Isr. 3:12 - Yus Papí: Shuarja̱i̱ Yus Yamaram Chicham Najanamu

¹² Anearta, yatsuru. Yajauch enentáimsarum tuke iwiaaku Yus enentáimtutsuk kanakiirap.

Isr. 3:12 Iomraidhean Croise

Naṉ. 8:21

Tura nuna kuṉkuntin Uunt Yus ti shiir nekapramiayi. Tura Ní enentáimsaṉ chichaak “Yamaikia aentsu yajauch túrutairi̱nkia nuṉkanka ama̱a̱ja̱i̱ṉkia atakka peṉké amukchatniuitjiai. Warí aentska uchichinmaya̱ṉ yajauch enentáimin áiniawai. Núnisnak ashí iwiaaku matsamártatna nunasha amukchartatjai.

YKan. 18:21

Uunt Yusa jinti̱nkia wekasaitjiai. Tura Yusan enentáimtichua núnisnaka winia Yusrui̱ya̱ṉka kanakchaitjiai.

Neka. 1:32

Nekasaiti. Shuar ántichu ainia nu ni náṉkamas wekatairi̱ji̱a̱i̱ mantamnawartatui. Núnisaṉ nétseka “Warí iikia tí peṉker pujatsjik” tuinia nuja̱i̱ amunkartatui.

Isa. 59:13

Ni wakeramusha umitsuk Uunt Yussha nakitrar ii Yúsri̱nchuiti tíniuitji. Ii Yúsri̱ji̱a̱i̱ wekayatar Yuska iniaisar ataksha Níiya̱ṉka kanaaji. Tura wáitkiastai tusar áujmatkur aya kájeaji núnisrik yajauch túrakur ii enentái̱ji̱a̱i̱ṉ waitruar chichawitji.

Jrm. 11:8

Túrasha niṉkia tuíniamaitiat peṉké anturtukcharmai. Tumá aṉkant aṉkant ní enentai̱n yajauch enentáimmianumaani̱ júkiarmai. Túrawar chícham najanamu umiktarum tusan akupkámiaj núnaka umikcharuiti. Tuma asamtai ashí itiurchat jú̱ chicham najanamunam áarman itiariártatjai” tímiayi.

Jrm. 16:12

Tura átumka atumí uuntri̱ túrin armia núja̱i̱sha naṉkaamas túraitrume. Nekaata átumka atumíya̱ aṉkant aṉkant yajauch enentái̱ achikrum Wíniaka anturtutsuk wéarme.

Jrm. 17:5

Uunt Yus chichaak “Aents aentsnum enentáimiuk tura aents túramu yaintkiattawai tusa Uunt Yusan enentáimtatsna nuka yajauchiji̱a̱i̱ yumiṉkramuiti.

Jrm. 17:9

Aentsu enentái̱ṉkia ashí írunna núja̱i̱sha naṉkaamas ti anaṉmawiti. Tuma asa eseerachminiaiti. ¿Nunasha yaki nekaatⁱ?

Jrm. 18:12

Túrasha chichainiak “Ame támena nuka peṉké túrachminiaitji. Antsu íi enentáimmiak werakur aṉkant aṉkant ii netse enentái̱ túrameaj nuke túrattaji” tiártatui.

Jrm. 2:13

Warí Winia shuaruka jimiará yajauchin túrawaruiti. Wikia iwiaaku entsa saar púkunitjiana Jṉ. 4:10 núnaka iniaitiusar niṉki entsa pajamtai chiṉkiara asa entsasha pajamchan najatmakaruiti” tawai Uunt Yus.

Jrm. 3:17

Nu tsawantinkia Jerusaréṉnaka Uunt Yus Akupkur Pujutái̱ri̱ tu anaikiartatui. Tura ashí nuṉkanmaya̱ aentska Uunt Yusa náari̱n pachikiar Jerusaréṉnum iruntrartatui. Nuya̱ṉka ni enentái̱ kátsuram ásarmatai yajauch túriarmia núnisarka túrachartatui.

Jrm. 7:24

Túrasha Winia chichamprunka umirtukcharmai tura antutnaksha anturtukcharmai. Antsu ni yajauch enentái̱ wakeramuja̱i̱ métek ní iwiaramunak túrawarmai. Túmainiak eem wétsuk Yusnaka iniaisar úkumur waketkiarmai.

Use. 1:2

Kame juáruk Uunt Yus timian Useas etserkamia nuka ju̱i̱ti. Nuyá̱ Uunt Yus Useasan chicharuk “Yamaikia tsanirmatai nuwa̱ nuatkam nui̱ yajutmakta. Warí Israer shuar nui̱ pujuinia nu Uunt Yusan iniaisar aya tsanirmatnak pujurainia núnis áiniawai” tímiayi.

Mat. 16:16

Semuṉ Pítrusha “Ámetme Kristu, Yus Anaikiamu. Nekas iwiaaku Yusa Uchirí̱nme” tímiayi.

Mat. 24:4

Tuíniakui Jesus chichaak “Aneartarum, anaṉkramawairap.

Mar. 13:23

Tura átum aneartarum. Aetak túmatsa̱i̱ṉ ujakchajrumek” tímiayi Jesus.

Mar. 13:33

Atumsha anearum enentáimprarum Yus áujsarum pujustarum, tsawant nékachu asarum.

Mar. 13:9

Túrasha atumek anearum íimiastarum. Warí átumka uuntri̱ iruntai̱niam jukimiu átatrume. Túrutmawarmatai Israer shuar iruntai̱ je̱a̱nam asutniáttarme. Núnisrumek Winia enentáimturkurmin námkaru ainia nui̱sha tura úunt akupniunmasha junaktiatrume. Tura nui̱sha Winia chichamur etserkattarme.

Ruk. 21:8

Tutai Jesus chicharuk “Aneartarum, anaṉnawairap. Nekaatarum. Winia náarun pachisar ‘Wi Krístuitjiai’ tuinia ti untsurí jíintrartatui. ‘Nuṉka amuukatin jeayi’ tu etserkartatui. Tuíniakui anturkarum nemarsairap.

Rum. 11:21

Yus nekas kanawe̱ péṉkercha túrawarun tsupikkia páchitsuk amincha tsupirmakchamniakait.

1 Kur. 10:12

Tuma asamtai shuar tunaanum iniaarchattajai tákuṉka anearti. Anearchamka iniaarminiaitme.

Kurs. 2:8

Atumsha aneartarum. Aentsti enentáimmiaja̱i̱ṉ ashí ju̱ nuṉkanmaya̱n enentáimprar tura Krístun enentáimtutsuk niisháa chichaman áujtamainiak nekaschaja̱i̱ anaṉkramataj tusa wakerutmainiawai.

1 Tis. 1:9

Antsu átum iin péṉker itiaamun ni íksaṉ ujatmainiaji. Tura nuya̱sha najankamu yus enentáimtustin iniaisarum nekas iwiaaku Yus nekas enentáimtusrum umirkarumna nunasha ujatmainiaji.

Isr. 10:31

Tí tsuumainti iwiaaku Yusa kakarmari̱ji̱a̱i̱ asutniátin.

Isr. 10:38

Péṉkera túrinkia Yusan nekas péṉker enentáimta asa iwiaaku pujustatui. Tura iniaiyakuiṉkia nin wararsashtatjai.” Awa. 2:3-4

Isr. 12:15

Chikichkisha Yusa waitnenkartutairi̱n tátracharat tusarum péṉker iistarum. Tura yapá nupa̱ tsapái̱ yáitmataik jamaki̱ wea atumíin yajauch awajtamkui ni túruiniamun untsurí shuar utsumárara̱i̱ṉ tusarum péṉker wáinkiatarum.Muis. 29:18-19; Tur. 8:23; Ipi. 4:31

Isr. 12:22

Antsu atumji̱a̱i̱ṉkia Yusna enentáimtustin nuja̱i̱ naṉkaamas péṉkeraiti. Átumka nayaimpinmaya̱ Seun nainnium Jerusaréṉ iwiaaku Yus pujutai̱ péprun nakumeana nui̱ jeeaitrume. Nui̱sha ti untsurí nayaimpinmaya̱ suntarsha

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

Isr. 3:10

Tuma ásarmatai nu shuaran kajerkan tiármajai ‘Nu shuar ni enentái̱n tuke awajiniawai. Tura Wi táman umirkatniun nakitiáiniawai’ tímiajai.

Isr. 3:19

Iis, Yusan enentáimtachu ásar Niji̱a̱i̱ shiir pujustinnium waya̱tniun tujintkiarmiayi.

Isr. 9:14

Antsu Kristu peṉké tunaarinchaitiat tuke jáchatai Wakaní̱ kakarmari̱ji̱a̱i̱ jákatniunam Yusai̱ surumakmiayi. Tuma asamtai Kristu numpé̱ ii yajauchiri̱n peṉké asakáru asamtai yamaikia ii tunaarí̱ jákatniunam júana nuja̱i̱ itit enentáimtumatsuk nekas iwiaaku Yus ¿shiir umirkachminkiaitiajⁱ?