Isr. 13:8 - Yus Papí: Shuarja̱i̱ Yus Yamaram Chicham Najanamu

⁸ Jesukrístuka tuke yapají̱tsuk nuikiya núnisaṉ yamaisha tura ukunmasha tuke núnisaṉ átatui.

Isr. 13:8 Iomraidhean Croise

Naṉ. 21:33

Waketkiarmatai Pirshiwianam Aprajámka tamarísku numin araamiayi. Tura nui̱ Tuke Pujú Uunt Yusa náari̱n pachis shiir awajsámiayi.

YKan. 103:17

Tura Nin ashamainiak umirainia núnaka yáunchuya̱sha ukunmasha tuke iniaṉnatsuk Uunt Yus waitnentainiawai. Kame uchirí̱ncha tura tiraṉkí̱ncha ashí yáiniak nekasa nuna túrattawai.

YKan. 90:2

Náintiash najana apujtsuk nuṉkasha tura ashí nui̱ irunainia nusha najantsuk yama náṉkamtaikniumia̱sha yáunchusha yamaisha tuke pujú Yúsaitme. Isa. 41:4; Apu. 1:11; 22:13

YKan. 90:4

Kame mir uwikia Ámiji̱a̱i̱ṉkia tsawant yau naṉkaamasma núnisaiti. Tura nuna arant kashi ishichik ura iistá tusar apujsamu tsawantri̱ wárik naṉkaama núniniaiti. 2 Pit. 3:8

Jiin. 3:14

Tutai Yus Muisaisan aya̱k “WIKIA WÍKITIAJ NUITJIAI. Tuma asamtai Israer shuar ininmainiakuisha ‘WIKIA WÍKITJIAI’ tumamna nu akuptúkai tiartá” tímiayi.

Isa. 41:4

¿Yaki najanait tura yaki jítikiama? ¿Tura yámankamtaikniumia̱sha aentsnasha yaki untsúa? ‘Wi Jiuwá émkaitjiai núnisnak ukunam ártatna núja̱i̱sha Wíkitjiai.’” Apu. 1:11; 22:13

Isa. 44:6

Uunt Yus Israera úunt akupniuri̱ tura ni Uwemtikin Ashí Akupin Uunt Yus jú̱nis chichaak “Witjiai Émkanka tura Náṉkatkancha. Kame chíkich Yuska atsawai aya Wíkitjiai.

Mks. 3:6

“¡Wikia Uunt Yus asan yapajchaitjiai! ¡Maa tuma asamtai átumka Jakupa uchiri̱yá amukchamuitrume!

2 Kur. 1:19

Wisha Serpanuja̱i̱ Timiutéuja̱i̱ Yusa Uchirí̱ Jesukrístunun ujakmajrume. Nisha jú̱ chichamaik “Ee, atsá” tíchaiti. Antsu ni tana nuna tuke umíawai.

2 Kur. 1:20

Níji̱a̱i̱sha Yus tana nu tímiatrusaṉ uminiui. Tuma asamtai Jesukrístu enentáimtakur “ni tana nuna nekas túrattawai” tu enentáimji. Tu enentáimsar Yusa naari̱ shiir awajeaji.

Isr. 1:12

Tura ipijram ikiustatme. Pushiya áintsam yapaji̱áttame. Túrasha Ámeka núnismek átatme. Játsuk tuke pujuttame.” YKan. 102:25-27

San. 1:17

Ashí péṉker ana nu, ashí shiir ana nusha nayaimpinmaya̱ Yusak amasuiti. Yus ashí tsáapninia nuna najanaiti. Tura Nin kiritin atsa̱i̱ṉ yapají̱tsuk tuke tsáapniti.

Apu. 1:11

Tura chichaak “Witjiai Émkanka tura Náṉkatkancha Wíkitjiai. Yáunchusha tuke pujuyajai. Núnisnak yamaisha tuke pujajai. Tuma asamtai wáinmena ju̱, papinium áaram Ásianam siati péprunam Yus shuar írunna nui̱ akuptúkarta. Jú̱ peprunam akupkarta, Ipisiusha, Ismirnasha, Pírkamusha, Tiatirasha, Sártissha, Piratírpiasha tura Rautiséasha” turutmiai.

Apu. 1:4

Wi Juaṉ, Ásianam siati péprunam Yus shuar írunun ju̱ papin áateajai. Yus anenma asa aṉkant shiir pujustinian yaintmakarti. Nu Yus tuke yaunchu pujuyayi. Núnisaṉ yamaisha pujawai. Tura nuke winittiawai. Akupin pujutai̱nium Yusa Wakaní̱ siati naka pujurainia nusha shiir yaintmakarti.

Apu. 1:8

Witjiai Émkanka tura Náṉkatkancha Wíkitjiai tawai ii Uuntri Yus. Kame yáunchusha tuke pujuyajai tura yamaisha tuke pujajai núnisaṉ Ashí Tujintkiachu ukunam winittiana nusha Wíkitjiai.