Isr. 2:15 - Yus Papí: Shuarja̱i̱ Yus Yamaram Chicham Najanamu

¹⁵ Tura ti untsurí shuaran uwemtikrarmiayi. Nu shuar yaunchu jákatniun ashamainiak tuke wáitin ármiayi. Antsu ni jakamuja̱i̱ yamái aṉkant áiniawai.

Isr. 2:15 Iomraidhean Croise

YKan. 33:19

Tuma asa jatainmaya̱ ni wakaní̱n uwemtikrattsa tura tsukaisha iwiaakman susataj tusa túriniaiti.

YKan. 55:4

Winia enentái̱rka sapijmiak kurawai, sapijmiakun jakamnia enentáimjiai.

YKan. 56:13

Jákatniunmaya̱ tura tukumkatniunmaya̱sha winia iwiaakmarka aṉkant awajtúrsamame. Tura Yusja̱i̱ wekasat tusam iwiaakma tsáapniji̱a̱i̱ iwiaaku awajtúrsamame.

YKan. 73:19

¡Aya aneachmanum jú̱nik juákaru áiniawai! Tura tí sapijmiakaru ajasár amukaru armai.

YKan. 89:48

¿Ya aentsua tuke iwiaaku játsuksha pujustiniait? ¿Jaka matsamtainmaya̱ uwemtikrattamek? (Séraj)

Rum. 8:15

Yusa Wakaní̱ iin pujurtamkurin Yusa uchirí̱ ajasár sapijmiatsuk Yusai̱ weamkar “Aparu” tíminiaitji.

Rum. 8:21

Nu tsawantai̱ ashí Yus najanamu emesnartinniumia̱ uwemprartatui. Tura ashí Yus najanamuka shuar Yusa uchirí̱ ajasárua nuja̱i̱ métek shiir awajnásar aṉkant ajasártatui.

2 Kur. 1:10

Jakamnia itiurchatnumia̱ Yuska uwemtikrampramji. Tura yamaisha uwemtikrampratajtsa pujurtamji. Tura atumsha iin Yus áujkartakrumni̱ṉkia “Yuska tuke uwemtikramprattaji” taji. Tura untsurí shuar Yus aujsa asakrumin ii uwempra asakrin untsurí shuar Yusan yumiṉsartatui.

Kar. 4:21

Ayu, “akupkámu umirkatniuiti” támena nu nekaata. Akupkámuka jú̱nisaiti.

2 Tim. 1:7

Yuska sápij enentáin suramsachuitji. Antsu kakaram ajastinniasha anenaitniuncha tura iik íimiasar naka wekasatniun suramsaitji.

Isr. 2:16

Maa, imiá nekasaiti, nayaimpinmaya̱ suntaran yáiṉtaj tusa táchamiayi. Antsu ashí Aprajám wean ashí Yus shuar ainia nuna yáiṉtajtsa támiayi.