Isr. 2:18 - Yus Papí: Shuarja̱i̱ Yus Yamaram Chicham Najanamu

¹⁸ Tura imia niṉki waitsa asa tura íwianch nekapsamu asa yamaikia iisha wáitiakrincha tura íwianch nekapramkurnisha yaintmakminiaitji.

Isr. 2:18 Iomraidhean Croise

Ruk. 22:28

Winia itiurchatrun wáinmiaj nui̱ atumsha Wiji̱a̱i̱ tuke pujumarme.

Ruk. 22:53

Nuik Yusa Uunt Je̱e̱n tuke tsawant atumji̱a̱i̱ pujumaj nui̱ achirkachmarme. Túrasha átum kiritniumia̱ kakarmaja̱i̱ nupetkatin yamái tsawantin tsaṉkatkamuitrume” tímiayi Jesus.

Juaṉ 10:29

Winia Aparka murikiun surusuiti. Nisha ashí naṉkaamas kakaram asamtai ¿yaki Ni uwejé̱ya̱n atankit?

1 Kur. 10:13

Ame tunaanum útsutkamuitkiumka ju̱na wiki nekapeajai tu enentáimpraip. Ti útsutkamuitkiumnisha Yuska tuke iniaitsuk waitma asa ame katsuntrachminian tsaṉkatramkashtatui. Tuma asa nu tunaanum útsutkamunmaya̱ uwempratniun iniakturmastatui. Núja̱i̱ṉkia katsuntramin átatme.

Jir. 3:21

Ni taa ii yajauch aya̱shi̱n yapaji̱á ni aya̱shí̱ji̱a̱i̱ métek ti shiir awajsattawai. Ashí úunt akupin ajas nu kakarmaja̱i̱ túrutmattaji.

2 Tim. 1:12

Túruta asamtai ti wáitiajai. Túrasha Yusan nekas enentáimta asan natsaamatsjai. Imiá kakaram asa amuukatin tsawant jeatsa̱i̱ṉ ashí wínian susamaj nuna tí peṉker waitruktatui.

Isr. 5:2

Tura Yúsnan pujurniu uuntri̱ nisha shuar asa ni tujintiamun nékak shuar nékachuncha tura waak yujainia nunasha waitnentramniaiti.

2 Pit. 2:9

Tuma asa Yuska nin enentáimtus pujuinia núnaka nekapsamunmaya̱ tsawantai̱ aṉkant awajsatniun iwiaramniaiti. Túrasha yajauch shuarnaka nekapsatin tsawant jeakui tí asutniami tusa Yus yamaikikia nú aentsun akankámniaiti.

Jut. 1:24

Yus chikichkiti. Ti nékaiti. Iin uwemtikkiartin asa ni kakarmari̱ji̱a̱i̱ yaintmakminiaiti tunaanum iniarchatniun. Tuma asa tunaaja̱i̱ máatrachu awajtámas ni ti shíirmari̱n ejetamtatrume. Túrutma ti waramtikramsattarme. Ii Uuntri̱ Jesukrístu túrunamuja̱i̱ Yuska Niṉki shiir awajsatniuiti tura naṉkamantu enentáimtustiniaiti. Yáunchusha, yamaisha, tura tuke ashí akupin atí. Núkete.

Apu. 3:10

Katsuntrata tímiaj nu, shiir umirka asakmin Wisha tí wáitsatin ashí nuṉkanam átatna nuyá̱ uwemtikrattajme. Nu wáitsatniuja̱i̱ ashí nuṉkanmaya̱ shuar nekapnasartatui.Rum. 14:10; 2 Kur. 5:10