuk.

Ipi. 5:26

Kristu ashí ni shuari̱n ni Chichame̱ja̱i̱ tura entsaja̱i̱ nijiar ní shuar péṉker árat tusa jakamiayi.

Ipi. 6:17

Muukem ejaktinchaIsa. 59:17 Kristu uwemtikrampramu muukmi̱i̱n etseṉkruktarum. Tura Yus Chicham puyá̱aIsa. 49:2 ántsaṉ achiktarum. Nuka nekas Yusa Wakaní̱ puya̱ri̱nti.

1 Tis. 2:13

Yus Chicham ii étserma antukrum aya aentsnumia̱ṉchaiti tímiarme. Yusai̱ya̱iti tímiarme. Nu tiniu asarum umirkamarme. Kame nekas tárume. Ii étserjinia nu nekas Yusa Chichame̱nte. Átum nu chicham umirka asakrumin atumí enentái̱n kakaram ajastinian amaawai, Yus Chicham asa. Átum Yus Chicham umirkaru asakrumin iisha tuke tsawant Yus yúmiṉkiaji.

1 Tis. 5:23

Yuska, imiatkinchanum wekasatniun amaana nu, atumín takamtsuk shiir awajtámsarti. Tura ii Uuntri̱ Jesukrístu táatsa̱i̱ṉ atumí wakaní̱ atumí enentái̱ tura atumí aya̱shí̱sha mash métek tunaaja̱i̱nchu awajtámsati.

Isr. 13:7

Atumín Yus Chichaman jintintrámawarmia nu enentáimtustarum. Yusan nekas enentáimtuiniak péṉker wekasarmia núnisrumek atumsha túratarum.

Isr. 6:5

tura Yusa Chichame̱ péṉkeri̱n nekaaṉka tura Yusa kakarmari̱ ukunam nuṉka yamarmanum takastatna nuna yamái nekapeakka,

San. 1:18

Ni wakera asa ni nekas chichame̱a nuja̱i̱ ni uchirí̱ najatmamji. Tura ashí ukunam átatna nuja̱i̱ ii émkaitji.

1 Pit. 1:23

Nekaatarum. Yusa chichame̱ umirka asarum atak akiiniaitrum nuka ju̱ nuṉkanmaya̱nchuiti. Antsu Yusa chichame̱ iwiaaku tuke amukachmin ana nú chichamja̱i̱ tuke iwiaaku átiniaitrume.

Apu. 1:16

Ni untsuurí̱ni̱ siati yaan takakuyi. Tura ni wene̱nia̱sha puyá̱ áinis tsakatskat mái̱ ere awajsamu jiinmiai. Ni yapi̱sha etsa̱ ti etsantuk íischamnia núnisauyi.Isa. 11:4; 49:2; Apu. 2:12,16; 19:15

Apu. 19:15

Nu suntara Uuntri̱ wene̱ya̱ ashí nuṉkanmaya̱ yajauch aentsun mátin, puyá̱ mái̱ ere tsakatskatin jiinmiai.Isa. 11:4; Apu. 1:16; 2:16 Tura jiruja̱i̱ asutiátniua áintsaṉ ti kakaram akupkáttawai. Túrak Ashí Tujintkiachu Yusa kajetáiri̱ ti kakarma nuja̱i̱ aentsun asutiáttawai. Uwa nekeṉkar ijiuratniua áitkiasaṉ wáitkiasartatui.

Apu. 19:21

Chíkichkia kawainium eketkanumia̱ puyá̱ tsakatskatin wene̱ya̱ jiinmia nuja̱i̱ mantamnawarmai. Túramtai nanamtin ni aya̱shi̱n yuáwar ejemakarmai.

Apu. 2:16

Wats, enentáimpram iniaisata. Túrachakminkia Wi wari wini̱n winia wenuruí̱ya̱ puyá̱ jiinia nuja̱i̱ mániktajai.Isa. 11:4; Apu. 1:16; 19:15

Apu. 2:23

Ni uchirí̱ncha mantuattajai. Nuja̱i̱ ashí Yus shuar Wi nekas shuara enentái̱n nékaitjia nuna nekaawartatui. Atumniasha chikichik chikichik takasmaja̱i̱ métek akiktatjarme.

Apu. 20:4

Nuyá̱ akupin pujutai̱nium pujuinian wainkiamjai. Tura shuara túramuri̱n íirsarat tusa kakaram sunasarmai. Tura núnisaṉ muuke̱ tsupirka maamu wakaní̱ncha wainkiamjai. Nusha Yusa Chichame̱n etserainiak tura Kristu Chichame̱ncha etserin ásar maamu armai. Nisha Entsaya̱ Yajasmancha ni nakumkamuri̱ncha tikishmátracharu armai. Núnisaṉ náari̱ncha nijia̱i̱niumsha tura uwejnumsha anujmamprakcharu armai. Nu shuar ataksha nantakiar emka nantaktin tsawantnum pachinkiarmai. Túmainiak Krístuja̱i̱ métek mir uwí akupeamun wainkiamjai. Antsu chíkich jákaruka mir uwí naṉkamatsa̱i̱ṉ nantakcharmai.

Suma. 3:16

Ejut chíkich Israer shuar armia nuja̱i̱ Muápnumia̱ akupniun Ikrunan kuítian ashí uwitin akiktiniuyania nuna susattsa werimiayi. Tura kuítian susa ikiuiniak nuya̱ṉka waketkiarmiayi. Túrasha ántar yus nakumkar najankamu Jirkarnum írunna nuní̱ naṉkaamainiak Muápnumia̱ akupniuja̱i̱ Ikrunja̱i̱ chichastaj tusa Ejutka ataksha waketkimiayi. Tura akupniun jearí chicharuk “Chícham áya amek nekaatniun takurkajme” tímiayi. Tutai akupin Ikrun ni takarniúri̱ nui̱ pujuinian chicharainiak “Jíintratarum” tímiayi. Ejutka puya̱ṉ mai̱ atsakamun esantí̱ṉkia mítruka jeachun najanamun pushiri̱i̱n u̱u̱k takakuyayi. Nuya̱ṉka akupin niji̱a̱i̱ chichastaj tusa weantkamtai puya̱ri̱n jusa Ejutka akupniun tantannum kakantar ijiumiayi. Túram akupniúka tí nueran asamtai puya̱ka ashí meṉkakamiayi. Nuna tura ikiuak Ejutka wáitin péṉker epeni ikiuak nuya̱ṉka jiinkimiayi. Túrasha takarniúri̱ṉkia ni atsumamuri̱n túrak ijiatmatai̱niam pujatsuash tusa akupniúnka pachischarmiayi. Nuya̱ṉka ti meṉkakamtai urukayik tusar wáitin urakmá akupin jaka inian tepan wáinkiarmiayi.