Isr. 3:3 - Yus Papí: Shuarja̱i̱ Yus Yamaram Chicham Najanamu

³ Túrasha Muisaisja̱i̱ naṉkaamas Kristu ti shiir awajnásuiti. Je̱a̱ja̱i̱ naṉkaamas je̱a̱ je̱a̱mniuka nekas péṉkerchakait. Núnisaṉ Kristu Muisaisja̱i̱ naṉkaamas péṉkeraiti.

Isr. 3:3 Iomraidhean Croise

Sak. 4:9

“Yusa Uunt Je̱e̱ tépakmari̱nkia Surupapír ní uweje̱ja̱i̱ṉ aeprukmai. Tuma asa amúaksha ní uweje̱ja̱i̱ṉ amuktatui. Tura nu túrunamtai antsu nui̱ṉkia Wíniaka Uunt Yus atumíin akuptúkua nu nekarattarme.

Mat. 16:18

Tura Wisha tájame, ámeka Pítruitme. Nu kayanam je̱a̱ je̱a̱mtinia áintsaṉ Yus shuaran ekenin tsakatmartatjai. Túramtai jákatniusha tura Yusa nemasri̱sha nu je̱a̱mman pukukchattawai.

1 Kur. 3:9

Wisha tura Apurussha Yusa takatri̱ mái̱ tsanintkiar takaaji. Tura Yus atumí enentái̱n takaakui atumsha Yusa núṉke̱ya áintsaitrume. Je̱a̱sha enentáimpramniaiti. Yus atumji̱a̱i̱ takaak je̱á̱ je̱a̱mtinia áintsaṉ takaawai.

2 Kur. 3:7

Yaunchu chichamnaka kayanam aar Yus Muisaisan susamiayi. Susamia nui̱ Muisaisa yapí̱ ti wincha ajasmiayi.Jiin. 34:29-30 Túrunamtai Israer shuar ni yapi̱n íistinian tujintkiarmiayi. (Túrasha nu wincha mushatmaki̱ wémiayi.) Túrasha nu chichaman shuar umirkatniun tujintiakui nu chichamsha aya tuke jákatniunam shuaran ejemiayi. Túmayataṉ winchaja̱i̱ susamuyayi.

Kurs. 1:18

Ashí Yus shuar métekrak chikichik aya̱shtinia núnis enentáimkiumka nuna muuke̱ṉka Krístuiti. Tura nu aya̱shí̱n ni iwiaakmari̱ji̱a̱i̱ iwiaaku átinian súsaiti. Nisha ashí jakamunmaya̱ nantakniuja̱i̱ imiá naṉkamantuiti. Núja̱i̱ṉkia ashí enentáimpramnia írunna nunasha akupniuiti.

Isr. 2:9

Tura wáinjinia nu Krístuiti. Nisha aents ajas ishichik tsawant nayaimpinmaya̱ suntarja̱i̱ péejchach ajasmiayi. Yus ashí shuaran ti aneak jarukarti tusa wakerimiayi. Tura ni wáitias jakamuja̱i̱ yamaikia ti shiir naṉkaamas Uunt awajsamuiti.

Isr. 3:4

Kame ashí je̱a̱n shuar je̱a̱mtsuk. Tura Yus ashí írunna nuna najanaiti.

Isr. 3:6

Túrasha Kristu Yusa Je̱e̱n takarniuchu asa antsu Yusa Uchirí̱ asa nui̱ ashí akupeawai. Nu je̱a̱sha iitji. Tura tuke iniaitsuk kakaram ajasár Yus suramsattaj nu wararsar nákastiniaitji.