Isr. 13:18 - Yus Papí: Shuarja̱i̱ Yus Yamaram Chicham Najanamu

¹⁸ Iincha Yus áujsatarum. Iisha ashí péṉker túratin wakeraji. Túraji enentáimji.

Isr. 13:18 Iomraidhean Croise

Tur. 23:1

Papru Yúsnan pujurniu náamkari̱n úmamkes iis “Wí shuartiram antuktarum. Úchichik tuke yamaisha Yus íimmianum péṉker wekainuitjiai” tímiayi.

Tur. 24:16

Tura wisha tiniu asan wikia winia enentái̱rui̱ Yus íimmianum makuumatsuk wekasataj tajai. Tura aentsnumsha nútiksanak peṉké makuumatsuk wekaajai.

Rum. 12:17

Shuar ámin yajauch awajtámkuisha nincha yapajkiataj tu enentáimsaip. Aents iisam péṉker áminia nu amesha tuke túrata.

Rum. 13:13

Túratniua nuja̱i̱ métek wekasatai. Tsawái̱ wekaakur kiritniunam ú̱mkar tunáa túrutai̱ túrashtai. Nampetsuk, yajauch warartsuk, tsanirmatsuk, jianaitsuk tura kajernaitsuk aya péṉker túratai.

Rum. 15:30

Yatsuru, ii Uuntri̱ Jesukrístunu asarum tura ni Wakaní̱ pujurtamkurmin anenia asarum Yus áujtursak tusan seajrume. Núnisrum wiji̱a̱i̱ métek Yusna takastin yáintkiattarme.

2 Kur. 1:12

Yatsurtiram, ju̱ nekaatarum tusar wakeraji. Ju̱ nuṉkanam pujusár tura nekaska atumji̱a̱i̱ pujusár anaṉtsuk tura Yus umirkar wekaimji. Aya ii nekatairi̱ji̱a̱i̱ṉ wekaichmaji. Antsu Yus iin waitnentrama asa péṉker wekasatniun yaintmakmaji. Nu nekaar shiir enentáimji.

Jir. 4:8

Yatsuru, jú̱chiniak yamaikia Yus shuarti enentáimsatniun chichastatjai. Ashí nekas ana nu enentáimsatarum. Tura ashí anturkamnia ana nusha tura naka chicham ana nusha enentáimsatarum. Tura yajauch chichamsha enentáimsairap. Tura antsu ashí shiir ana nusha, chíkich shuarnasha péṉker enentáimtusminia nusha, kame ashí péṉker ana nu enentáimsatarum. Nuya̱sha chíkich shiir anturkamnia ana nusha enentáimsatarum.

Kurs. 4:3

Iincha Yus áujkartustarum. Kristu chichame̱n yaunchu nekaachman yamái étserkun sepunam pujajai. Tuma asamtai nuna shiir aṉkant etserkat tusarum áujtursatarum.

1 Tis. 4:12

Átum táasa̱i̱rum tusan tájarme. Túrakrumni̱ṉkia atumniasha chíkich shuar péṉker enentáimturmasartatui.

1 Tis. 5:25

Ashí yatsurtiram winiasha Yus áujtursatarum.

2 Tis. 3:1

Nuyá̱ yatsuru, Yusa Chichame̱ shiir pamparti tusarum Yus áujtursatarum. Átum Yus Chicham wakerukmarmena áintsaṉ ashí nuṉkanam wakerukarti tusarum Yus seatarum.

1 Tim. 1:5

Yus shuar tuke enentái̱ji̱a̱i̱ Yusan shiir enentáimtusar tura tunáa túrutsuk aya péṉkera nuna wakerukar anenkartin ajastin áiniawai. Núnisaṉ péṉker ajasat tusar Yus Chicham étsereaji.

1 Pit. 2:12

Yus shuarchanum péṉker wekasatarum. Túrakrumni̱ṉkia nisha yamái “Yus shuar yajauch túruiniawai” ántar tuíniayataṉ ukunmaṉka Yusja̱i̱ iṉkiunaiktin tsawant jeamtai péṉker wekarmena nuna enentáimturmasar nú shuarsha Yusan shiir awajsártatui.

1 Pit. 3:16

“Yusja̱i̱ péṉker wekasataj” tu enentáimsarum wekasatarum. Yus shuar asakrumin chíkich shuar ántrar áujmatramainia nu ni ántar áujmatramsamun nekaawar natsa̱a̱rarat tusarum Yusja̱i̱ péṉker wekasatarum.

1 Pit. 3:21

Nu yumi Yus shuarti imiantinian nakumui. Ii aya̱shi̱ chamir awajsatai tusar imiantsuji. Antsu ii enentái̱ péṉker atí tusar Yus sear imianji. Nuja̱i̱ iisha uwemji. Jesukrístu nantakin asamtai nuja̱i̱ uwempraitji.