Isr. 2:2 - Yus Papí: Shuarja̱i̱ Yus Yamaram Chicham Najanamu

² Yaunchu nayaimpinmaya̱ suntar Muisaisan súsarmia nú akupkámu nekas uminkiatniuyayi. Shuar umitsuk yajauchin túramtai ti kakaram asutniáwarmiayi.

Isr. 2:2 Iomraidhean Croise

YKan. 68:17

Uunt Yuska Senainmaya̱ jiinkí̱ ni káruri̱ nekapmarar peṉké amukchamniaja̱i̱ Yus Shiir Awajtai̱ Je̱e̱n winiawai.

Wek. 11:33

Túrasha Israer shuarka yama yurumáttsa naṉkamainiai̱ Uunt Yus ti kajek untsurí aentsun suṉkuran akuptuk amukármiayi.

Wek. 16:49

Kame Kurái túramuja̱i̱ aents kaji̱ṉkiarmia nuya̱shá aentska jú̱ja̱i̱sha katurse mir siatisiántu jákarmiayi.

Wek. 21:6

Nuna tuíniakui Uunt Yuska najamin napin Israer shuaran akuptúrarmiayi. Tura nu napi esaim Israer shuarka untsurí kajinkiarmiayi.

Wek. 25:9

Tura nui̱ kajinkiarmia nusha mash irurmaka painti kuatru mir ármiayi.

Tur. 7:53

Tura Yusa suntari̱ nayaimpinmaya̱ Yusa Chichame̱n susamuitiatrum atumsha peṉké umikchamarme” tímiayi Estepaṉ.

Kar. 3:19

“¿Nuikia Yus urukamtai akupkámun susamia?” tíchaintmeash. Ayu, Aprajám wean Kristu táatsa̱i̱ṉ Yus timia nu uminkiachminiuyayi. Tuma asamtai ni táatsa̱i̱ṉ ashí yajauchin túrawarmia nu timiá yajauchiti tusa Yus akupkámun susamiayi. Tura Yusa suntari̱ ju̱ akupkámun ashí iwiarar Muisaisan susar akatrarmiayi Israer shuaran súsarti tusar.

Muis. 17:12

Tura antsu Uunt Yúsnan takarniun nuyá̱ sumamtikniu chichame̱n umirtsuk aya kájea nuka mantamnattawai. Nuní̱ túmakui̱ atumíin yajauch pampartaj tau emeṉkákar awajtiatrume.

Muis. 17:2

Nuyá̱ atumí nuṉke̱n pujustatrumna nui̱ tú peprunmaya̱ṉsha áishmaṉkesha nuwa̱ksha Uunt Yus aentsja̱i̱ chícham najanamu umitsuk Yus íimmianum Ni nakitiamun túrak,

Muis. 17:5

núwa̱itkiuisha áishmaṉkaitkiuisha nu tunaan túraka péprunmaya̱ṉka jí̱i̱krum arant jukirum kayaja̱i̱ tukurum mátniuitrume.

Muis. 27:26

‘Tura jú̱ akupkámu chichaman antukiat umíachuka yajauchiniam yumiṉkramu atí’ tuíniakui ashí aents aimiainiak ‘Núnisaṉ atí’ tiártatui.

Muis. 32:2

Wi jintíamuka yumi yáitmataik yuta áintsaiti. Kame chichamprusha yumi ju̱yu̱í̱ ajak arakan sa̱a̱kniasha sanamtikiana núnisaiti.

Isr. 1:1

Yáunchuka Yúsnan etserniuja̱i̱ chichas Yus ni enentáimmian ii úuntri̱n ujakmiayi. Tura untsurí nuṉkanmasha tura untsurí uwitincha niisháa niisháa chichas ujakmiayi.

Isr. 10:28

Shuar Muisais akupkámun umikchamtai tura jímiar shuar menaintiuksha etserkamtaikia waitnentsuk mátniuyayi.

Isr. 10:35

Tuma asarum yawe̱tsuk Yus tuke enentáimtusrum kakaram ajastarum. Túrakrum naṉkaamas sunaschatniuitiajtai tiirap.

Isr. 11:26

Nuja̱i̱ Krístun yajauch awajsarmia núnisaṉ nisha wáitsatniuyi. Túrasha ashí Ejiptu nuṉkanam péṉker irunmia núna naṉkaamas Yus nin ukunam tsaṉkatkata nuna shiir enentáimtusmiayi.

Isr. 11:6

Tura Yus nekas enentáimtachkumka ¿itiurak Ni shiir enentáimtiksatam? Nekas enentáimji̱a̱i̱ Yusan weantúktaj tusam wakerakmeka emka Yus iwiaakuiti tu enentáimpratniuitme. Nuya̱sha Wi Yusan imiá nekas e̱a̱kuiṉkia Yus winia yaintkiattawai, tu enentáimsatniuitme.

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.

2 Pit. 1:19

Tura núna naṉkaamas ti nekasa nu, Yúsnan etserin yaunchu etserkarmia nusha nékaji. Ju̱ étserma ju̱sha tsawant tsawa̱tsa̱i̱ṉ kiritniunam ji keak tsáapin awajeana áintsaṉ asamtai péṉker enentáimta asarum péṉker túrarme. Tura Kristu taa Yáṉkuam etsantea núnisaṉ atumí enentái̱n ashí paant awajsattawai. Tura nu tsawant jeatsa̱i̱ṉ nu étserma tuke péṉker enentáimtustarum.

Jut. 1:5

Yaunchu Uunt Yus Israer shuaran túramia nu nékarme. Nuna atak enentáimtikratjarme. Ejiptunmaya̱ júkiar Nin nekas enentáiji̱a̱i̱ enentáimtuscharuṉka Yus amukármiayi.