Isr. 13:3 - Yus Papí: Shuarja̱i̱ Yus Yamaram Chicham Najanamu

³ Sepunam pujuinia nusha atumsha niji̱a̱i̱ pujá núnisrumek waitnentrarta. Wáitkiasarma nusha wisha núnisnak wáitsamniapitjia tusarum waitnentratarum.

Isr. 13:3 Iomraidhean Croise

Naṉ. 40:23

Kame wíniun sukartinia úuntri̱ṉkia ti shiir pujayat Jusenka enentáimtutsuk peṉké kajinmatkimiayi.

Mat. 25:36

Pushir atsai̱sha átumka surusmiarme. Jaa tepai̱sha iiraimiarme. Sepunam eṉketai̱sha tarum iiraimiarme’ títiatui.

Mat. 25:43

Wait ajá wekai̱sha ikiatrachmarme. Pushirun imiamprai̱sha entsartin suruschamarme. Jaa tepai̱sha tura sepunam eṉketai̱sha íiraichmarme’ tiártatui.

Tur. 24:23

Tura nuyá̱ suntara úuntri̱n chichaak “Ju̱ Pápruka tuke emetnati. Tura ishichkikia aṉkant apujsatarum. Tura nuyá̱ ni amikri̱ taa yáiṉtaj takui̱ suritkiairap” tímiayi.

Tur. 27:3

Nui̱ eṉkemprar kashin tsawa̱rar Setun péprunam jeamiaji. Nui̱ jeawakrin suntara uuntri̱ Juriu, Páprun waitnentak chichaak “Ame amikrumi̱i̱n wetá. Au iirmasarti” tímiayi.

Rum. 12:15

Warainia nuja̱i̱ warastarum. Kúntuts pujuinia núja̱i̱sha úttiarum.

1 Kur. 12:26

Chikichik muchitmiaram najaimiakum ashí aya̱shnium wáitiatsmek. Núnisaṉ chikichik muchitmiaram ayap ajakum ashí aya̱shnium shiir átsumek.

Ipi. 4:1

Atumsha ni shuari̱ ajastin Yus achikma asarum péṉker wekasatarum tájarme. Ii úuntri̱niun étserkun sepunam pujakun seajrume.

Kurs. 4:18

Wi, Papru, winia uwejruja̱i̱ jú̱chiniak áatkun amikmajrume. Sepunam pujajna ju̱ enentáimturatarum. Yus shiir yaintmakarti. Nuke atí.

Isr. 10:34

Atumsha sepunam pujuarmia nusha waitnentramarme. Tura shiir warasrum kuítrumin atantramainiakuisha katsuntramarme. Nayaimpiniam tuke amuukashtin ashiji̱a̱i̱ naṉkaamas írunna nu achiktin asarum túramarme.

Isr. 11:37

Kayaja̱i̱ tukú mantamnawarmiayi, jímiapetek tsupinkiarmiayi, Yusan iniaisarat tusa nekapnasarmiayi, puya̱ja̱i̱ mantamnawarmiayi. Aya wékainiarmiayi, kuítrincha ásar nuapen entsararmiayi, shuar nincha áintrar wáitnenmai awajiármiayi.

1 Pit. 3:8

Nuya̱sha ashí Yus shuartirmin tájarme, aya chikichík enentaik atí. Waitnennairatarum. Nekas yátsum aneam núnisrumek anenaitiarum. Aya áminiuk enentáimtutsuk chikichan yáiṉtaj tu enentáimsatarum.