Isr. 3:1 - Yus Papí: Shuarja̱i̱ Yus Yamaram Chicham Najanamu

¹ Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

Isr. 3:1 Iomraidhean Croise

YKan. 110:4

Uunt Yus nekas tajai tusa ímia niṉki pachimias Wi tájana jú̱naka nekas umiktatjai. Ámeka Mirkiseték Yúsnan pujurniuya nuja̱i̱ métek tuke Yúsnan pujurin átatme tímiayi. Isr. 7:15-17,21

Isa. 1:3

Tí waakaksha nérenniuri̱nkia nékaiti. Núnisaṉ umpurusha nérentin tui̱ ayurniuit nunasha nékawai. Tura Israer shuarka wi shuar áiniayat ántichu ásar peṉké nékachu áiniawai” tawai.

Isa. 41:20

Ashí aents nuna iis nekaawarat tura núnisaṉ esetar métek enentáimsarat tusa Jiuwá uwejé̱ja̱i̱ ju̱na nájaneawai. Warí, Israera Tunaari̱ncha Yusri̱ya nu najankaiti.”

Isk. 12:3

Tuma asamtai aentsu uchiri̱yá, chumpimiam ame pujamna nuyá̱ jiinkim chíkich nuṉkanam achikia júamua áintsamek tsawái̱ ashí aents iimiainiamunam ame je̱e̱minia̱ jiinkim chíkich nuṉkanam wetá. Núja̱i̱ṉkia ‘iikia ántichu shuarapitjia’ tu enentáimtumarchartimpiash.

Isk. 18:28

Antsu ashí yajauch túramuri̱n enentáimtus nuyá̱ kanakiṉkia ti nekas játsuk iwiaaku pujustatui.

Aji. 1:5

Ashí Akupin Uunt Yus chichaak “Átum túrarmena nu ¿péṉkerashit? Enentáimpratarum.

Aji. 2:15

Wats yamaiya̱ ju̱ya̱ṉ nekas enentáimpratarum. Uunt Yusa Je̱e̱ je̱a̱mtin kayarí̱ tuke aepruntsa̱i̱ṉ ¿jú̱nis áchamka?

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 20:21

Ataksha Jesus “Aṉkant shiir pujustarum. Winia Apar akatar akuptúkma núnisnak Wisha akatran akupeajrume” tímiayi.

Juaṉ 20:27

Nuyá̱ Tumasan chicharuk “Winia uwejur iisam ame uwejém awa̱intiuata. Núnismek winia paerui̱ uwejém awa̱intiuam iistá. Tura arantutsuk nekas enentáimtursata” tímiayi.

Tur. 1:15

Nui̱ siantu painti aents iruntrarmia nui̱ Pítiur chichastaj tusa wajakmiayi.

Rum. 11:17

Yuska chíkich chíkich Israer shuaran, numí kanawe̱n tsupik ajapniua áinis iniaisámiayi. Tura nuyá̱ atumín niisháa numinmaya̱ árumni̱ṉ nu numiniam anujtamkamarme. Nuja̱i̱ péṉker numiji̱a̱i̱ tsaniṉkrum nu kakarmaja̱i̱ iwiaakrume.

Rum. 15:27

Ti wakeruiniak túrawarmiayi. Nu nekas túrashtinkiait. Israer shuarnumia̱ Yus Chichaman antukaru ásar yamaikia ni kuítriji̱a̱i̱ páchitsuk yáiṉchatniukait.

Rum. 15:8

Ju̱na tajai. Kristu tsupirnakman yaiṉkiartaj tusa támiayi. Tura Yus ti yaunchu nuna we̱a̱trí̱n “túrataj” timia nu uminkiat tusa támiayi. Nuja̱i̱ Yus timia nuna umikmia nu nekaamniaiti.

Rum. 9:24

Tura iincha Israer shuarnumia̱sha Israer shuarchanumia̱sha ni shuari̱ ajasat tusa achirmákmiaji.

1 Kur. 1:2

Ashí Yus shuar Kurintiu péprunam iruntrumna nútirmin ju̱ papin akuptajrume. Átumka Jesukrístuja̱i̱ tsaniṉkiu asarum yusna árume. Atumsha tura ashí shuar Jesukrístun enentáimtuinia nunasha Yus tí peṉker awajsatniun wakerawai. Nincha tura iincha Jesukrístu mái̱ metek Úuntri̱nti.

1 Kur. 10:17

Apatkusha chikichkitiat púuram untsurí ajatsuk. Iisha núnisrik untsurítiatar nu apatuk métek yuarⁱ métek enentáimprar chikichik aya̱shtinia áintsar aji.

1 Kur. 9:23

Ashí wi túraj núnaka uwempratin chicham tuke shiir atí tusan túrajai. Tura nu chichamja̱i̱ wisha atsumtsuk shiir wekaajai.

2 Kur. 1:7

Tura “túrattawai” tu enentáimtajrume. Warí, átum iiji̱a̱i̱ métek wáitsaitrume. Núnisaṉ iiji̱a̱i̱ métek Yus atsaṉtamtsurmek.

2 Kur. 9:13

Nu shuar yaiṉtai tusarum tura ashí Yus shuar yaiṉtai tusarum súatsrumek. Nuja̱i̱ Kristu shiir chichame̱n umíarmena nuna nékainiawai. Tura kuítrum ementutsuk sua asakrumin nisha Yusa náari̱n uunt awajsártatui.

Ipi. 3:6

Nu chicham ju̱i̱ti. Uwempratin chichaman umirkar Israer shuarcha Israer shuarja̱i̱ métek Krístuja̱i̱ tsaniṉkiaru ásar chikichik shuar ajasártatui. Tura nu arantcha Yus ni shuari̱n ashí shíiran tsaṉkatkatniun anajmatrama nui̱ métek pachinkiartatui.

Ipi. 4:1

Atumsha ni shuari̱ ajastin Yus achikma asarum péṉker wekasatarum tájarme. Ii úuntri̱niun étserkun sepunam pujakun seajrume.

Ipi. 4:4

Yusa Wakaní̱nkia chikichkiti. Tura ashí métek Yus achikma asar métek Niji̱a̱i̱ shiir pujustin enentáimji. Iisha Kristu aya̱shí̱ aya̱shí̱mkia asar chikichik aya̱shkitji.

Jir. 3:14

Tura nuna umikmatai Yus untsurkamtai nayaimpiniam Jesukrístuja̱i̱ tsaniṉkian shiir pujustinian Yus surustatui.

Kurs. 1:12

Yus ni shuari̱n tsáapninia nui̱ ashí péṉkeran susattawai. Tura iincha nui̱ pachinkiatniun tsaṉkatramka asakrin Yus Apa yumiṉsamniaitrume.

Kurs. 3:12

Yus atumín anenmak Niniu ártí tusa achirmákmarme. Túrutma asamtai ju̱ja̱i̱ shiir iwiarmampratniua áintsarum tuke túrin atarum, waitnenkartin, shiir awajkartin, péejchach átin, émtin áchatin, tura katsuntin átin.

1 Tis. 2:12

Tura Yusja̱i̱ shiir wekasatarum tímiajrume. Yus naṉkaamas uunt asa ashí akupeawai. Tura Yus shuaraitrumna nuna, Winin pachinkiarat tusa Yus untsurmarme. Yus untsurma asamtai Níniuitrume. Niniu asarum Yusa uchirí̱a núnisrumek wekasatniuitrume.

1 Tis. 5:27

Winia Uuntru Jesukrístu chichame̱ja̱i̱ ju̱na tájarme. Ju̱ papí ashí Yus shuar antukarti tusarum ashí iruntramunam áujsatarum.

2 Tis. 1:11

Nu tuma asamtai ii Yusri̱n atumín tuke áujtajrume. Yus atumín achirmákuitrume. Nui̱ṉkia Yuska atumí enentái̱n takas Ni wakera nuja̱i̱ métek awajtámsati, taji. Yus umirka asarum péṉker wekasataj tusarum wakerarme. Túrarum Yus enentáimtusrum péṉker túratin wakerarme. Tura wakerarmena nu umiktin Yuska ni kakarmari̱ji̱a̱i̱ yaiṉtí, tu áujtaji.

2 Tis. 2:14

Nu túrunat tusa Yus wakerutmarme. Krístuja̱i̱ uwempratin chicham ii ujakjinia nuja̱i̱ Yus untsurmakmarme. Ii Uuntri̱ Jesukrístu tí peṉker pujana nui̱ pachinkiamniuram tusan nú chichaman ujakmajrume.

1 Tim. 6:12

Yusna nu túrunat tusam kakaram ajasta. Tuke amuicha iwiaakma emetata. Nu túratniun Yus anaitiamkaiti tura ame Yus nekas enentáimtamu untsurí shuar iruntramunam etserkaitme.

1 Tim. 6:2

Atumí uuntri̱ Yus shuar áiniaka aya Yusja̱i̱ yátsum asamtai nakiarchatniuitrume. Antsu nuna naṉkaamas péṉker takarsatniuitrume. Warí, ame yaya̱mna nu Yus shuarchak ainia, tura ame aneamu yatsumchak ainia. Ame Timiutéu, tu jintintiata.

2 Tim. 1:9

Ii péṉker túrichu árini̱ṉ Yus iin anenma asa uwemtikramar péṉker túratniunam apujtamsaitji. Iisha Jesukrístuja̱i̱ tsaniṉkiaru asakrin tura Yus nuna túratniun wakerak túramiayi. Yaunchu ju̱ nuṉka atsai̱sha iin tuke waitnentrampramiaji.

2 Tim. 2:7

Wats, ju̱ menaintiú métektaku chicham áiniawai. Péṉker enentáimtakmin ii Uuntri̱ Kristu paant awajtúrmastatui.

Isr. 10:19

Tuma asar yatsuru, Jesukrístu numpe̱ja̱i̱ péṉker awajsamu asar sapijmiatsuk shiir enentáiji̱a̱i̱ Tí Shiir Tesamu imiá shiira nui̱ Yus nekas pujamunam waya̱mniaitji.

Isr. 10:21

Jesus Yúsnan pujurniu uuntri̱ asa ashí Yus shuartin wáitmak pujurtamji.

Isr. 10:23

Yus tsaṉkatramkattajnia nu shiir enentáimtamu iniaitsuk kakaram ajasár tuke emetatniuitji. Yus tsaṉkatramkaitjinia nuna umiktatui.

Isr. 13:22

Yatsuru, kakaram chicharkajrumna ju̱ shiir enentáimji̱a̱i̱ anturkatarum. Kame tí warik áatrajrume.

Isr. 2:11

Yusna atí tusa shiir awajsámuncha tura Kristu nin shiir awajea nunasha Yuska mái̱ metek ni Aparí̱nti. Nu asamtai Yusa Uchirí̱ nú shuaran “yatsur” títinian natsantatsui.

Isr. 2:17

Túratin asa peṉké métek ni yáchi̱ya áinis ajasmiayi. Nuja̱i̱ iin tuke waitnentrampramniaitji. Tuma asa Yúsnan pujurniu uuntri̱ ajas Yusan tuke péṉker chichartamsamniaitji. Núnisaṉ murikiun maa Yus súsatniua áintsaṉ ni jakamuja̱i̱ ashí shuara tunaari̱n tsaṉkurniuiti.

Isr. 3:12

Anearta, yatsuru. Yajauch enentáimsarum tuke iwiaaku Yus enentáimtutsuk kanakiirap.

Isr. 3:14

Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

Isr. 6:20

Jesussha emka Yusai̱ wayá̱ mash iwiarturmaji. Tura Mirkiseték amia núnisaṉ Nisha yamái tuke amuukashtinian Yúsnan pujurniu uuntri̱ ajasuíti.

Isr. 7:26

Tuma asa Jesus Yúsnan péṉker pujurniu uuntri̱ asa ii atsumajnia núkete nisha. Nisha ti shiir asa peṉké tunaarinchaiti. Ashí yajauchinmaya̱ kanakniuiti. Tura Yusja̱i̱ métek Uunt ajasuíti.

Isr. 7:28

Kame Muisais akupkámu chichamka peṉké shuarnak tuke péṉkercha ai̱ṉ Yúsnan pujurniu uuntri̱ ánaiyawai. Túrasha nuna ukunam yapaji̱áchmin chichaman Yus timia nuka Ni Uchirí̱n imiá peṉker awajsamua nuna Yúsnan pujurniu uuntri̱ tuke iniaitsuk anaikiaiti.

Isr. 9:11

Antsu Krístuka Yúsnan pujurniu uuntri̱ asa Yúsnan takastinian pujurniuiti. Yusa Uunt Je̱e̱n tí uuntan tura tí peṉkera nui̱ṉ waya̱iti. Nu je̱a̱ aents najanachmauyayi tura nuṉkaya̱ najanawarmia núja̱i̱sha naṉkaamas tí péṉkeraiti. Kame ju̱ nuṉkanmaya̱nchuiti.

Isr. 9:15

Nu asamtai Jesukrístu yamaram chichaman shiir takarniuiti. Yaunchu chichamja̱i̱ yajauch túramu nekas tsaṉkurachma asamtai Kristu jaka nu tunaancha tsaṉkurarmiayi. Nuja̱i̱ ashí Yus shuarti Yus achikma asar Yus tsaṉkatramajnia nu wáinkiar tuke wararsattaji.

1 Pit. 2:9

Tura átumka Yus achikmaitrume. Tura wínian pujurtursarat tusa yajauchinmaya̱ Uunt Yus akantámkaitrume. Yusna asarum péṉker enentáimin ajasurme. Tura sumakma asarum Yúsnaitrume. Nisha winia péṉkerun etserturkarat tusa túraiti. Kame kiritniunmaya̱ jiinkirum ni tsáapnintri̱n wekasatniun achirmákurme.Jiin. 19:5-6; Muis. 10:15; Isa. 61:6

1 Pit. 3:5

Yaunchu núnisaraṉ nuwa̱ Yusan enentáimtusarmia nu, tura Yusan shiir enentáimtikratniun wakeriarmia nu, ni áishri̱n umirkar nuja̱i̱ ni enentái̱n shíirmach ajasár pujuarmiayi.

1 Pit. 5:1

Yamaikia Yus shuara úuntri̱tirmin, jintintjiarme. Wisha núnisnak Yus shuara úuntri̱ntjiai. Kristu wáitsamuri̱n wisha wáinkiaitjiai. Tura ukunam ti shiir átatna nui̱ chíkich Yus shuara uuntri̱ya núnisnak wisha pachinkiattajai.

1 Pit. 5:10

Wats, ishichik tsawant wáitsarmena nu naṉkaamasmatai Yus ataksha péṉker awajtámsattarme. Tura numi wewe wajana núnisaṉ ikiakátmartatrume. Tura Yus ikiaká̱rma asarum ni jinti̱i̱n tuke péṉker wekasattarme. Ju̱ Yus tuke iin waitnentramtsujik. Tura iisha Jesukrístunu asakrin Niji̱a̱i̱ métek Yus ni shiir pujutai̱nium tuke shiir pujusmintrum tusa achirmákuitji.

1 Jṉ. 1:3

Yus Apaja̱i̱sha ni Uchirí̱ Jesukrístuja̱i̱sha tsaniṉkiar nekas chikichík ajaji. Tura atumsha núnisrumek iiji̱a̱i̱ chikichík ajasúk tusar wainkiamajnia nuna tura anturkamajnia nunasha ujajrume.

Jut. 1:1

Wi Jútas Jakupu yachi̱ntjiai. Jesukrístu takarin asan ashí Yus Apa ni shuari̱ átinian achikma ainia nuna ju̱ papin áateajai. Jesukrístuja̱i̱ tsaniṉkiaru ásarmatai Yus nin wainiainiawai niji̱a̱i̱ kanakchatniun.

Apu. 17:14

Murikji̱a̱i̱sha mesetan najanawartatui. Túrasha Murik nupetkartatui. Nisha uuntja̱i̱ naṉkaamas Uunt asa tura núnisaṉ akupniúja̱i̱ naṉkaamas Akupin asa nupetmaktatui. Tura Niji̱a̱i̱ írutraa nu, Yus Winia atí tusa achikma ásar tura Nin tuke umirin ásar Niji̱a̱i̱ nupetmakartatui.”

Apu. 18:20

Antsu nayaimpiniam pujarumna nu, ashí Yus akatrámutirmesha, ashí Yusna etserniutirmesha tura ashí Yus shuar árumna nu ni wáitsamuja̱i̱ warastarum. Nu wáitsamuja̱i̱ atumín yajauch awajtámsamarmena nuna yapajtiúrmakurme” tiarmai.