Isr. 13:9 - Yus Papí: Shuarja̱i̱ Yus Yamaram Chicham Najanamu

⁹ Chíkich chicham niisháa írunna nu anturkairap. Yus iin anenma asakrin kakaram ajasártai. Shuar niisháa yurumkaja̱i̱ enentái̱rui̱ kakaram ajastaj táyat peṉké yáiṉchaiti. Yurumeaj núja̱i̱nchu antsu Yusa aneṉkrattairi̱ji̱a̱i̱ ii enentái̱n kakaram ajasminiaitji.

Isr. 13:9 Iomraidhean Croise

YKan. 112:8

Kakaram enentáimin asa sapijmiachuiti. Tuma asa ni wakeramu ni nemasri̱ji̱a̱i̱ wáinmam nákastatui.

Mat. 24:24

Untsurí shuar Krístuitjiai tuinia nu wantinkiartatui. Untsurí ‘Yúsnan etserniuitjiai’ tiártatui. Tura shuaran anaṉkataj tusar aents tujintiamun iniakmasartatui. Tura ti kakarman túruiniak Yus shuarnasha anaṉkamin áiniakuiṉkia anaṉkawarainti.

Mat. 24:4

Tuíniakui Jesus chichaak “Aneartarum, anaṉkramawairap.

Ruk. 5:38

Tuma asamtai nijiamanch yamaram muítsnum yaraatniuiti. Nu túramka mái̱ metek péṉker ártiniaiti.

Tur. 20:30

Túrasha nemartusarat tusar wakeruiniak atumíinia̱ṉ wait chichaman unuikiartin wantinkiartatui.

Tur. 20:32

Pai, yamaikia yatsuru, Yus yainmakarti. Yusa aneṉkrattairi̱ nékaitrumna nú chichamsha kakarmaiti. Nú chicham átum katsua̱rar kakaram wekasatniun yaintmakarti. Kame nú chicham atumí enentái̱n pujakui Yus ni shuari̱n matsamsatniun anajmatramia nui̱ pachinkiattarme.

Rum. 14:17

Kame Yus umirkatin yurumátniuja̱i̱sha umartinji̱a̱i̱sha enentáimtuschatniuiti. Antsu Yusa Wakaní̱ji̱a̱i̱ shiir wekasar Yusja̱i̱ tura shuarja̱i̱ nawamnaikiar tí peṉker wekasatniuitji.

Rum. 14:2

Iis, chíkichka ashí yuámniaiti tuíniawai. Tura chikitcha Yúsnan awajirar namaṉ yúashtiniaiti tuíniawai.

Rum. 14:6

Chikichik tsawantan enentáimtakka Yusan shiir awajsatniun túrawai. Tura ashí métekrak enentáimtakka Yusan shiir awajsataj tusa túrawai. Yurumkaja̱i̱sha ashí yúana nu Yusan yumiṉkias shiir awajsataj tusa túrawai. Núnisaṉ ashí yúatsna nusha Yusan yumiṉkias shiir awajsataj tusa túrawai.

1 Kur. 6:13

Ju̱nasha tiniu áiniawai “Apatuk wakeja̱i̱nchu tura wake apatkuja̱i̱nchu mai̱ ántraiti.” Apatkuja̱i̱ wakesha nekas mái̱ metek enentáimpratin áiniawai tura Yus mái̱ metek amuktatui. Núnisaṉ ii aya̱shi̱ ii Uuntri̱ Krístunuiti tura Kristu ii aya̱shi̱ nérenniuiti. Tuma asamtai ii aya̱shí̱ji̱a̱i̱ tsanirmashtiniaiti.

1 Kur. 8:8

Wátsek, yuámuja̱i̱ Yus iin shiir enentáimtikrampratniun jeatsui. Yuarkia nuja̱i̱ péṉker áchattaji tura yúachrikia yajauch áchattaji.

2 Kur. 1:21

Atumniasha iincha ikiakátmajnia nu Yúsaiti. Krístunu ajasu asakrin túrutmaji. Tura anaitiamak Niniu awajtamji.

Kar. 6:1

Túrasha yatsuru, Yus shuar tunáa túrashtimpiash. Atumsha nekas Yusja̱i̱ wekaarumna nu, nu wáinkiurmeka yátsum Yusja̱i̱ iwiarat tusarum yaiṉtarum. Tura naṉkamantu enentáimtumatsuk túratarum. Tura amesha nekaamata. Tunaanum iniara̱i̱j tusam anearam wekasata.

Ipi. 4:14

Tura uchia núnisar áchattaji. Úchikia ashí yamaram chichaman antukar wari yapají̱i̱niawai. Tura anaṉkartinia chichame̱n antukar waaku áiniawai. Kame nu anaṉkartin shuar ti paant chichayataṉ ni shiir chichame̱ja̱i̱ anaṉkatniun pujurénawai.

Ipi. 5:6

Nu túramniaiti tusar ántar chichamja̱i̱ anaṉkramacharti. Warí, nuna túruiniakui Yusan umirainiachun Yus ti asutiáwartatui.

Kurs. 2:4

Atumín chíkich shuar niisháa chichamja̱i̱ shiir chichartamas anaṉkramawara̱i̱ṉ tusan nuna tájarme.

2 Tis. 2:17

Nu tuma asamtai péṉker chichastarum tura péṉker takastarum tusa Jesukrístuka shiir enentáimtikramar ikiakátmararti.

2 Tis. 2:2

Chíkich shuar anaṉkramawar “Uunt Jesukrístu tsawantri̱ jeayi” tu ujatmáktaj tusar wakeruiniawai. “Íimiarmaj nuja̱i̱ nékajai” turamainiakuisha “Chícham étserman antukmaj nuja̱i̱ nékajai” turamainiakuisha tura “Papru papí áarmari̱ nuna takui̱ nékajai” turamainiakuisha páchim enentáimprairap. Tura sapijmiakairap tusan seajrume.

1 Tim. 6:20

Timiutéu, ashí ame túratniua nu tuke enentáimturta. Jú̱ nuṉkanmaya̱ ántar chichainia nu anturkaip. Tura wáitruiniak “wi imiá nékajai” tuinia nusha anturkaip.

1 Jṉ. 4:1

Aneamu yatsuru, untsurí shuar wáitruiniak “wi Yúsnan etserniuitjiai” tuíniawai. Tuma asamtai ashí shuar “wi Yusa Wakaní̱n takakun chichaajai” tuinia nu péṉker nekaptsuk enentáimtusairap. Antsu íisrum nekas Yusa Wakanímpiashit tura chíkich wakaniashit nu nekaatarum.

Jut. 1:12

Átum nuamtak anenaitiai namper nájankurmin nu shuar chikichan enentáimtutsuk Yusnasha ashamtsuk imia niṉki enentáimtumainiawai. Peṉké ántar áiniak yumi kia̱r tee ajasua núnin áiniawai. Tura nase umpuim yútutsuk naṉkaamainiawai. Árak nerektin nantutin nerechua ánin áiniawai. Tuma ásar uwemu peṉké jaka ánin áiniawai.

Jut. 1:3

Aneamu yatsuru, iikia mái̱ metek Yus shuar asar ju̱ uwempratin chichaman áatratniun wakerukjarme. Túrasha ti yajauch shuar anaṉkramawar atumíin pachinkiarmai. Nisha “Yus ti anenkartin asamtai páchitsuk tunáa túramniaitji” tuíniawai. Nu arantcha Yus iin Akuptámniuncha tura ii Uuntri̱ Jesukrístuncha nakitín áiniawai. Nu asamtai nu shuaran “yaunchu sumamawaruiti” tímiayi Yus. Tuma asamtai tájarme “Tuke Yus chicham yapaji̱áshtinian ashí Yus shuar akasmatkarat tusar susamuiti. Wátsek, kakaram ajastarum” tájarme.