Isr. 13:5 - Yus Papí: Shuarja̱i̱ Yus Yamaram Chicham Najanamu

⁵ Aya kuítiak enentáimtusam pujusaip. Yuska “kanakchattajai tura peṉké ikiukchattajme” túramui.Muis. 31:6; Jus. 1:5 Tuma asamtai ame takakmena nuja̱i̱ shiir enentáimsam “máakete” titiá.

Isr. 13:5 Iomraidhean Croise

Naṉ. 28:15

Nekaata, ámiji̱a̱i̱ṉkia Wi pujajai. Tui̱ wétatam nui̱sha ámiji̱a̱i̱ tuke pujustatjai. Wi tájamna jú̱naka umirtsukka iniaisashtatjame. Antsu ataksha ju̱i̱ nuṉkemíni̱ṉ awaiṉkittiajme” Uunt Yus Jakupan mesekranam tímiayi.

Naṉ. 30:31

Takui̱ Rapancha “Enta, ¿urutmá akirkai tusamea wakeram?” tutai Jakup aya̱k “Kame kuítniaka enentáimtatsjai. Antsu títiatjamna nu anturtuktatkumni̱ṉkia murikrumin tuke wáitkiaintjiame.

Naṉ. 31:5

Nui̱ Jakup ni nua̱rí̱ táarmatai chicharainiak “Yamaikia atumí aparí̱ yaunchu winia ti shiir awajtiniuya nútikratsui. Tuma ai̱ṉ winia aparu Yusri̱nkia winí̱ tuke pujuwiti.

1 Akup. 6:13

Núnisnak Wikia Israer shuarnum tuke pujuttajai. Tuma asan peṉké ikiukchartatjai” tímiayi Uunt Yus.

1 Akup. 8:57

Uunt Yus ii Yusri̱ ii we̱a̱trí̱n wáinkiarmia núnisaṉ iincha peṉké ikiurmatsuk waitmaktai.

YKan. 10:3

Warí yajauch aentska aya ni túratniun wakerana nuna naṉkamantu enentáimtuiniawai. Núnisaṉ núkap takustinian wakeruinia nusha Úunt Yusnaka nakitiáiniak yajauch chicharainiawai.

YKan. 119:36

Yusru, winia enentái̱rka ame jintíamurmiini̱ enentáimtikrurta túrasha kuit waitruar achikma núja̱i̱nchu.

YKan. 37:25

Natsa ámajai túrasha yamaikia weamprájai antsu Yusan enentáimtin ainia nuna ajapa iniaisámun wáinkiachuitjiai. Núnisan ní shuari̱sha yurumkan surusat tusa uwejé̱n iniakmá wekaanka wáinkiachuitjiai.

YKan. 37:28

Warí Jiuwaka naka wekaana núnaka anenaiti. Tura niniu péṉker ainia núnaka ajapanka iniaisashtatui. Niṉkia tuke péṉker apujsa wainkiamu ártatui. Antsu Yusan enentáimtichu wea ainia nuka emesnakartatui.

Jiin. 2:21

Kame Muisaiska Reuer je̱e̱n untsukam jeá nui̱ pujusmiayi. Tura Reuersha ni nawantri̱n Sépuran Muisaisan susamiayi.

Jiin. 20:17

Ame írutramurmi je̱e̱n nuwe̱sha, iniatairi̱ áishmaṉ tura nuwa̱sha waakari̱sha kawairi̱sha ni warirí̱ ashí irunainia nusha peṉké wakerutkaip” tímiayi Yus.

Neka. 23:4

Kuítrintin ajastaj tusam ti takakmasaip. Tu enentáimsatniuka iniaisam naka enentáimin atá.

Isa. 41:10

Sapijmiakaip. Warí Wi ámiji̱a̱i̱ pujajai. Ashamkaip. Warí Wikia ame Yúsrumetjai. Tuma asan tuke yáiṉtatjame núnisnak Winia kakarmarja̱i̱ ikiaká̱rtatjame. Tura winia náka túrutair untsuuruja̱i̱ péṉker apujsattajme’ tímiayi.

Isa. 41:17

Kuítrincha tura atsumainia nu ni iniái̱ ju̱ju̱ptin ajasármatai kitiakén entsan atsumainiak e̱a̱iniawai túrasha atsawai. Wi Jiuwá asan susattajme, Wi Israera Yusri̱ asan ajapa iniaisashtatjame.

Jrm. 6:13

Kame uchiimiak uunt áiniana nusha waitruar aya kuit achiktinniak wakeruiniawai. Núnisaṉ Yúsnan etserniuimiak Yúsnan takarniusha anaṉmainiawai.

Mat. 6:19

Ju̱ nuṉkanmaya̱ wariṉsha núkap ikiauṉkatin enentáimtusairap. Warí ju̱i̱ṉkia mash mamúatsuk tura ka̱ya̱sha ju̱yu̱mchakait núnisaṉ kasasha wayá̱ kasamtsuk.

Mat. 6:25

Tuma asamtai tájarme, wariniak yuátaj wariniak umartaj tura wariniak entsartaj tusarum nuke enentáimsairap. Yus iwiaaku átinian amasu asa yurumkancha amaschamniakait. Tura ju̱ aya̱shniasha najana asa entsatáincha amaschamniakait.

Mat. 6:34

Kashin átatna nuja̱i̱ itiurchat enentáimsairap. Kashinkia nusháa itiurchatri̱ji̱a̱i̱ tsawa̱rchattawak. Yamái tsawanta ju̱ja̱i̱ máakchakait.

Mar. 7:22

kasamkatniusha, chikichna wakeruktincha, péṉkercha túratniusha, anaṉkatniusha, natsantain átincha, yajauch enentáimtustincha, tsanumpratniusha, waantu enentáimtumastincha, netse túratniusha, ashí nuka initia̱ wininiatsuk.

Ruk. 3:14

núnisaṉ suntarsha aniasarmiayi “Uuntá, ¿iisha warí itiurkatjik?” tuíniakui Juaṉsha chichaak “Ame kakarmarmiji̱a̱i̱ chikichnia atankirap tura tsanumprurairap. Núnisrumek úunt akupin akirmana núja̱i̱ṉ warastarum” tímiayi.

Ruk. 8:14

Jaṉkiniam iniaaru tana nuka tuke enentáiji̱a̱i̱ umíatsna nuna nakumui. Nu shuarsha ántuiniawai túrasha ni wakeramuri̱ji̱a̱i̱ wekainiawai. Ju̱ nuṉkanmaṉ ana nuna tí pachiniakui tura kuítian ti wakeruiniakui, warastinniak enentáimtuiniakui Yus Chicham ni enentái̱n takaatsui. Nuja̱i̱ kaṉkarma ásar nerektinian tujintiainiawai.

Rum. 1:29

Nu shuar ti tunaaja̱i̱ piaku áiniawai. Tsanirmausha aya kuítniak wakerincha tura yajauch awajin áiniawai. Nu arantcha awakmakun kajerniusha maṉkartincha tuke mánaincha anaṉkartincha péṉkercha awajkartincha, tsanumniusha áiniawai.

1 Kur. 5:11

Antsu wi tájana nu ju̱i̱ti, shuar “Yus shuaraitjiai” tákunka tura tunáa túriniaitkuiṉkia niji̱a̱i̱ íischatniuitrume. Tsanirmasha, kuítian ikiauwincha, ántar yusan tikishmátniusha, tsanumniusha, nampencha, kasasha “Yus shuaraitjiai” tákuiṉkia íischatniuitrume. Tura peṉké niji̱a̱i̱ yurumáshtiniaitrume.

1 Kur. 6:10

kasasha, ashí kuítian ikiauwincha, nampencha, tsanumniusha, yajauch chichainia nusha, chíkich shuaran anaṉkawar atantin ainia nusha Yus akupeamunma nuí̱ peṉké waya̱shtin áiniawai.

2 Kur. 4:9

Aents pataaturmainiakrincha Yus ikiurmatsji. Emesrataj tukamá tujintiainiawai.

Ipi. 5:3

Yusna asarum tsanirmatniusha yajauch túratniusha tura jú̱ nuṉkanmaya̱ṉ ikiauṉkatniusha ishichkisha enentáimtuschatniuitrume.

Ipi. 5:5

Shuar chíkich nuwa̱ja̱i̱ tsanirmakka tura ashí yajauchin wakerakka tura jú̱ nuṉkanmaya̱ṉ ikiauṉkatniun wakerakka Yusai̱ Kristu akupea nui̱ peṉké pachinkiachminiaiti. Kame ju̱ nuṉkanmaya̱ṉ ikiauṉkatin najankamu yus tikishmátratniua nuja̱i̱ métekete.

Muis. 31:6

Tura atumí Úunt Yusri̱ji̱a̱i̱ tuke kakaram ajastarum. Núnisaṉ mániakrum sapijmiakairap. Warí Uunt Yus atumí Yusri̱ atumji̱a̱i̱ pujuttawai. Tura atumniakka peṉké ikiurmakchattarme” tímiayi.

Muis. 31:8

Tura Uunt Yus amiiya̱ eem wea asamtai sapijmiakaip. Niṉkia ámiji̱a̱i̱ pujuttawai. Ayamprutmatsuk aminkikia ikiurmakchattawai. Sapijmiakum kaka̱rchaip.” Muisais Jusuin tu ikiaká̱rmiayi.

Muis. 4:31

Kame Uunt Yus atumí Yusri̱ṉkia ti waitnenkartiniaiti. Tuma asa ajapa iniaitiámsashtatrume. Núnisaṉ máshikia amutmakchattarme. Antsu atumí úuntri̱ji̱a̱i̱ nekas tajai tusa yaunchu chichaman najanamia nuna enentáimturtatui.

Kurs. 3:5

Tuma asamtai ju̱ nuṉkanmaya̱ ana nu ajakratniua áintsarum iniaisatarum. Tsanirmatniusha, tunáa wakeruktincha tura takakna nuja̱i̱ naṉkaamas wakeruktincha ántar yus tikishmátratniua áintsaṉ asamtai iniaisatarum.

1 Tim. 3:3

Nampechusha tura suir enentáimtichusha átiniaiti. Aya kuítian ikiauṉkatniun enentáimtuschatniuiti. Antsu tsaṉka átiniaiti. Kajechusha átiniaiti. Chikichnancha wakerutkashtiniaiti.

Jus. 1:5

Tura ame iwiaaku pujuttamna nui̱ṉkia peṉké nupettamkachartatui. Wi Muisaisan pujurmiaj núnisnak amincha pujursattajme. Peṉké ikiukchattajme tura peṉkesha iniaisashtatjame.

Jus. 7:21

Jirikiúnam ashí amuktin timian Papirúnianmaya̱ tarachin tí peṉkeran tura tusiantu kuítniasha núnisnak kuri seṉkuintia kuit jean ti wakerukan jukimjiai. Tura itian winia je̱a̱ru wáamtakri̱n ú̱kmajai nuyá̱ kuítniasha nui̱ṉ ipiuknámjai” tímiayi.

2 Pit. 2:14

Nuwa̱n wakerutskeka íiniatsui. Tunaan yawe̱tainiatsui. Yúpichuch ainia nú shuaran netse túratniun wakerumtikiainiawai. Kuítian wakeruktinniasha ti nékainiawai. Jákatniunam sumamawaru áiniawai.

2 Pit. 2:3

Kuítian ti wakeruinia ásar wait chichaman unuitiamprar akíam kuítriniawartatui. Tura nú shuar yaunchu Yus jákatniunam sumamtikiawarma ásar ni amuukatin tsawantri̱ jeatémayi.

Jut. 1:11

Maa, aneararti. Kain yajauchin túramia núnis tura ásar jákartatui. Tura Paraama áinis kuítian ti wakeruiniak imia niṉki tunaanum tsaṉkamakaru áiniawai. Tura Kurái áinis ashí akupniun nakitín áiniak kajinkiartatui.

1 Sam. 10:7

Nu túrunamtainkia ame enentáimsam túramnia nu túrata. Warí Yus yaintmaktatui.

1 Sam. 12:22

Warí Uunt Yuska ni naari̱ uunt asamtai ní shuari̱nkia ajapanka ikiukchattawai. Warí Ni shuar awajsatniun Niṉkia wakerukuiti.