Isr. 3:14 - Yus Papí: Shuarja̱i̱ Yus Yamaram Chicham Najanamu

¹⁴ Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

Isr. 3:14 Iomraidhean Croise

Rum. 11:17

Yuska chíkich chíkich Israer shuaran, numí kanawe̱n tsupik ajapniua áinis iniaisámiayi. Tura nuyá̱ atumín niisháa numinmaya̱ árumni̱ṉ nu numiniam anujtamkamarme. Nuja̱i̱ péṉker numiji̱a̱i̱ tsaniṉkrum nu kakarmaja̱i̱ iwiaakrume.

Rum. 11:22

Iistá, Yus atumji̱a̱i̱ ti tsáṉkaiti tura Israer shuar umichua nuna ti wari asutiáiti. Tura péṉker wáinmamkata. Yus tuke nekas enentáimtachkurminkia atumniasha páchitsuk tsupirmaktatrume.

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

1 Kur. 10:17

Apatkusha chikichkitiat púuram untsurí ajatsuk. Iisha núnisrik untsurítiatar nu apatuk métek yuarⁱ métek enentáimprar chikichik aya̱shtinia áintsar aji.

1 Kur. 9:23

Ashí wi túraj núnaka uwempratin chicham tuke shiir atí tusan túrajai. Tura nu chichamja̱i̱ wisha atsumtsuk shiir wekaajai.

Ipi. 3:6

Nu chicham ju̱i̱ti. Uwempratin chichaman umirkar Israer shuarcha Israer shuarja̱i̱ métek Krístuja̱i̱ tsaniṉkiaru ásar chikichik shuar ajasártatui. Tura nu arantcha Yus ni shuari̱n ashí shíiran tsaṉkatkatniun anajmatrama nui̱ métek pachinkiartatui.

1 Tim. 6:2

Atumí uuntri̱ Yus shuar áiniaka aya Yusja̱i̱ yátsum asamtai nakiarchatniuitrume. Antsu nuna naṉkaamas péṉker takarsatniuitrume. Warí, ame yaya̱mna nu Yus shuarchak ainia, tura ame aneamu yatsumchak ainia. Ame Timiutéu, tu jintintiata.

Isr. 11:1

Yus nekas enentáimtakur “nákajnia nuna, Yus nekas suramsattaji” taji. Tura wáinchaitiatar “nekas wainkiattaji” taji.

Isr. 12:10

Ii aparí̱ ishichik ni enentái̱ji̱a̱i̱ wakeramun chichartamniuyaji. Antsu Yuska tí peṉker awajtámsataj tusa nekas atsumajnia nuja̱i̱ métek chichartamji.

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

Isr. 3:6

Túrasha Kristu Yusa Je̱e̱n takarniuchu asa antsu Yusa Uchirí̱ asa nui̱ ashí akupeawai. Nu je̱a̱sha iitji. Tura tuke iniaitsuk kakaram ajasár Yus suramsattaj nu wararsar nákastiniaitji.

Isr. 6:11

Tura nuik túrarmena núnisrumek tuke iniaitsuk kakaram takasrum ashí Yus tsaṉkatramkatta nu wainkiattarme. Núnisaṉ atí tusar wakeraji.

Isr. 6:4

Shuar Yusna nuna nekaaṉka tura Yus susamun takakkuṉka tura Yusa Shiir Wakaní̱ kakarmari̱n nekapsaitkiuṉka

1 Pit. 4:13

Tuma ai̱ṉ shiir enentáimsatarum. “Kristu wáitsamuri̱n métek taku wáitiakun péṉkeraiti” tu enentáimsatarum. Ukunam Kristu winchari̱ wainkiarum timiá warasmi tusarum túratarum.

1 Pit. 5:1

Yamaikia Yus shuara úuntri̱tirmin, jintintjiarme. Wisha núnisnak Yus shuara úuntri̱ntjiai. Kristu wáitsamuri̱n wisha wáinkiaitjiai. Tura ukunam ti shiir átatna nui̱ chíkich Yus shuara uuntri̱ya núnisnak wisha pachinkiattajai.

1 Jṉ. 1:3

Yus Apaja̱i̱sha ni Uchirí̱ Jesukrístuja̱i̱sha tsaniṉkiar nekas chikichík ajaji. Tura atumsha núnisrumek iiji̱a̱i̱ chikichík ajasúk tusar wainkiamajnia nuna tura anturkamajnia nunasha ujajrume.