Isr. 2:9 - Yus Papí: Shuarja̱i̱ Yus Yamaram Chicham Najanamu

⁹ Tura wáinjinia nu Krístuiti. Nisha aents ajas ishichik tsawant nayaimpinmaya̱ suntarja̱i̱ péejchach ajasmiayi. Yus ashí shuaran ti aneak jarukarti tusa wakerimiayi. Tura ni wáitias jakamuja̱i̱ yamaikia ti shiir naṉkaamas Uunt awajsamuiti.

Isr. 2:9 Iomraidhean Croise

Naṉ. 3:15

Ámin nuwa̱ja̱i̱ nemasmamtikiattajme. Tura ame tiraṉmí tiraṉki̱sha nuwa̱nuja̱i̱sha núnisaṉ nemasnaikia ártatui. Ti ukunam nuwa̱nu átatna nu muukmin najatmarmatai ame ni saṉkani̱n esaim najaimiamtikiattame.” Tú timiayi Uunt Yus.

Isa. 11:1

Kame numí kampuí̱ jeana núnis Isái shuari̱ya̱ tsapaittiawai. Tura nuna kampui̱ya̱ chikichik jé̱e̱rtatna nuke nerektatui.

Isa. 7:14

Tuma asamtai Úunt Yusak aents túrachminian túrattawai. Nuwa̱ natsach ajapruktatui tura uchin takustatui nuna náari̱sha Emanuér anainiaktatui. Mat. 1:23; Ruk. 1:31,34

Mat. 16:28

Imiá nekas tájarme, Wi Aents Ajasu asan Winia akuptáirui̱ winiái̱ shuar ju̱i̱ wajainia ju̱ játsuk wáitkiartatui” tímiayi.

Mat. 6:28

Nuikia ¿urukamtai entsartincha timiá enentáimprum? Iistá, kuku̱jsha takachuitiat tura najanchaitiat

Mar. 9:1

Ataksha Jesus nin chicharuk “Nekas tájarme, shuar játsuk Yus ni kakarmari̱ji̱a̱i̱ aentsu enentái̱n akupkáttana nú tsawantan wáinkiartatna nu ju̱i̱ iiji̱a̱i̱ pujuiniawai” tímiayi.

Ruk. 9:27

Tura shuar Yusa akuptáiri̱n wáintsuk jákachartatna nu ju̱i̱ pujuiniawai. Nuna nekas tájarme” tímiayi.

Juaṉ 1:29

Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Juaṉ 10:17

Winia murikrun uwemtikrataj tusan jakattajai túran atak nantaktiatjai. Nu asamtai winia Apar anentui.

Juaṉ 12:32

Tura numiniam awajnaimtai ashí nuṉkanmaya̱ṉka shuar enentáimturartatui” tímiayi.

Juaṉ 3:16

Yuska ashí shuaran ti anea asa, ni Uchirí̱n chikichik ana nuna shuaran uwemtikrarat tusa tsaṉkatkamiayi. Tuma asa ashí shuar Niin enentáimtana nu, jinium wécharat tusa antsu Yusai̱ tuke iwiaaku pujusárat tusa ni Uchirí̱n akuptúrmakmiaji.

Juaṉ 8:51

Ti nekasaiti. Wi tájana nuna enentáimta nú shuarka peṉké jákashtiniaiti” tímiayi.

Juaṉ 8:52

Nuiṉkia Israer shuar chicharainiak “Pai, yamaikia ti paant íwianch takakme. Aprajámsha ashí Yúsnan etserniusha jákaruiti tura Ame ‘Wi tájana nuna enentáimtaka peṉké jákashtiniaiti’ tátsumek.

Tur. 2:33

Yuska Jesus naṉkamantuiti tusa ni untsuurí̱ni̱ apujsaiti. Tura ni Wakaní̱n Jesusan súsaiti Ni yaunchu timia nútiksaṉ. Tuma asamtai ju̱sha átum antukurmena nuna tura íisurmena nunasha Yus suramsaiti.

Tur. 3:13

Atsá. Antsu Yuska ni Uchirí̱n Jesusan ashí naṉkamantu awajsaiti. Ii uuntri̱ Aprajámsha, Isaksha tura Jakupsha enentáimtin armia nú Yusan tajai. Átumka Jesus nakitrarum Piratuí̱ surukmarme. Tura Piratu akupkataj tau atumsha suritkiamarme.

Rum. 5:18

Ataṉ yajauch túramuja̱i̱ ashí tunaarintin ajasár jákarmiayi. Núnisaṉ Jesukrístu péṉker túramuja̱i̱ ashí shuar Yus “tunaarincha awajsámuitme” timia nuka yamaram iwiaakmaja̱i̱ tuke pujusártatui.

Rum. 5:8

Antsu ii tuke tunáa árini̱ṉ Kristu jarutramkamiaji. Nuja̱i̱ iin ti anenmajnia nuna ti paant iniakturmaji.

Rum. 8:3

Aya̱sh wakerutaiṉkia wi akupkámun enentáimtakui nuna naṉkaamas tunaan wakerumtikrimiayi. Tuma asamtai akupkámuka yáinkiachminiuyi. Antsu akupkámu tujintkiamia nuna Yus túraiti. Ni Uchirí̱n aya̱shtin awajás tunaan jarukat tusa akupkámiayi. Tura nuja̱i̱ aya̱sh tunáa wakeramun nupetkamiayi.

Rum. 8:32

Ni Uchirí̱ncha suritramkachmiaji antsu ashí iin jarutramkarat tusa akuptúrmakmiaji. Tura asa ni Uchirí̱ji̱a̱i̱ ashí ti shiira nuna suramsashtatjik.

2 Kur. 5:15

Kristu ashí shuaran jaruk nantarkimiayi. Tuma asamtai Krístunam iisha iwiaaku pujajnia ju̱i̱ iik wararmamtsuk Kristu umirkatniuitji.

2 Kur. 5:21

Krístuka peṉké tunaarinchauyayi. Túmanak íi tunaari̱n Yus Krístun makumiayi. Nuna tura Kristui̱ iikia makuchmin Yusa péṉkeri̱ ajasúk tusa túraiti.

Kar. 4:4

Tura tsawant jeamtai Yus ni Uchirí̱n akupkámiayi ju̱ nuṉkanam. Nisha Yúsaitiat nuwa̱nam akiiniamiayi. Tura aents ajasmiayi. Tura aents ajas yaunchu akupkámuncha umirkatniuyayi.

1 Tim. 2:6

Ashí shuara tunaari̱n akikmatkataj tusa jákatniunam Jesukrístu surumakmiayi. Tura tsawant jeamtai nu chicham ashí shuarnum etsernaktiniuyayi.

Isr. 1:9

Péṉkera nu anenaitme tura yajauchia nu muí̱jniuitme. YKan. 45:6-7 Tuma asakmin Yus, ame Yúsrum ame írutramuram ainia nuja̱i̱ naṉkaamas waratai̱ asuitiji̱a̱i̱ anaitiamkaiti.” Isa. 61:1,3

Isr. 10:5

Nu asamtai Kristu jú̱ nuṉkanam taa Yusan chicharuk “Taṉku maar sútai̱sha peṉké nakitrame. Antsu aya̱sh iwiaram surusuitme.

Isr. 11:5

Enuksha Yusan nekas enentáimtak iwiaakuk nayaimpiniam junakmiayi. Yus jukimiu asamtai wáinkiacharmiayi. Tura Yus Chichamnum aarma “Enuk júnatsuk Yusan ti shiir enentáimtikniuyayi” tawai.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Isr. 2:7

Warí aentstinkia nayaimpinmaya̱ suntarja̱i̱ imianchachⁱ awajsámiame. Túrayatam winchari̱ tura arantútairi̱ susamam nuja̱i̱ páantin awajsaitme.

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

Isr. 8:3

Ashí Yúsnan pujurniu uuntri̱ ainia nu, shuar Yúsnan susamuncha tura taṉku maar Yus sútai̱ncha Yusan ashí súsatin áiniawai. Núnisaṉ Jesukrístusha Yusan súsatniuiti.

1 Pit. 1:21

Niji̱a̱i̱ átumka Yus umiirume. Yuska Krístun jakamunmaya̱n iniantki̱ naṉkamantu awajsámiayi. Yus nekas enentáimtakrum aya péṉkernak túrawai titiarum tusa túraiti.

1 Jṉ. 2:2

Jesukrístu ii tunaari̱n asakártaj tusa jarutramkamiaji. Túrasha aya íiniunkechu antsu ashí shuara tunaari̱n asakártaj tusa jarukmiayi.

Apu. 19:12

Ni ji̱sha jiji̱a̱i̱ métek keearmai. Muuknumsha akuptai̱ tawaspan untsurí etseṉkrakuyi. Nui̱ ni naari̱ Yus Chicham áarmauyi. Túrasha tana nuna Niṉki takamtsuk nekaamai. Numpaja̱i̱ eṉkerman entsaruyi.

Apu. 5:9

Ju̱ yamaram kantancha kantampriarmai “Amek imiá naṉkaamas akupniuitme. Amek papí achikiam asakamu já̱a̱kminiaitme. Yus sutai namaṉkea áinis mantamna asam túramniaitme. Ashí nuṉkanmaya̱ shuarnumia̱sha Yusna árat tusam ame numpe̱mja̱i̱ iin sumakmiame.