Isr. 13:4 - Yus Papí: Shuarja̱i̱ Yus Yamaram Chicham Najanamu

⁴ Nuatnaikiatin péṉkeraiti. Shuar ni nuwe̱ja̱i̱ tsaniṉ pujustin péṉkeraiti. Tura nuatkamu ainia nusha chikichan e̱a̱kchatniuiti. Tsanirmana núnaka Yus asutiáttawai.

Isr. 13:4 Iomraidhean Croise

Naṉ. 2:21

Tuma asamtai Uunt Yus Ataṉkan ti ikiantramiayi. Tura kanarmatai ni pae̱n ukunchín jurus wárik ichimiámiayi.

Naṉ. 2:24

Wats Yus nuna tura asamtai áishmaṉsha ni aparí̱ya̱ nukurí̱ya̱sha kanakí̱ ni nuwe̱ja̱i̱ṉ tsaniṉ pujustiniaiti. Jímiaraitiat chikichík aya̱shtinia áintsaṉ ajasártiniaiti.

2 Akup. 22:14

Nu tutai Yúsnan pujurin Irkías tura Ajikiam, Ákpur, Sapan nuyá̱ Asayás nuwa̱ Urta Yúsnan etserin pujamunam wéarmiayi. Nú nuwa̱ka Saruma nua̱ri̱nti. Nisha núnisaṉ Tikpa uchirí̱nti tura Jarjasa tiraṉki̱nti. Jarjassha Yusa Je̱e̱n iwiarmamtai pushí ikiutai̱ wáinin apujsamuyayi. Nu nuwa̱sha Jerusaréṉnum atak tesamunam pujan jeariar áujsarmiayi.

Isa. 8:3

Nuwa̱ Yúsnan etserin nua̱r ajasmai. Niji̱a̱i̱ tsaniṉkian ajaprumtikian uchin takumtiksamjai. Túramtai Uunt Yus chichartak “Majer-sharar-jásh-pas anaikiata” turutmiai.

Riw. 18:20

Núnismek ame yatsumi nuwe̱ja̱i̱ tsanirmawaip, nu túrakmeka ame iwiaakmaram yajauch awajsattame.

Mks. 3:5

Nuya̱ṉka atumíin jean sumamtikiattajrume. Túrakun wawekratniunka núnisaṉ tsanirmancha tura anaṉkartuattsa Yussha irui nekas umiktatjai tiniu ainia nunasha núnisnak takarin áinian nuyá̱ waje̱ncha áitkiasnak mitiaikian waitkia ainia nunasha nu arantcha iraran yajauch awajin ainia nunasha Wíniaka ashamprutsuk nuna túrawaru ásarmatai Wisha nekasaiti tusan wárik makuraran ashí sumamtikiawartatjai” tawai Ashí Akupin Uunt Yus.

1 Kur. 6:18

Tuma asamtai tsanirmatniunmaya̱ yájaya̱ṉ wainkiarum pisartarum. Chíkich tunáa írunna nu ii aya̱shí̱nkia ti yajauch awajeatsui. Túrasha shuar tsanirmakka ní aya̱shi̱niak yajauch awajeawai.

1 Kur. 6:9

Tunáa túrinkia Yus akupeamunam pachinkiachmin ainia nu nékatsrumek. Anaṉnawairap. Ashí tsanirma nusha najankamu yusan tikishmátniusha, nuamtak áishmaṉja̱i̱ tsanirmasha,

1 Kur. 7:38

Tuma asamtai nuatmamtikiaṉka péṉker túrayi tura apujsaṉka nu naṉkaamas péṉker túrayi.

1 Kur. 9:5

Tura Pítrusha, Jesusa yachi̱sha tura chíkich akatrámusha irainiak ni nuwe̱n Yus shuar ainia nuna jukimnia áiniawai. Wisha núnisnak túramniaitjiai.

2 Kur. 5:10

Warí, ju̱ aya̱shji̱a̱i̱ ii túramajnia nu ujakam “péṉkeraiti,” “yajauchiti” Kristu turutit tusar ashí iisha Uunt Kristui̱ jeatniuitji. Tura ii túramuja̱i̱ métek akirmáktatji.Rum. 14:10; Ipi. 6:8; Apu. 22:12

Kar. 5:19

Wats, aya̱sh túramu ti paant áiniawai. Ju̱ áiniawai, tsanirmatin, wapik túratin, yajauch túratin,

Kar. 5:21

yajauch enentáimtunaistin, maṉkartuatin, nampektin, nampernum aya tí yurumin tura tí nampen átin. Chíkich nuja̱i̱ métek áiniawai. Nuik ujakmajrumna núnisnak ataksha tájarme. Shuar nuna túrakka Yusai̱ pujustinian peṉké tujintkiattawai.

Ipi. 5:5

Shuar chíkich nuwa̱ja̱i̱ tsanirmakka tura ashí yajauchin wakerakka tura jú̱ nuṉkanmaya̱ṉ ikiauṉkatniun wakerakka Yusai̱ Kristu akupea nui̱ peṉké pachinkiachminiaiti. Kame ju̱ nuṉkanmaya̱ṉ ikiauṉkatin najankamu yus tikishmátratniua nuja̱i̱ métekete.

Muis. 22:22

Núnisaṉ áishmaṉ nuwa̱ nuatkamuja̱i̱ tsaniṉ tepá achintkiámtaiṉkia mai̱ mátniuitrume. Nu túrakrumni̱ṉkia Israer shuarnum tunáa pampaṉki̱ wéchattawai.

1 Tis. 4:6

Nú arant amesha ame yátsum anaṉkam ni nua̱rí̱ yajauch awajtúsaip. Nu túrakrumni̱ṉkia ii tímiajrumna nútiksaṉ Uunt Yus ti kakaram asutiámawartatui.

1 Tim. 3:12

Yus shuaran yainkia nuwa̱n apatkachu tura ni uchirí̱ncha ní shuari̱ncha ashí shiir umimtikin ártiniaiti.

1 Tim. 3:2

Tura Yus shuara uuntri̱ ajastinian wakerakka chíkich shuar nin yajauch áujmattsachmin átiniaiti. Nuwá̱ apatka áchatniuiti. Nisha péṉker esetar enentáimin naka wekasatniuiti. Iraran ni je̱e̱n ti shiir itiaatniuiti. Péṉker jintinkratin átiniaiti.

1 Tim. 3:4

Ní shuari̱n shiir akupeakui ni uchirí̱sha umin tura shiir awajkartin ártiniaiti.

1 Tim. 4:3

Nu aents nuatnaikiatniun suritiainiawai. Núnisaṉ chíkich chíkich yurumak yúatniuncha suritiainiawai. Warí, Yus ashí yurumkan najana asamtai Yus shuar nekas chichaman nékainia ásar Yusan yumiṉsar páchitsuk yuámin áiniawai.

1 Tim. 5:14

Nu asamtai waje̱ úchipiak ainia nuka niniurtukar uchin takusarti. Tura nuwa̱ nuatkamu takastinia nuna túrawarti. Tura ni túrunamuri̱ji̱a̱i̱ iin kajertamainiaj nú shuar yajauch enentáimturmarcharti.

Tit. 1:6

Yus shuara úuntri̱ṉkia warinmaṉsha makuchmin tí peṉker tura chikichík nuwe̱ntin átiniaiti. Núnisaṉ uchirí̱sha ní wakeramunak túrichu tura aya níniunak enentáimtichu antsu Yusan enentáimtin ártiniaiti.

Isr. 12:16

Núnisaṉ atumín tsanirmatniua núnis Yusna nuna nakitratniun Isaka uchirí̱ Esaú enentáimturmia nuja̱i̱ métek atsutí. Kame iwia̱i̱ri̱ asa núkap sunastinia nuna ántraiti tu enentáimias ishichik yurumkaja̱i̱ yapaji̱á surukmiayi.

Apu. 22:15

Tura antsu Yusan enentáimtachuka, wawekratniuka, tsanirmatan pujurainia nuka, maṉkartinkia, najankamu yusan tikishmátniuka tura ashí shuar wáitian wararainiak tuke túrin ainia nuka a̱a̱ matsatainiak peṉké waya̱chmin áiniawai.