Isr. 2:17 - Yus Papí: Shuarja̱i̱ Yus Yamaram Chicham Najanamu

¹⁷ Túratin asa peṉké métek ni yáchi̱ya áinis ajasmiayi. Nuja̱i̱ iin tuke waitnentrampramniaitji. Tuma asa Yúsnan pujurniu uuntri̱ ajas Yusan tuke péṉker chichartamsamniaitji. Núnisaṉ murikiun maa Yus súsatniua áintsaṉ ni jakamuja̱i̱ ashí shuara tunaari̱n tsaṉkurniuiti.

Isr. 2:17 Iomraidhean Croise

Isa. 11:5

Kame Ni sumamtiktairi̱ṉkia entsarmari̱ya̱ núnis tura Ni umitiairi̱ṉkia kaki emenmamkari̱ya̱ núnis átatui.

Tan. 9:24

Áme shuarumka tura Yus akantúkma péprurmesha sataintia tumiṉ iwiarturmaiti. Nuja̱i̱ ashí tunáa tura yajauch túrutai̱sha amukáttawai. Núnisaṉ ashí tunáa túramuja̱i̱ métek akinkiartatui. Túrunamtai aya nekasa nuja̱i̱ métek túratin átatui. Núnisaṉ ímiaja̱i̱k wainkiamusha tura ukunam túrunatin etserkamusha uminkiattawai. Nuya̱ṉka Ti Shiir Tesamusha asuitiji̱a̱i̱ ukatnáktatui.

Riw. 14:18

Nuyá̱ asuiti ampiniar juáktana núnaka aents imiatkincha ajastatna nuna muuknum yakartatui. Ashí nu túramuja̱i̱ Yúsnan pujurin Yus nu aentsun suir enentáimtamun atsaṉkar aṉkant ajastaj tusa Uunt Yus íimmianum túratniuiti.

Riw. 16:16

Israer shuar imiatkímpra ajasmancha tura Yus wakeramun nakitrar tura ashí tunaan túramuja̱i̱ Ti Shiir Tesamunam imiatkímpra awajsaru ásarmatai Ti Shiir Tesamun imiatkincha awajsatniun waaka yamatskama numpe̱ja̱i̱ túrania nútiksaṉ chipiu numpe̱ja̱i̱sha ukatkatniuiti. Núnisaṉ Israer shuar imiatkímpra ajasáru matsatainia nuna ajapéri̱n Yus Shiir Awajtai̱ Je̱a̱sha pujá asa imiatkímpra ajasuíti. Tuma asamtai Yus suir enentáimtamun atsaṉkar aṉkant ajasat tusa waaka yamatskama numpe̱ja̱i̱ túrania nútiksaṉ chipiu numpe̱ja̱i̱sha ukatkatniuiti.

Rum. 15:17

Jesukrístu yaintiu asamtai Yusna takarsamaj nuna wararsamniaitjiai.

Rum. 5:10

Yusa nemasri̱ áyatar Yusa Uchirí̱ jakamuja̱i̱ yamaikia Yusja̱i̱ shiir nawamnaikiar pujaji. Nu arant nui̱kia Kristu tuke iwiaaku asa iiji̱a̱i̱ tsaniṉkiu asa ashí yajauchinmaya̱ uwemtikramar tuke shiir awajtámsattaji.

Ipi. 2:16

Núnisaṉ ámiayi. Kristu krúsnum jaka nemasja̱i̱ mai̱ apattamak chikichik awajtámas Yúsja̱i̱sha nawamnaimtikramkamiaji.

Kurs. 1:21

Atumsha nuik tunáa túrin asarum atumí enentái̱n Yusa nemasri̱ ámarme. Tuma asarum yajá wekaimiarme. Antsu Kristu, aentsu aya̱shí̱n aya̱shímiak, krúsnum wáitias jakamuja̱i̱ ii tunaarí̱ asakármatai yamaikia Yusja̱i̱ nawamnaikiar shiir pujaji. Nuja̱i̱ Kristu iin péṉker ajasuncha tunaan máatrachmancha tura sumamachuncha Yusai̱ ejetamtatji.

Isr. 10:21

Jesus Yúsnan pujurniu uuntri̱ asa ashí Yus shuartin wáitmak pujurtamji.

Isr. 2:11

Yusna atí tusa shiir awajsámuncha tura Kristu nin shiir awajea nunasha Yuska mái̱ metek ni Aparí̱nti. Nu asamtai Yusa Uchirí̱ nú shuaran “yatsur” títinian natsantatsui.

Isr. 2:14

Tura nu uchi aents ásarmatai núnisaṉ Jesussha aents ajasmiayi. Tura aents ajas jaka iwianchin jatai̱ nérenniuri̱n ashí emesramiayi.

Isr. 2:16

Maa, imiá nekasaiti, nayaimpinmaya̱ suntaran yáiṉtaj tusa táchamiayi. Antsu ashí Aprajám wean ashí Yus shuar ainia nuna yáiṉtajtsa támiayi.

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

Isr. 3:2

Nu atí tusa Yus anaikiamiayi. Túramtai Kristu nuna tí peṉker takasuiti. Núnisaṉ Muisais ashí Yusa aentsri̱n Israer shuar armia nuna ti shiir wainkiamiayi.

Isr. 3:5

Wats Muisais Israer shuaran wáiniuk Yusa Je̱e̱n takastinia áintsaṉ péṉker takarniuyayi. Tura ni takaak ukunam Yus títiatna nuna etserkatniuyayi.

Isr. 4:14

Jesus Yusa Uchirí̱ nekas Yúsnan pujurniu uuntri̱ ajas Yusai̱ wayá̱ íiniun chichartamji. Nu asamtai iniaitsuk tuke nekas enentáimtustiniaitji.

Isr. 4:15

Nisha iiji̱a̱i̱ métek ashí yajauchiji̱a̱i̱ nekapsamuiti. Túrasha yajauchin peṉké túrachmiayi. Tuma asa ii tujintiaj nuna paant nékak ii itiurchatri̱n waitnentramniuitji. Tura Yúsnan pujurniu uuntri̱ asamtai

Isr. 5:1

Tura Yúsnan pujurniu úuntri̱ṉkia shuar anaikiamuiti tura ni takatrí̱ jímiaraiti. Yusai̱ shuarnan chicharsatniuiti. Nuya̱sha Yus suíniamun súsatniuiti tura núnisaṉ taṉkun maa Yusan súsatniuiti shuara yajauchiri̱n asakátratniun.

Isr. 5:10

Túramtai Yus Nin Yúsnan pujurniu uuntri̱ Mirkisetékja̱i̱ métek awajsámiayi.

Isr. 5:2

Tura Yúsnan pujurniu uuntri̱ nisha shuar asa ni tujintiamun nékak shuar nékachuncha tura waak yujainia nunasha waitnentramniaiti.

Isr. 5:5

Núniskete Krístuja̱i̱. Nisha ni enentái̱ji̱a̱i̱ Yúsnan pujurniu uuntri̱ ajaschamiayi. Antsu Yus Nin anaik nuja̱i̱ shiir awajsámiayi. Tura tímiayi “Ame winia Uchiruitme. Túmaitkiui yamaikia winia kakarmarun átakeajme.” YKan. 2:7

Isr. 6:20

Jesussha emka Yusai̱ wayá̱ mash iwiarturmaji. Tura Mirkiseték amia núnisaṉ Nisha yamái tuke amuukashtinian Yúsnan pujurniu uuntri̱ ajasuíti.

Isr. 7:26

Tuma asa Jesus Yúsnan péṉker pujurniu uuntri̱ asa ii atsumajnia núkete nisha. Nisha ti shiir asa peṉké tunaarinchaiti. Ashí yajauchinmaya̱ kanakniuiti. Tura Yusja̱i̱ métek Uunt ajasuíti.

Isr. 7:28

Kame Muisais akupkámu chichamka peṉké shuarnak tuke péṉkercha ai̱ṉ Yúsnan pujurniu uuntri̱ ánaiyawai. Túrasha nuna ukunam yapaji̱áchmin chichaman Yus timia nuka Ni Uchirí̱n imiá peṉker awajsamua nuna Yúsnan pujurniu uuntri̱ tuke iniaitsuk anaikiaiti.

Isr. 8:1

Nekas ju̱na tájame, Yúsnan pujurniu uuntri̱ Jesus iin ti shiir yaintma asa akupin pujutai̱nium Yusa untsuurí̱ni̱ nayaimpiniam pujusuiti.

Isr. 8:3

Ashí Yúsnan pujurniu uuntri̱ ainia nu, shuar Yúsnan susamuncha tura taṉku maar Yus sútai̱ncha Yusan ashí súsatin áiniawai. Núnisaṉ Jesukrístusha Yusan súsatniuiti.

Isr. 9:11

Antsu Krístuka Yúsnan pujurniu uuntri̱ asa Yúsnan takastinian pujurniuiti. Yusa Uunt Je̱e̱n tí uuntan tura tí peṉkera nui̱ṉ waya̱iti. Nu je̱a̱ aents najanachmauyayi tura nuṉkaya̱ najanawarmia núja̱i̱sha naṉkaamas tí péṉkeraiti. Kame ju̱ nuṉkanmaya̱nchuiti.