Isr. 3:6 - Yus Papí: Shuarja̱i̱ Yus Yamaram Chicham Najanamu

⁶ Túrasha Kristu Yusa Je̱e̱n takarniuchu asa antsu Yusa Uchirí̱ asa nui̱ ashí akupeawai. Nu je̱a̱sha iitji. Tura tuke iniaitsuk kakaram ajasár Yus suramsattaj nu wararsar nákastiniaitji.

Isr. 3:6 Iomraidhean Croise

YKan. 2:12

Kajekmatai wárik jáka̱i̱j tusarum ni Uchirí̱sha shiir awajsatarum. ¡Kame ashí Nin enentáimtuinia nuka shiir enentáimias warasmin áiniatsuk!

Mat. 10:22

Tura Winia ajasu asakrumin mash muí̱jramkartatui. Tura tuke katsuntea nu uwemprattawai.

Mat. 16:18

Tura Wisha tájame, ámeka Pítruitme. Nu kayanam je̱a̱ je̱a̱mtinia áintsaṉ Yus shuaran ekenin tsakatmartatjai. Túramtai jákatniusha tura Yusa nemasri̱sha nu je̱a̱mman pukukchattawai.

Mat. 24:13

Tura shuar ashí nuna katsuntea nu uwemprattawai.

Rum. 11:22

Iistá, Yus atumji̱a̱i̱ ti tsáṉkaiti tura Israer shuar umichua nuna ti wari asutiáiti. Tura péṉker wáinmamkata. Yus tuke nekas enentáimtachkurminkia atumniasha páchitsuk tsupirmaktatrume.

Rum. 12:12

Ukunam Yus tsaṉkatramkattajnia nu enentáimtusrum warastarum. Wáitiakrumsha katsuntratarum. Tuke iniaitsuk ashí túrunamuja̱i̱ Yus áujsatarum.

Rum. 15:13

Jintia íimprutai̱ Yuska Yus enentáimtakrumin ashí warastinniasha tura ashí aṉkant shiir pujustinniasha suramsati. Túramtai Yusa Shiir Wakaní̱ kakarmari̱ji̱a̱i̱ nuna naṉkaamas jintia íimprustinian amasti.

Rum. 5:2

Tura Ni shiir enentáimtakur Yusai̱ weankaitji. Tura Kristu jarutramkakrin Yus ti anenmaji. Tura tuke anenma asakrin Niji̱a̱i̱ métek shiir ajastin nákakur waraaji.

1 Kur. 3:16

Enentáimpratarum. Yusa Wakaní̱ atumíin pujá asamtai Yusa Je̱e̱ ajasuram nu nékatsrumek.

1 Kur. 6:19

Yusa Wakaní̱ ame enentáimin pujurtamu asamtai ame aya̱shim ni je̱e̱nte. Nu Wakanniaka Yus amasuiti. ¿Nuka nékatsrumek? Tuma asamtai ame aya̱shim nérenchaitme.

2 Kur. 6:16

¿Iwiaaku Yusa je̱e̱ncha ántar yus pujustinkiait? Tura atumsha iwiaaku Yusa jé̱e̱ntrume. Yus Niṉki ni Papiri̱i̱n ju̱na tíchamka “Niji̱a̱i̱ tsaniṉkia pujusan niji̱a̱i̱ wekasartatjai tura ni Yusri̱ átatjai tura nisha Wí aents ajasártatui.” Riw. 26:12

Kar. 6:10

Tuma asamtai yáiṉmin ákuiṉkia ii jeajnia nu túratniuitji nekaska ii yachi̱ Yus shuar ainia nu yáiṉkiartin. Tura ashí shuarsha yáiṉtiniaiti.

Kar. 6:9

Nu asamtai péṉker túratin yawe̱tkishtiniaiti. Tura pimpitsuk takasar júuktin tsawant jeamtai páchitsuk júuktatji.

Ipi. 3:12

Tura Krístuja̱i̱ Yusai̱ yúpichuch jeaji. Tura Nin nekas enentáimtusar sapijmiatsuk Nin tantamniaitji.

Kurs. 1:23

Tuma asamtai Jesukrístu shiir enentáimtusrum kakaram ajasrum katsua̱rtiniaitrume. Tura uwempratin chicham antukuitrum nuyá̱ kanakchatniuitrume. Ju̱ uwempratin chichaman ashí nuṉkanam etsernakuiti. Wisha, Papru asan etserkatniun yaimjiai.

1 Tis. 5:16

Tuke shiir warasrum pujustarum.

2 Tis. 2:16

Ii Uuntri̱ Jesukrístusha tura ii Aparí̱ Yussha tí peṉker ásar iincha anenmatsjik. Tura waitnentrama ásar iincha shiir enentáimtikramji. Tura nú naṉkaamas ii tuke péṉker pujustinian ikiurtámsaitji.

Isr. 1:2

Kame amúamu tsawantin pujajnia ju̱i̱ṉkia Ni Uchiri̱i̱ní̱ chichartamkaitji. Tura ashí írunna nunasha Niini̱ najanka asa Ni nérentin ajasti tusa Uchirí̱n ashí súsaiti.

Isr. 10:19

Tuma asar yatsuru, Jesukrístu numpe̱ja̱i̱ péṉker awajsamu asar sapijmiatsuk shiir enentáiji̱a̱i̱ Tí Shiir Tesamu imiá shiira nui̱ Yus nekas pujamunam waya̱mniaitji.

Isr. 10:21

Jesus Yúsnan pujurniu uuntri̱ asa ashí Yus shuartin wáitmak pujurtamji.

Isr. 10:23

Yus tsaṉkatramkattajnia nu shiir enentáimtamu iniaitsuk kakaram ajasár tuke emetatniuitji. Yus tsaṉkatramkaitjinia nuna umiktatui.

Isr. 10:35

Tuma asarum yawe̱tsuk Yus tuke enentáimtusrum kakaram ajastarum. Túrakrum naṉkaamas sunaschatniuitiajtai tiirap.

Isr. 11:1

Yus nekas enentáimtakur “nákajnia nuna, Yus nekas suramsattaji” taji. Tura wáinchaitiatar “nekas wainkiattaji” taji.

Isr. 3:14

Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

Isr. 4:11

Nu asamtai iisha Yusja̱i̱ shiir pujustinnium pachinkiacha̱i̱j tusar Yus shiir enentáimtusar kakaram ajastiniaitji. Israer shuar yaunchu Yus táman nakitrarua núnis ajaschatniuitji.

Isr. 4:14

Jesus Yusa Uchirí̱ nekas Yúsnan pujurniu uuntri̱ ajas Yusai̱ wayá̱ íiniun chichartamji. Nu asamtai iniaitsuk tuke nekas enentáimtustiniaitji.

Isr. 4:16

Yus waitneṉkratakur akupin pujutai̱niam shiir enentáiji̱a̱i̱ arantutsuk weantúktiniaitji. Tura Yus iin anenma asa waitnentramak itiurchat pujajnia nui̱ yaintmaktatji.

Isr. 6:11

Tura nuik túrarmena núnisrumek tuke iniaitsuk kakaram takasrum ashí Yus tsaṉkatramkatta nu wainkiattarme. Núnisaṉ atí tusar wakeraji.

Isr. 6:18

Yus peṉké waitruachmin asa áyatik ni tamaja̱i̱ nekasaiti. Nuna arant nuikia imia Niṉki pachimias ti ikiakátmaji iin. Nuja̱i̱ iisha uwempratai tusar Niní̱ weamkatikia tsaṉkatramkattajnia nu ti shiir enentáimsar wáinkiatin nákaji.

Isr. 7:19

Muisais akupkámuka shuaran péṉker awajsachminiuyayi. Antsu Yus iin ti shiir awajtámsattajnia nu nákaji. Nuja̱i̱ Yusai̱ ti shiir jeawitji.

1 Pit. 1:8

Jesukrístu wáinchaitiatrum anearme. Tura yamái wáinchiatrumek nekas enentáimtarme. Tuma asarum ti wararme. Nu warastin nayaimpiniam warastatjinia núniskete, nuka paant títin jeatsji.

1 Pit. 2:5

Atumsha iwiaaku kaya ántsaṉketrume. Tuma asarum Yus wiji̱a̱i̱ ni je̱e̱n je̱a̱mti tusarum tsaṉkamaktarum. Tura nútiksarmek Jesukrístui̱ atumí iwiaakmari̱ tsaṉkamaktarum Yus wakera nuna túrutati tusarum. Jesukrístuja̱i̱ tura asarum Yus shiir enentáimtikrume.

1 Pit. 4:17

Yuska ni shuari̱n nekapsatajtsa naṉkamatniuiti. Tura nu tsawantcha jeayi. Yus imia iin nekapramkuisha Yus chichaman umirainiatsna nú shuarsha urukawartiṉ. Ti asutniáwartatui.

Apu. 2:18

Nuyá̱ turutmiai “Tiatiranmaya̱ Yus shuara uuntri̱ ju̱ áatrata. Yusa Uchirí̱ ji̱ jiji̱a̱i̱ métek keena nu tura núnisaṉ nawe̱ jiru yaṉkutaku jiamua núnis néwar ajawa nu tawai

Apu. 2:25

Tura Wi jeatsa̱i̱ṉ takakrum nu emetatarum.

Apu. 2:26

Nupetmakunka Wi wakeraj nunak tuke iniaitsuk túrana nuna untsurí nuṉkanam akupkatniun tsaṉkatkattajai.

Apu. 3:11

Wárik winittiajai. Takakmena nu emetata. Akinkiatniuitmena nuna chíkich shuar atantramkiara̱i̱ṉ.