Isr. 2:10 - Yus Papí: Shuarja̱i̱ Yus Yamaram Chicham Najanamu

¹⁰ Ashí írunna nu Yus najankamu ásar ni wakeramun umiktin áiniawai. Kame Yus ashí ni uchirí̱sha ni shíirmari̱n pachinkiarat tusa wakerawai. Tuma asa Yuska Jesukrístun, nú shuaran Uwemtiknia asa, ni wáitsamuja̱i̱ nekas tí peṉker Uwemtikkiartin awajsámiayi.

Isr. 2:10 Iomraidhean Croise

Naṉ. 18:25

Kame yajauchi túrichu yajauchin túrinji̱a̱i̱ métek máchminiaitmena núnaka nekas nékajai. Tura péṉkera túrinia nu yajauchi túrinji̱a̱i̱ ¿métek sumamtikiamniakaitiam? Ashí nuṉkanmaya̱ aents Sumamtikin asam ¿péṉkera nu túrashtatmek?” tímiayi Aprajám.

Neka. 16:4

Uunt Yus ashí ni wakera nuja̱i̱ métek ashí uminkiati tusa najankaiti. Nu arantcha Nin enentáimtichu asutniátin tsawantcha jeartiniaiti.

Isa. 55:4

Nekaatarum. Niṉkia nekasaiti wisha wáinkiaitjiai tití tusan péprun apujtusuitjiai. Núnisaṉ uuntri̱ tura suntara uuntri̱ ati tusan ashí péprun apujtusuitjiai.

Ruk. 13:32

Tutai Jesus chichaak “Werirum nú ku̱jancham chicharkuram ‘Iistá. Yamaisha ishichik tsawantin iwianchin jí̱i̱kin akupkartatjai túran jaancha tsuárartatjai. Tura ukunam amuktatjai’ tawai titiarum.

Ruk. 2:14

“Nayaimpinmasha Yus naṉkamantuiti tu enentáimtusarti. Tura ju̱ nuṉkanmasha Yusja̱i̱ nawamnaikiaru ainia nusha aṉkant pujusárti.” Tu tiármiayi.

Ruk. 24:26

¿Yusa anaikiamuri̱, Kristu tutai, shiir awajnatsuk ti wáitsashtinkiait?” tímiayi.

Ruk. 24:46

Jintintiuk chichaak “Yusa anaikiamuri̱ Kristu tutai jaka menaintiú tsawantai̱ jakamunmaya̱ nantaktinia nu yáunchuk áarmauyayi. Tura Wi nú Krístuchukaitiaj.YKan. 22:1; Isa. 53:1-12; Use. 6:2

Juaṉ 11:52

Tura aya Israer shuarnakcha antsu níji̱a̱i̱sha ashí nuṉkanam Yus shuar ajasárun irurtajtsa jákatniuyi.

Juaṉ 19:30

Jesussha churuinian naje̱kaa “Ashí túrunatniua nu mash uminkiai” tímiayi. Nuna ti, muuke̱n nená jakamiayi.

Tur. 3:15

Túrarum iwiaaku átinian Amaana nu mámarme. Tuma ai̱ṉ Yuska Nin jakamunmaya̱ iniantkímiayi. Nuka iisha neka asar étsereaji.

Tur. 5:31

Yus ni kakarmari̱ji̱a̱i̱ Nin naṉkamantu awajsámiayi. Tura nekas Akupniuiti tusa ni untsuurí̱ni̱ apujsamiayi. Tura aentsun Uwemtikniuiti. Israer shuar enentái yapaji̱áwar tunaarí̱nia̱ uwemprarat tusa Yus túraiti.

Rum. 11:36

Ashí najanamu ainia nu Yus najanamu áiniak Niniu áiniawai. Tura Nin shiir awajsatin najanawarma áiniawai. Yus tuke iniaitsuk shiir awajnásti. Núnisaṉ atí.

Rum. 9:23

Tura Yus núnisaṉ ni winchari̱ tí peṉkera nuna tura tí nukap ana nunasha iniakmastinian wakerak waitnenkarturtinia nuna Ni yaunchu iwiararmai.

1 Kur. 2:7

Yaunchu ju̱ nuṉka atsa̱i̱ṉ Yus iin uwemtikrampratniun enentáimpramiayi ti shiir pujusármi tusa. Ju̱ Yusa enentáimmiari̱ yaunchu nekanachmiayi tura yamaikia nu nekaar áujmatji.

1 Kur. 8:6

Tura iikia nékaji aya chikichik Yus awai nusha ii Aparí̱nti. Ashí írunna nuna najanaiti tura ni wakera nuna umikiat tusa iin najatmamji. Ii Úuntri̱sha chikichkiti Jesukrístu. Níji̱a̱i̱ṉkia ashí najanamuiti. Tura iisha ni kakarmari̱ji̱a̱i̱ iwiaaku pujaji.

2 Kur. 3:18

Nu asamtai iisha ii yapi̱ tarachji̱a̱i̱ nukukchamu asar íspikia núnisketji. Uunt Kristu péṉkeri̱ iniakmaji. Kristu péṉkeri̱ nú nukap takaki̱ wéakur Krístuja̱i̱ métek ajastasa pujaji. Yusa Wakaní̱ṉkia nuna túrawai.

2 Kur. 4:17

Warí, ukunam tuke shiir pujustatjinia nu enentáimtakrikia, ju̱ nuṉkanam wáitiajnia nu, ti itiurchataitiat aya yamaiya̱ asa tiikia itiurchatchaiti tura wárik naṉkaamawai. Túrasha ii itiurchatri̱ji̱a̱i̱ Yuska ti shiir ana nuna amukachmin ana nunasha núkap suramsattaji.

2 Kur. 5:18

Nunasha Yus túraiti. Iin nawampramkattsa Krístun akuptúrmakuitji. Tura nu etserkatniun iincha ataktamsaitji.

2 Kur. 6:18

Tura atumí Aparí̱ átatjai, átumka winia uchir átatrume. Nuna Wi imiá kakaram uunt Yus asan tajai. Tu áarmaiti.2 Sam. 7:14; Jrm. 31:1,9

Kar. 3:26

Antsu Jesukrístu enentáimtusar nuja̱i̱ Yusa uchirí̱ úuntmaru ajasuitji.

Ipi. 2:7

Nuja̱i̱ Ni ti aneṉkratmari̱ncha tura Kristu túrunamuja̱i̱ waitnentrampramuncha nekapmarchamnia iniaṉnatsuk ukunma ímianaisha tuke Ni ti waitnenkartutairi̱nkia iin iniakturmasuiti.

Ipi. 3:10

Yamaikia ashí nayaimpiniam pujuinia nuka Yus ni shuari̱i̱n túrunamun iisar Yuska imiá neka asa ashí enentáimniua nuna paant nékainiawai.

Kurs. 3:4

Krístukete ii iwiaakmari̱. Ni nayaimpinmaya̱ wantinkiuisha atumsha Niji̱a̱i̱ métek wantinkiattarme.Apu. 19:11,14 Tura Niji̱a̱i̱ métek tí peṉker átatrume.

2 Tim. 2:10

Ashí shuar ni shuari̱ ártí tusa Yus achikiárua nuna yáiṉtajtsan ashí itiurchatan katsunteajai. Nuja̱i̱ Jesukrístuja̱i̱ tsaniṉkiaru ásar uwemprar tuke shiir pujusártatui Yusja̱i̱.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Isr. 6:20

Jesussha emka Yusai̱ wayá̱ mash iwiarturmaji. Tura Mirkiseték amia núnisaṉ Nisha yamái tuke amuukashtinian Yúsnan pujurniu uuntri̱ ajasuíti.

Isr. 7:26

Tuma asa Jesus Yúsnan péṉker pujurniu uuntri̱ asa ii atsumajnia núkete nisha. Nisha ti shiir asa peṉké tunaarinchaiti. Ashí yajauchinmaya̱ kanakniuiti. Tura Yusja̱i̱ métek Uunt ajasuíti.

Isr. 7:28

Kame Muisais akupkámu chichamka peṉké shuarnak tuke péṉkercha ai̱ṉ Yúsnan pujurniu uuntri̱ ánaiyawai. Túrasha nuna ukunam yapaji̱áchmin chichaman Yus timia nuka Ni Uchirí̱n imiá peṉker awajsamua nuna Yúsnan pujurniu uuntri̱ tuke iniaitsuk anaikiaiti.

1 Pit. 1:12

Tura ni pujuiniai̱ṉkia túrunashtinian antsu ti ukunam ii pujajnia ju̱i̱ túrunatniun Yus nekaamtikiamiayi. Núnaka Yusa shiir chichame̱n ujatmákarmia nú shuar nekaprutmarme. Nú shuar Yusa Wakaní̱ nayaimpinmaya̱ akupkámu ana nuna nekatairi̱ji̱a̱i̱ ujatmákurme. Maa, nu uwempratniun tájana nuna nayaimpinmaya̱ suntar nekaatai tusar wakeruiniawai túrasha tujintiainiawai.

1 Pit. 5:1

Yamaikia Yus shuara úuntri̱tirmin, jintintjiarme. Wisha núnisnak Yus shuara úuntri̱ntjiai. Kristu wáitsamuri̱n wisha wáinkiaitjiai. Tura ukunam ti shiir átatna nui̱ chíkich Yus shuara uuntri̱ya núnisnak wisha pachinkiattajai.

1 Pit. 5:10

Wats, ishichik tsawant wáitsarmena nu naṉkaamasmatai Yus ataksha péṉker awajtámsattarme. Tura numi wewe wajana núnisaṉ ikiakátmartatrume. Tura Yus ikiaká̱rma asarum ni jinti̱i̱n tuke péṉker wekasattarme. Ju̱ Yus tuke iin waitnentramtsujik. Tura iisha Jesukrístunu asakrin Niji̱a̱i̱ métek Yus ni shiir pujutai̱nium tuke shiir pujusmintrum tusa achirmákuitji.

Apu. 4:11

“Uuntá, ii Yúsri̱nme. Tuke shiir awajmáinme. Ashí naṉkaamas kakarmaitme. Amek ashí írunna nu najankaitme. Tura aya wakerakum najankamame. Ame wakerakmin irunainiawai” tuíniawai.

Apu. 7:9

Nuyá̱ ti untsurí shuaran wainkiamjai. Ashí nuṉkanmaya̱ nusháa shuaraim iruntraru ásar nekapmarchamnia armai. Tura nusha úunt akupin pujutai̱nium tura Muriknium naka wajaarmai. Tintiuki nuke̱a ániun takaku armai. Tura ashí pújun entsaru armai.