Isr. 13:16 - Yus Papí: Shuarja̱i̱ Yus Yamaram Chicham Najanamu

¹⁶ Péṉker túrakrum takakrum nu ajamnaisatin kajinmátnaikiirap. Nusha ti shiir Yus sútainti.

Isr. 13:16 Iomraidhean Croise

YKan. 37:3

Uunt Yus nekas enentáimtusam péṉkera nuke túrata. Tura ju̱ nuṉkanmasha péṉker pujusta tura nekasa nuke nekaska eteṉmasam enentáimtusta.

YKan. 51:19

Nui̱kia nekas péṉkeran túruiniak suramsartatna nuka ashí áesturmainiakui shiir enentáimtusartatme. Nuya̱ṉ ni murikrí̱n áesturmawartatui.

Ruk. 18:22

Jesus nuna antuk “Chikichik tátramsai. Ame takakmena nu ashí surukam kuítrincha ainia nu súsarta. Nuiṉkia nayaimpiniam kuítrum takustatme. Túram winitiá nemartusminiam” tímiayi.

Tur. 10:38

Tura ju̱sha nékatsrumek. Nasarétnumia̱ Jesus, Yus Anaikiamu asa, Yusa Wakaní̱ kakarmari̱ji̱a̱i̱ péṉker túriniuyayi. Iwianchruku wáitias pujuarmia nuna péṉker awajsámiayi. Yus Niin pujurma asa ashí nuna túriniuyayi.

Tur. 9:36

Túrasha Jupi péprunam nuwa̱ Yus shuar pujuyayi, ni naari̱ Tapitia. Tura nusha Kriaku chichamja̱i̱ṉkia Túrkas tuíniawai. Nu nuwa̱sha nui̱ pujus tuke péṉker túriniuyayi. Tura nisha nútiksaṉ ya̱i̱ wémiayi.

Rum. 12:13

Yus shuar atsumainia nu yaiṉtarum. Irarsha péṉker itiaatarum.

Kar. 6:10

Tuma asamtai yáiṉmin ákuiṉkia ii jeajnia nu túratniuitji nekaska ii yachi̱ Yus shuar ainia nu yáiṉkiartin. Tura ashí shuarsha yáiṉtiniaiti.

Kar. 6:6

Shuar Yus Chichaman unuimiátna nu, nu shuar nin jintíana nuna ashí takakna nuja̱i̱ yaiṉtí.

Ipi. 4:28

Kasasha kasamtsuk kakaram takakmasti. Tura ni uwejé̱ja̱i̱ péṉker takaak atsumainia nú shuarnasha susati.

Jir. 4:14

Tuma ai̱ṉ atumsha wi atsumamu akuptúrkarum tí peṉker túramarme.

Jir. 4:18

Epaprutítiuja̱i̱ akuptúrkamarum núja̱i̱sha atsumamaj nuna naṉkaamas tiáruncha wainkiajai. Akuptúrkamarum nusha ti kuṉkuin Yus susamua áinis ti shiir auyi.

1 Tis. 5:15

Aneartarum, yatsuru. Chíkich yajauch túrutmamtai amesha nútiksamek yapajkiaip. Antsu nuka túrutsuk átumka mái̱ peṉker awajnai ajatarum. Tura nú arant ashí nuṉkanmasha ashí shuarsha nútiksarmek túratarum.

2 Tis. 3:13

Yatsurtiram yawe̱tsuk shiir túratarum.

1 Tim. 6:18

“Péṉker túratarum” tiartá. Tákumin nisha shiir enentáiji̱a̱i̱ ni takakman ajamsarti. Nuyá̱ nú péṉker túramuja̱i̱ Yusai̱ ikiauṉkarti.

Jirm. 1:6

Áujeakun chíkich shuarsha ámiji̱a̱i̱ métek Yusan nekas enentáimtuiniak ashí péṉker ana nuna ti paant nekaawarat tusan seajai. Ashí péṉker ana nuka Jesukrístu shiir awajsámuja̱i̱ takakji.

Isr. 6:10

Yus tí peṉker asa átum takasmancha tura ni aneakrum Yus shuar yaiṉmancha kajinmátkishtatui. Tura yamaisha tuke túrarme.

3 Jṉ. 1:11

Aneamu yatsuru, nu yajauch túramu jumamkiirap antsu péṉker túratarum. Péṉker túrinia nuka Yúsnaiti. Antsu tunáa túrinia nuka Yusan nékachuiti.