Isr. 13:15 - Yus Papí: Shuarja̱i̱ Yus Yamaram Chicham Najanamu

¹⁵ Tuma asar taṉku maar Yus sútsuk antsu shiir chicham súakur tuke Yus shiir yúmiṉkiaji. Tuke núnisar túratai.

Isr. 13:15 Iomraidhean Croise

Ists. 3:11

Tura Uunt Yusan kantampruá shiir yumiṉkiainiak “Warí Niṉkia tí peṉkerchakait Israer shuarnaka tuke waitnenniuiti” tuíniakui ashí shuar Uunt Yusa Je̱e̱ je̱a̱mtan juárkiarai tusar Uunt Yusan shiir wararainiak charaatum ajarmiayi.

Neem. 12:40

Nuyá̱ kantamin mái̱ iruntraruka Yusa Je̱e̱n setuawarmai tura wisha núnisnak uuntri̱ arma nu jímiapetek nakaakaruja̱i̱ nui̱ setuawarmaji.

Neem. 12:43

Nu tsawantai̱kia untsurí taṉkun áestuawarmiayi túrawar warastin Yus súsarma ásar ti warasarmiayi. Núnisaṉ nuwa̱sha uchisha warasarmiayi tura Jerusaréṉnum waramuka jeachat antuimiayi.

YKan. 118:19

Yus pujutai̱ waiti uratritiarum. Nui̱ waya̱n Úunt Yusan yumiṉsataj.

YKan. 119:108

Maa Uunt Yusru wí wakeramu amastinian chichampruja̱i̱ amaajna nuka Ámiji̱a̱i̱sha wakerú ajamai atí, Ame nekas chichamea nuja̱i̱ métek jintintruata.

YKan. 18:49

Maa Uunt Yusá uunt nuṉka mátsatkana nui̱sha shiir awajsattajme. Túran ame náarmin pachisan kantaman shiir awajsattajme. Rum. 15:9

YKan. 50:14

Antsu namaṉ aesam súamna núnisam Yus yumiṉsam shiir awajsata. Núnisam imiá Naṉkamantu Yus anajmatramna nu nekas umirkam susata.

YKan. 50:23

Winia kuṉkuinian áestureana núnis nekas enentáimias kantamprútaṉka shiir awajtawai. Tura shuar eseer wekaakka nin Yusai̱ uwemtikramun paant iniaktustatjai.

Jrm. 33:11

Túmaitiat atak ántuakka shiir enentáimkiur untsummasha tura warakur untsumainiamusha áishmaṉ nuatuk untsummasha tura nuwa̱ nuatnayak untsummasha untsumainiak “Ashí Akupin Uunt Yus shiir awajsatarum. Warí Uunt Yuska péṉker asamtai Niṉkia tuke waitnenkartiniaiti” tuinia nu ártatui. Yumiṉsajme tusar Uunt Yusa Je̱e̱n Yusan suinia chichame̱sha antuntiatui. Kame achira yaruakma ainia núnaka Wi ataksha awakeara ikiankartatjai, yaunchu matsamin armia núnis matsamsartatui’ tawai Uunt Yus.

Jrm. 33:18

Núnisaṉ Yúsnan pujurniu tiraṉki̱sha núnisaṉ Yúsnan takarniu tiraṉki̱sha winia shiir enentáimturuk takamtsuk áesturatniuncha tura araka neré emka juukman áesturatniuncha tura ashí tsawant takamtsuk tuke áesturatniunka tiraṉki̱ṉkia peṉké táaschartatui’” tímiayi.

Use. 14:2

Uunt Yusai̱ waketkirum seakrum “Ii yajauch túrutairi̱sha ashí tsaṉkurkarturta. Túram péṉker wáinmena nuja̱i̱ shiir enentáimkiartusta. Túrakmin ii wene̱ja̱i̱ yúmiṉkiakur waaka maar súamua áitkiasar kantampríttiaji.

Mat. 11:25

Nuyá̱ Jesus chichaak “Shiir enentáimtajme, Aparu, ashí nayaimpisha nuṉkasha úuntrinme. Tuma asam Ame túram nu tí unuimiaru enentáimtumainia nuyá̱ ú̱kuitme antsu uchichia áinis naṉkamantu enentáimtumainiatsna nú shuar paant awajtúsuitme.

Ruk. 10:21

Nuiṉkia ni enentái̱n Yusa Wakaní̱ waramtiksam Jesus ju̱na tímiayi “Aparu, ashí nayaimpiji̱a̱i̱ nuṉka Úuntrinme. Tuma asam ju̱ túrunamu tí unuimiaru enentáimtumainia nuyá̱ ú̱kuitme. Antsu uchichia núnis naṉkamantuchu enentáimtumainia nú shuar paant awajtúsuitme. Ee, Aparu, núnik wakerichmakum. Tuma asamtai shiir enentáimtajme, Aparu.

Juaṉ 10:9

Wikia wáitiya núnisketjai. Ashí Winin waya̱a̱ka uwemprattawai. Tura murikiua áintsaṉ wenuimiunmaya̱ jiinkí̱ péṉker yurumáttawai tura atak wayá̱ ayamprattawai.

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Rum. 12:1

Tuma asamtai yatsuru, atumek Yusai̱ surumaktarum. Yus ti waitnentrama asamtai nuna ti seajrume. Taṉku maar Yusan súsatniua áintsaṉ atumsha aya̱shtiuk iwiaaku árumna nui̱ṉᵏ Ni túrataj taku túrutati tusarum tuke enentáiji̱a̱i̱ Yusai̱ tsaṉkamaktarum. Yusai̱ iisam ti shiir atí tusarum túratarum. Nu túrakrumka enentáimji̱a̱i̱ Yus shiir awajmain átatrume.

Rum. 6:19

Paant nekaak tusan takarniun pachisan tájarme. Wats, yaunchu atumí aya̱shi̱ mui̱jmiainian tura ashí yajauchin túrat tusarum tsaṉkamakmarme. Núnisrumek yamaikia atumí aya̱shi̱ péṉkeran túrat tusarum tura tuke Yusja̱i̱ shiir wekasat tusarum tsaṉkamaktarum.

Ipi. 2:18

Yamaikia Israer shuartisha tura Israer shuarchasha mái̱ metek Kristu túrunamuja̱i̱ tura Yusa Wakaní̱ takaku asar Yusai̱ jeatniuitji.

Kurs. 1:12

Yus ni shuari̱n tsáapninia nui̱ ashí péṉkeran susattawai. Tura iincha nui̱ pachinkiatniun tsaṉkatramka asakrin Yus Apa yumiṉsamniaitrume.

Isr. 12:28

Yus iin akupkatniun tsaṉkatramaj nuka umuchnakchattawai. Tuma asamtai Yus yumiṉsatniuitji. Yus wakerana núnisrik wishiktsuk shiir enentáimtusar Yus shiir awajsatniuitji.

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

1 Pit. 2:5

Atumsha iwiaaku kaya ántsaṉketrume. Tuma asarum Yus wiji̱a̱i̱ ni je̱e̱n je̱a̱mti tusarum tsaṉkamaktarum. Tura nútiksarmek Jesukrístui̱ atumí iwiaakmari̱ tsaṉkamaktarum Yus wakera nuna túrutati tusarum. Jesukrístuja̱i̱ tura asarum Yus shiir enentáimtikrume.

1 Pit. 4:11

Etserkatniun Yus amasuítkiuiṉkia ame támena nu Yus tana nuja̱i̱ métek atí. Chíkich shuar yáiṉtiniaitkiumka Yus amaana nú kakarmaja̱i̱ túrata. Ashí túramna nu Yusa naari̱ shiir atí tusam Jesukrístu náari̱ji̱a̱i̱ túrata. Jesukrístun ashí aents shiir enentáimtusarti. Tura ashí aentsnum ni kakarmari̱ tuke atí. Nuna tajai.