Isr. 3:8 - Yus Papí: Shuarja̱i̱ Yus Yamaram Chicham Najanamu

⁸ nakittsuk shiir anturkatarum. Israer shuar yaunchu aents atsamunam wekainiak Yus táman nakitrar Yusan nekapsar akajkarmiayi.

Isr. 3:8 Iomraidhean Croise

2 Akup. 17:14

Tura Uunt Yus timia nuna umitsuk ni we̱a̱trí̱ túrutairi̱niak túruiniak ní enentái̱ji̱a̱i̱ umichu ajasár Úunt Yusnaka peṉké enentáimtuscharmiayi.

Juup 9:4

Yuska enentáin nékaiti, kakarmatnasha ti kakarmaiti. ¿Yaki Yusan nakitiar wáittsuk péṉker pujususha aa?

YKan. 106:14

Kame atsamunam matsamsar ni wakeruiniamuri̱niak jikiatáiniak nekaspash suramsatajⁱ tuíniak Yusan akajkarmiayi.

YKan. 78:18

Yurumkanka Yuska suíniamaitiataṉ ni wakeramun searmia nuja̱i̱ Yusan nekapsar akajkarmiayi.

YKan. 78:56

Túramaitiat Israer shuarka Ashí Naṉkamantu Yusan nekapas íisarmiayi. Tura akupkámu umiktin chichamnasha peṉké arantúkcharmiayi.

YKan. 95:8

nakittsuk shiir anturkatarum. Warí, yaunchu Israer shuartiram Miripia tura Masa atsá nuṉkanam wekasarum

Jiin. 17:7

Tura Muisaissha Israer shuar yajauch chichakaru ásarmatai nu nuṉka náari̱nkia Miripia anaikiamiayi tura núnisaṉ Yusan nekapenak “Cha, Yussha íija̱i̱sha ¿pujawash?” tiaru ásarmatai chíkich náari̱ṉkia Masa anaikiamiayi.

Jiin. 8:15

Núnisaṉ nu itiurchatnumia̱ aṉkant ajas ataksha Parauṉka, Muisaisnasha Araunnasha anturtsuk Uunt Yus timia ímiatrusaṉ ni enentái̱n ikiatsuármiayi.

Neka. 28:14

Yusan ashamak tuke shiir awajna nuka ti waraawai antsu ni enentái̱n ikiatsua nuka yajauchiniam iniartatui.

Neka. 29:1

Aents chicharmaitiat kattsuntsuk yajauchi túruki̱ wéamuri̱ji̱a̱i̱ aya aneachma iwiarnatsuk jakamniaiti.

Jrm. 7:26

Túrasha Winia chichamprunka umirtukcharmai tura anturtuktinniaksha anturtukcharmai antsu antuktinian nakitiáiniak ántichu ajasár ni aparí̱ túrawarmia núja̱i̱ṉkia naṉkaamas tí yajauchin túrawarmai.

Tan. 5:20

Túrasha naṉkamantu enentáimtumak ni wakaní̱sha nuna yajauch ajasmiayi. Túrunamtai akupin ajasár pujutái̱nmaya̱ṉka ji̱i̱ki̱ páantniuchu awajsámiayi.

Wek. 14:11

Uunt Yus Muisaisan chicharuk “¿Ju̱ aentssha urutáik nakitrichush árat ni iimiainiamunam ashammainian túrin ai̱sha ti urutáik nekas enentáimtursarat?

Mat. 13:15

Ju̱ shuara enentái̱ kátsuram ásar péṉkera nuna nakitiáiniawai. Nu asamtai péṉker ántuiniatsui ji̱sha pusá áinis áiniawai. Túrachkuṉka paant nekaawarainti tura nekas antukarainti tura enentái̱ji̱a̱i̱ enentáimias Winia tsuarat tusa tarutiarainti.’ Isa. 6:9-10

Tur. 19:9

Tura chíkichka ni enentái̱n ti ikiatsuárarmiayi. Túrunawar umiktinian peṉké nakitiáinia ásar aents ántamunam Yusa jinti̱n peṉké yajauch chicharkarmiayi. Tuma asamtai Papru Yus shuarnaka akaṉkí̱ yaruak Tiranu unuimiátainium tuke tsawant Yus Chichaman ujaarmiayi.

Tur. 7:36

Muisaisaiti Israer shuaran Ejiptunmaya̱n uwemtikramia nu. Yusa kakarmari̱n nekaawarat tusa aentsti túrachminian Ejiptu nuṉkanam untsurín túramiayi. Nuyá̱ Kapantin Nayantsanmasha tura nuyá̱ kuaraintia uwitin atsamunam pujuiniai̱sha ti kakarman iniaktusmiayi.

1 Kur. 10:9

Iisha tunáa túrar “Yus asutiuáshtatui” tu enentáimprashtiniaitji. Nisha nuna túrawar napiji̱a̱i̱ esaim untsurí jákarmiayi.

Muis. 6:16

Tuma asamtai Masá nuṉkanam itiurkamarumna nútiksarum atumí Uunt Yusri̱ ‘nekapsataj’ tiirap. Jiin. 17:1-7; Mat. 4:7; Ruk. 4:12