Isr. 3:9 - Yus Papí: Shuarja̱i̱ Yus Yamaram Chicham Najanamu

⁹ Túramtai Yus chichaak ‘Nui̱ atumí uuntri̱ nekaprusar akajtukarmiayi.’ Kuaraintia uwitin wi kakaram túramun íisarsha nakitrurarmiayi.

Isr. 3:9 Iomraidhean Croise

YKan. 95:9

atumí uuntri̱ Wi túramun wáinkiariat Winia nakitruiniak nekaprusar akajtukarmiayi.

Jiin. 19:4

Tura atumsha Ejiptu aentsnum túramaj nu wainkiamarme. Tura atumniaka churuwia nanaki̱ wéana nútiksanak Winí̱ itiachmakajrum.

Jiin. 20:22

Uunt Yus Muisaisan chicharuk “Israer shuar jú̱nisam tiartá ‘Nayaimpinmaya̱ṉ chichamu átumka anturtukuitrume.

Ams. 2:10

Tura Wiki Ejiptunmaya̱ jí̱i̱kin Amur aentsu nuṉke̱ akintrukmintrum tusan kuaraintia uwí kampuntin atsú nuṉkanam yaruakan ewekámsamiajrume.

Wek. 14:33

Tura atumí uchirí̱ṉkia atsamunmaṉ kuaraintia uwí ju̱i̱ṉ wekaikiní̱ ajartatui. Átum umikchamunam atumí uchirí̱ asutniáwartatui tura átum kajiṉkrum amuumam ju̱i̱ṉ atsunumaṉ matsamsartatui.

Ruk. 7:22

Tuma asa Jesus akatrámun chicharuk “Waketkirum átum antukurmena tura wáinkiarumna nusha ashí ujaktarum. Kusurúsha wáinmainiawai, Isa. 35:4-6 shutuap ainia nusha péṉker wekainiawai, tunamárusha tsuámainiawai, empekusha ántuiniawai, jakaasha atak iwiaaku ajainiawai tura kuítrinchanumsha uwempratin chicham ujakmaiti.Isa. 61:1 Juaṉ nu ujaktarum.

Tur. 13:8

Tura uwishin Erimias nuna nakitiak “Auka péṉkerchaiti” tímiayi. Akupniúsha Yusan umirka̱i̱ṉ tusa nuna tímiayi.

Tur. 7:36

Muisaisaiti Israer shuaran Ejiptunmaya̱n uwemtikramia nu. Yusa kakarmari̱n nekaawarat tusa aentsti túrachminian Ejiptu nuṉkanam untsurín túramiayi. Nuyá̱ Kapantin Nayantsanmasha tura nuyá̱ kuaraintia uwitin atsamunam pujuiniai̱sha ti kakarman iniaktusmiayi.

Muis. 29:2

Tura Muisais ashí Israer shuaran irur chicharainiak “Átumka Ejiptu nuṉkanam Parauṉkan ashí iniamin armia núurtiuk núnisaṉ núṉke̱ntuk Uunt Yus túramu wáinkiaitrume.

Muis. 4:3

Kame Israer shuartiram atumí shuari̱ najanamu yus Paarpiuran enentáimtuiniaṉka Uunt Yus átum íimmianum ashí amukcharmaka.

Muis. 4:9

Tura ju̱nasha tájame. Anearta. Amek esettsam íimiasam nekaamam ame enentáim péṉker wáinkiata. Ame iwiaaku pujuttam nuiṉkia ashí wáinkiaitmena nuka peṉké kajinmáttsuk nekas enentáimji̱a̱i̱ tuke enentáimtitia. Tura ame uchirmesha núnisaṉ tiraṉmisha jintintiáwarta.

Muis. 8:2

Tura atumín aya kampuntin atsamunam Uunt Yus kuaraintia uwí enentáimtikramprataj tusa nekapramsamiarmena nu enentáimsatarum. Tura núnisaṉ ni akupkámu chichaman umirtukartimpiash tusa atumí enentái̱n nekartamattsa ewekátmasmiarme.

Muis. 8:4

Kame kuaraintia uwí wekasamiarmena nui̱sha atumí pushirí̱ṉsha imiamprachmiarme tura nawemíṉsha e̱a̱kchamiarme.

Jus. 23:3

Tura atumí nemasri̱ itit awajtámin armia nu nupetkatniun Uunt Yus tí yaintmakmarme tura nú yaintmakmaja̱i̱ ni kakarmari̱ wáinkiaitrume.

Jus. 24:7

Túram Israer shuarka Uunt Yusan yaintkratkata tusa untsukarmiayi. Tura iini̱ṉkia kirit awajsámiayi. Túrunamtai Ejiptu aentsnaka nayants tukumar init emeṉkárarmiayi. Kame atumí jí̱ji̱a̱i̱ṉ Ejiptunam túrunamia nu wainkiamiarme. Nuyá̱ átumka untsurí uwí kampuntin atsunum pujumiarme.

Jus. 5:6

Warí Israer aentska mesetan unuimiátka Ejiptunmaya̱ jíintrarmia nu kaji̱ṉ amuumam kampuntin atsamunam kuaraintia uwí yujasarmiayi. Kame Uunt Yusa chichame̱n anturkachu ásar túrunawarmiayi. Warí Uunt Yus nekas túrattajai tusa chicharainiak “Tí peṉker nuṉkan ashí arak tsapáu asamtai muntsu míshkiji̱a̱i̱ entsa núnis akamunmasha atumí úuntri̱n súsatnuitjiarme tiármiaj nuiṉkia átumka waya̱shtiniaitrume” tiniu asa túramiayi.