Isr. 2:3 - Yus Papí: Shuarja̱i̱ Yus Yamaram Chicham Najanamu

³ Antsu ii Uuntri̱ Krístuka uwempratin chichaman emka itiamiayi. Tura imiá nekas tuíniak Nin anturkaru iin ujatmákarmaji. Tuma asamtai uwempratin chicham nakitiakrikia nuna naṉkaamas uwemtsuk asutniáttaji.

Isr. 2:3 Iomraidhean Croise

Isa. 12:2

Wats iistá, winia uwemtikriṉkia Yúsaiti. Aya Nin tuke enentáimta asan peṉké sapijmiakchattajai. Warí winia ikiakátniuka tura kantarka Uunt Yúschakait. Tura winia uwemtikrinkia Níṉkiti” turuttiatrume.

Mat. 23:33

“Napia ániuitrume. Shuar aya yajauch awajniuitrume. Túmatirmesha Yus yajauch túrin shuaran jinium akupkartatna nuyá̱ ¿itiurak uwempratarum?

Mat. 4:17

Nuyá̱ Jesus étseruk “Yajauch túrutairam nekas enentáiji̱a̱i̱ enentáimsarum iniaisarum iwiarnartarum. Nayaimpinmaya̱ akuptai̱ tsawant jeatémayi” tímiayi.

Mar. 1:14

Ukunam Juáṉkan sepunam eṉkeawarmatai Jesuska Kariréanam Yusa akupeamuri̱n pachis shiir chichaman etserki̱ támiayi.

Ruk. 1:2

Yámankamtaikniumia̱ṉ íisarmia nú shuar tura Yus Chichaman etserkatniun yaiṉkiarmia nusha iin unuitiamprarmia nútiksaraṉ áartinian wakeriarmiayi.

Ruk. 1:69

Yaunchu ii uuntri̱ Tawit Yusa wakeramuri̱ji̱a̱i̱ úunt akupin áchamkia. Tura ni úkuri̱n ti kakaram Uwemtikkiartinian suramsaitji.

Ruk. 24:19

Tutai Jesus chichaak “¿Warí urukait?” Tutai chichainiak “Enta, Nasarétnumia̱ Jesusa túrunamuri̱ taji. Nisha Yúsnan etserin asa Yusa kakarmari̱ji̱a̱i̱ chichasmiayi tura nuna kakarmari̱ji̱a̱i̱ takasmiayi. Núnaka ashí aents nékainiawai.

Juaṉ 15:27

Atumsha yaunchu Wiji̱a̱i̱ pujusu asarum chikitcha nékamtikiattarme” tímiayi.

Tur. 1:22

Juaṉ Jesusan imiaimia nú tsawantnumia̱ jukí̱ Jesus nayaimpiniam wemia nú tsawantan tímianu ejé tuke Niji̱a̱i̱ wekaimia nu atí. Nu shuar enentáimtusar chikichik achiktai. Iisha iruntrar Jesusa nantakmiari̱ etserkamí tusar túrami” tímiayi Pítiur.

Tur. 2:22

Tura Pítiur tuke chichaak “Israernumia̱ shuartiram, wi títiatjana nu antuktarum. Nasarétnumia̱ Jesusnan tajai. Nú Jesusan Yus shiir enentáimtawai. Yuska átum ti enentáimprarum ni kakarmari̱n paant nekaatarum tusa nú Jesusan ti ikiaká̱rmiayi. Tura Jesusja̱i̱ aentsti túrachminian átum íimmianum Yus túramiayi. Nuka ti paant nékarme.

Tur. 4:12

Tura chíkichja̱i̱ uwempratin peṉké atsawai. Ju̱ nuṉkanam ii chikicha naari̱ pachisar uwempratin atsaji. Jesuskete ii uwemtikrampratniun Yus suramsamiaj nu” tímiayi Pítiur.

Rum. 11:14

Nuna túrakun átum uwemprarmena núnisaṉ nisha, wí shuar ainia nu, nuna iisar uwemprarat tusan wakerajai.

Rum. 2:3

Amesha nuna túrin “imiá yajauchiti” táyatam amesha métek túrakminkia Yus sumamtikiattana nuyá̱ ¿itiurak uwemprattam?

1 Kur. 1:21

Aya ni nékamuja̱i̱ aents Yusan nekaacharmiayi. Núnisaṉ atí tusa Yus túramiayi timiá neka asa. Antsu ashí aentsun Yus ni chichame̱ja̱i̱ uwemtikratniun wakerimiayi. Chíkich “ántraiti” tuíniana nu chichamja̱i̱ṉᵏⁱ Yus Niin enentáimtuinia núnaka uwemtikratniun wakerak túramiayi.

1 Tis. 5:3

Ashí shuar “Pai, yamaikia ti nekas shiir péṉker pujuiniaji” tu matsatainiai̱ aya aneachma nuṉka mesertin tsawant jeattawai. Nuwa̱ ajamtin aya aneachma jatema áintsaṉ nékachmanum átatui. Túmakui̱ pisartin peṉké atsuttawai.

1 Tim. 1:15

Ju̱ chicham ti nekasaiti. Yajauch shuaran uwemtikrataj tusa Jesukrístu ju̱ nuṉkanam taramiayi. Nunasha ashí shuar nekaatin áiniawai. Tura wikia ashí shuarja̱i̱ naṉkaamas tunaan túriniaitjiai.

Tit. 2:11

Yus iin waitnentrama asa ashí aentstin uwemtikramprataj tusa wakerutmaji.

Isr. 1:1

Yáunchuka Yúsnan etserniuja̱i̱ chichas Yus ni enentáimmian ii úuntri̱n ujakmiayi. Tura untsurí nuṉkanmasha tura untsurí uwitincha niisháa niisháa chichas ujakmiayi.

Isr. 1:14

Antsu Yusa suntari̱ wakan áiniak ashí shuar uwemprartatna nuna yaiṉkiarat tusar Yus akupkámu áiniawai.

Isr. 1:2

Kame amúamu tsawantin pujajnia ju̱i̱ṉkia Ni Uchiri̱i̱ní̱ chichartamkaitji. Tura ashí írunna nunasha Niini̱ najanka asa Ni nérentin ajasti tusa Uchirí̱n ashí súsaiti.

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.

Isr. 4:1

Nu asamtai ii waya̱tin tsaṉkatkamu áyatar Yusja̱i̱ shiir pujustinnium páchitkiachu a̱i̱j tusar aneartiniaitji.

Isr. 4:11

Nu asamtai iisha Yusja̱i̱ shiir pujustinnium pachinkiacha̱i̱j tusar Yus shiir enentáimtusar kakaram ajastiniaitji. Israer shuar yaunchu Yus táman nakitrarua núnis ajaschatniuitji.

Isr. 5:9

Tura imiá peṉker awajnas nekas Uwemtikin ajasmiayi. Nin enentáimtuinia nuna uwemtikiar tuke iwiaaku apujsatnium nérentin ajasmiayi.

Isr. 9:28

Núnisaṉ Kristu chikichkí jákatniunam surumak untsurí shuara tunaari̱n asakáruiti. Tura atakka aents yajauch túrukarman asakártinian wantinkiashtatui. Antsu ni tátintri̱n nákainia nuna uwemtikrattsa wantinkiattawai.

1 Jṉ. 1:1

Ashí naṉkamamia nú yaunchu Yusa Uchirí̱ tuke pujuuyayi. Nusha iisha anturkaitji. Nekas ii ji̱ji̱a̱i̱ wáinkiaitji. Wáinkiarsha ii uwejé̱ja̱i̱sha antiṉkiuitji. Nisha Yusan ti paant awajeakᵘ Chícham tíminiaiti. Tura tuke iwiaaku átinia nérennuiti. Nuna áateajrume.

Jut. 1:17

Tura atumsha, aneamu yatsuru, ii Uuntri̱ Jesukrístu akatrámuri̱ yaunchu “aneartarum” tiármiania nusha enentáimtustarum.

Apu. 7:10

Ashí kakantar untsumainiak tiarmai “Ii Yusri̱ úunt akupin pujutai̱nium eketna au tura Muriksha imia Niṉki Uwemtikin áiniawai” tiarmai.