Isr. 13:20 - Yus Papí: Shuarja̱i̱ Yus Yamaram Chicham Najanamu

^20-21 Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.

Isr. 13:20 Iomraidhean Croise

2 Sam. 23:5

Warí nekaschaṉ ¿Wí shuarka Yus íismaka jú̱ninchakait? Niṉkia chícham tuke átinian wiji̱a̱i̱ najanaiti tura péṉker iwiarkamu ashí uminkiatniuiti. Kame winia uwempratniurnasha tura wi wakeramurnasha yámaikikia ashí umíatsui.

YKan. 23:1

Winia waitnia nu Yúsaiti. Tuma asamtai wíniaka peṉké táatruschattawai.

YKan. 80:1

Israer shuar wáinniuitmena nu antukta. Murikiu wainniua núnisam Jusé ámeka wainkiam ewekámme. Kirupín ainia nu matsatmanum ajapén pujutainiam Ámeka tsáapin ajasam pujusta.

Jiin. 24:8

Nuna tuíniakui Muisais numpan achik Israer shuaran ukatenak “Ju̱ numpaja̱i̱ Uunt Yus atumji̱a̱i̱ ashí chícham najanamu ju̱i̱ti támaiti” tímiayi.

Isa. 40:11

Kame murikiu wáinin ni murikrí̱n wáiniuk kakaram akuptáiri̱ji̱a̱i̱ uchichíri̱nkia irurartatui. Murikchinkia miniakas jurukiartatui. Tura amuntsainia núnaka waitnentas yaruakartatui.

Isa. 55:3

Tura péṉker antukrum Winí̱ winitiárum. Ántakrumni̱ṉkia atumí enentái̱sha iwiaaku ajastatui. Nuyá̱ Tawitian waitnentramiaj núnisnak amukashtin chichaman Wikia atumji̱a̱i̱sha najanattajai.

Isa. 61:8

Warí Wikia Uunt Yus asan péṉker túrinia núnaka anenaitjiai. Tura chíkich kasarmancha nuyá̱ yajauch túramuncha muí̱jiajai núnisnak péṉker túramua nuja̱i̱ métek akikiártatjai. Túran peṉké amukashtin chichaman niji̱a̱i̱ najanawartatjai.

Jrm. 32:40

Nuyá̱ wisha niji̱a̱i̱ amukashtin chichaman najanattajai. Núnisnak niin péṉker túratniun peṉké iniaisachartatjai. Áintsaṉ Wini̱ya̱ kanakiára̱i̱ṉ tusan ni enentái̱n sapijian eṉketáwartatjai.

Isk. 34:23

Kame Winia murikru wáinkiatniunka chikichkiniak anaikian Winia takartin Tawitian apujsattajai. Tura niṉkia tí peṉker wainiainiak nú murikiu wainniuri̱ átatui. Jṉ. 10:16

Isk. 37:24

Nuiṉkia Winia takartin Tawitiak úunt akupin tura niṉki ashí wáinin átatui. Nuyá̱ Wi akupkámu umiktin chichamnasha uminiak péṉker túrawartatui.

Isk. 37:26

Nu arant aṉkant pujusárat tusan nu shuarja̱i̱ chichaman najanattaj nuka peṉké amukashtatui. Tura nui̱ pujusár pampaṉkarmatai ni pujuiniamunam Yus Shiir Awajtai̱ Je̱a̱run tuke nui̱ átinia nuna apujtusartatjai.

Sak. 9:11

Núnisaṉ Wi ámiji̱a̱i̱ chícham najanamua nú numpaja̱i̱ áminiu ainia nuna uwempraitjiai. Tura áminiu sepunam wá̱a̱nam entsa ku̱yu̱á eṉkeamu pujuiniancha aṉkant awajsartatjai. Jiin. 24:6-8; 1 Kur. 11:25

Mat. 26:28

Ju̱ka winia numparuiti. Tura winia numpar puármatai yamaram chicham nekas uminkiattawai tawai. Tura puármatai untsurí shuara tunaari̱n tsaṉkurattawai.

Mar. 14:24

Umararmatai Jesus chicharainiak “Ju̱i̱ti winia numpar untsurí aentsun yáiṉkiartinian puártatna nu. Nuja̱i̱ Yamaram Chichaman Yus najanaiti.

Ruk. 22:20

Tura yuruma amikiarmatai piniṉkian achik “Ju̱ piniṉ winia numparun nakumea asa uwempratin yamaram chicham najanamun nakumeawai. Winia numpar atumnian puartamprattawai.

Juaṉ 10:11

Wikia péṉker wáinniuitjiai. Péṉker wáinniuka ni murikrí̱n uwemtikrartaj tusa jakattawai.

Juaṉ 10:14

Wikia péṉker wáinniuitjiai. Winia Aparsha nékarui. Wisha Aparun nékajai. Núnisnak murikrun nékajai tura winia murikrusha nékarui. Wisha murikiun uwemtikrataj tusan jakattajai.

Tur. 13:30

Túramunak Yus jakamunmaya̱n iniantkímiayi.

Tur. 17:31

Yuska áishmaṉkan anaikiaiti. Nú áishmaṉ ashí aentsti, yaki péṉkeran túriniait yaki yajauchin túriniait núnaka nekarmattaji. Nú áishmaṉ Yus akupkámun tuke enentáimtakui Yus nin anaikiaiti. Tura tsawant nú túrunatin átatna nuna Yus Niṉki achikiuiti. Túrasha nekas anaikiajai tusa tura ashí aentstiram nekaatarum tusa nú aishmaṉkan jakamunmaya̱ iniantkímiayi” tímiayi Papru.

Tur. 2:24

Kame jatai̱ nupetkam tuke jákachmin asamtai jatai̱ najaimiatai̱nkia nupetak Niṉkia Yus iniantkímiayi.

Tur. 2:32

Au Krístun timia nu Jesusaiti. Nu Jesusnak Yus iniantkímiayi. Nuka iisha neka asar étsereaji.

Tur. 3:15

Túrarum iwiaaku átinian Amaana nu mámarme. Tuma ai̱ṉ Yuska Nin jakamunmaya̱ iniantkímiayi. Nuka iisha neka asar étsereaji.

Tur. 4:10

Urukamtia ú̱ktataj. Anintrakrumin Israernumia̱ shuar ashí nekaawarat tusar iisha paant títiatji. Ju̱ aishmaṉ Jesukrístu kakarmari̱ji̱a̱i̱ péṉker ajasuíti. Nasarétnumia̱ Jesukrístun, átum mámurmena nuna, tura Yus jakamunmaya̱ iniantkímiania nuna tajai.

Tur. 5:30

Jesus atumek krúsnum mámurmena nuna ii iwiaaku Yusri̱ Nin iniantkímiayi.

Rum. 1:4

Tura ni ti shiir wakaní̱ji̱a̱i̱ṉkia Yusa Uchirí̱nti. Tura ti kakarmaiti. Jakamunmaya̱ nantakmiaja̱i̱ nekas Yusa Uchirí̱a nu, paant nekanamiayi. Nisha ii Uuntri̱ Jesukrístuiti.

Rum. 10:7

“Tura ‘¿yaki jakamunam we Krístun iniantkit?’ tiirap” tawai.Muis. 30:11-13

Rum. 15:33

Yus ti shiir pujustinian súana nu atumji̱a̱i̱ tsaniṉ pujurtamsati. Núnisaṉ atí.

Rum. 16:20

Yus tuke shiir pujustinian amawa nu ti wárik iwianchi úuntri̱n Satanásan nupetturmaktatui. Tura ii Uuntri̱ Jesukrístu shiir yaintmakarti.

Rum. 8:11

Yus Jesukrístun jakaan iniantkímiayi. Tuma asamtai ni Wakaní̱ atumí enentái̱n pujurtamkurminkia Jesusan iniantkímia núnisaṉ nu Wakanja̱i̱ yamaram iwiaakmaja̱i̱ iniantamkittiarme.

1 Kur. 14:33

Yuska pachimtak chichaman nakitiak shiir chichasmanak wakerawai. Chíkich nuṉkanmasha ashí Yus shuar iruntramunam túrainia áintsarum atumsha túratniuitrume.

1 Kur. 15:15

Núnisaitkiuiṉkia iisha “Yus Krístun iniantkímiayi” tákur waitruamji. Iis, nekas jakamunmaya̱ nantakchamniaitkiuiṉkia nuikia nekas Yus Krístun iniantkichuiti.

1 Kur. 6:14

Tura Yus ii Uuntri̱ Jesusan iniantkímia núnisaṉ ii aya̱shí̱ncha nu kakarmari̱ji̱a̱i̱ iniantkíttiawai.

2 Kur. 13:11

Wats yatsurtiram, shiir pujustarum. Krístunam tuke kakaram ajastarum. Yus shiir enentáimtikramprarti. Chikichík enentaik enentáimsatarum. Shiir awajnáisarum pujustarum. Tura Yus anenmarmena nu shiir enentáimtikramna nu atumji̱a̱i̱ pujurtamsattarme.

2 Kur. 4:14

Yus kakarmaiti. Ii Uuntri̱ Jesusan jakamunmaya̱n iniantkímiayi. Iincha núnisaṉ Jesusja̱i̱ iniantamkittiaji. Tura atumji̱a̱i̱ métek ni pujamunam juramkittiaji. Nusha paant nékaji.

Kar. 1:1

Wi Pápruitjiai Yus akatrámu. Yusak winia akattúruiti. Shuarka akattúrchamai. Yussha chíkich shuaran akuptúrak akattúrchamai antsu Niṉki, Yus Apa, Jesusan jakamunmaya̱ iniantkímia nu, tura Jesukrístu winia akattúrarmai Yusa shiir chichame̱n etserkatniun.

Ipi. 1:20

nuja̱i̱ Krístun jakamunmaya̱ iniantkímiayi. Tura nayaimpiniam jukí̱ ni untsuurí̱ni̱ akupin pujutai̱nium apujsamiayi.

Jir. 4:9

Wi unuiniarmajrumna nu umiktarum. Tura wi túramur íisurmena nu tura antukurmena nusha umiktarum. Túrakrumni̱ṉkia Yuska aṉkant átinian amastaj tusa pujurtamsattarme.

Kurs. 2:12

Tura atumsha Yus ni kakarmari̱ji̱a̱i̱ Kristu jakaan iniantkímia nu enentáimtusrum imiantmiarme. Túrarum Krístuja̱i̱ métek iwiarnasmarme. Tura núnisrumek Krístuja̱i̱ métek nantakmiarme.

1 Tis. 1:10

Tura nuya̱sha Yusa Uchirí̱ Jesus jakamunmaya̱n Yus iniantkímia nu, nayaimpinmaya̱ tatí tusarum átum nákamuncha ujatmainiaji. Iis, Jesus Níṉkiti Yusa kajetáiri̱ tsawantri̱ jeattana nuyá̱ uwemtikrampratin.

1 Tis. 5:23

Yuska, imiatkinchanum wekasatniun amaana nu, atumín takamtsuk shiir awajtámsarti. Tura ii Uuntri̱ Jesukrístu táatsa̱i̱ṉ atumí wakaní̱ atumí enentái̱ tura atumí aya̱shí̱sha mash métek tunaaja̱i̱nchu awajtámsati.

2 Tis. 3:16

Uunt Yuska aṉkant átin enentái suramsati. Jú̱ Yus itiurchatnum pujarmini̱ṉ atumín tuke aṉkant shiir pujustin enentáimtikramsarti. Uunt Yuska atumín pujurtamsarti, tajai.

Isr. 10:22

Tuma asamtai tuke enentáiji̱a̱i̱ Yus imiá nekas enentáimtusar Yusai̱ jeartai. Ii enentái̱ Kristu numpe̱ja̱i̱ nijiarma asamtai nekas enentáimtakur Kristu nekas winia úuntruiti tiar ii yajauchiri̱ji̱a̱i̱ itit enentáimtumaschatniuitji. Tura ii aya̱shí̱sha saar entsaja̱i̱ imiantniuitji.

Isr. 10:29

Núnisaitkiuiṉkia shuar Yusa Uchirí̱n wishikiainiakka ni numpe̱ncha nakitiáiniakka tura waitnenkartutai̱ Wakaní̱ncha katsekainiakka nuna naṉkaamas asutniáchartatuak. Warí ni nakitiana nú numpaja̱i̱ yamaram chicham nekas umirkatin awajsámuyayi. Tura núja̱i̱sha ni tí peṉker awajnástiniuyayi.

Isr. 9:20

Tura tiármiayi “Ju̱ numpaja̱i̱ Chícham Yus akuptúrmarmena nu nekas umiktiniaiti tawai.” Jiin. 24:8; Muis. 29:12-13; Mat. 26:28

1 Pit. 1:21

Niji̱a̱i̱ átumka Yus umiirume. Yuska Krístun jakamunmaya̱n iniantki̱ naṉkamantu awajsámiayi. Yus nekas enentáimtakrum aya péṉkernak túrawai titiarum tusa túraiti.

1 Pit. 2:25

Murik ni pujutái̱ri̱n waketkitniun nékatsna ántsarmek atumsha meṉkaka wekaimiarme. Tura yamaikia atumí wáitmauri̱i̱n waketkintrume. Atumí waitmau Krístuiti atumí enentái̱n wainnia nu.

1 Pit. 5:4

Nuiṉkia murikiu wainniu Uuntri̱ taa wantiniak iwiarmamtai tawasap tí shiirmachia núninian suramsattawai. Aents súana nu shíirmach wari mamurtiniaiti. Tura úuntrum ámin suramsattana nuka peṉké mamurchattawai.