Isr. 13:13 - Yus Papí: Shuarja̱i̱ Yus Yamaram Chicham Najanamu

¹³ Núnisrik iisha péprunmaya̱ arant wétinia núnisrik Jesusai̱ werí Niji̱a̱i̱ métek wishiknamu katsuntutai.

Isr. 13:13 Iomraidhean Croise

Mat. 16:24

Nuyá̱ Jesus ashí ni unuiniamuri̱n chicharainiak “Shuar Winia nemartustaj tusa wakerakka ni wakeramuri̱n iniais ni krúsri̱n yanakí̱ Winia nemartusti.

Mat. 27:32

Jesusan jukí̱ wésar Serini nuṉkanmaya̱ shuaran, ni naari̱ Semuṉ Jesusa krúsri̱n jurukit tusar achikiármiayi.

Mat. 5:11

Wi shuar ajasu asakrumin wáitruiniak katsekramainiakuisha núnisaṉ apapétmainiakuisha tura náṉkamas chichartamainiakuisha tí shiir enentáimsamniaitrume.

Ruk. 6:22

Núnisaṉ atumín aents nakitrámprarmataisha ajapramawarmataisha tura Wi Aents Ajasu tutaiya nú shuar ajasuíti tusar tsanumprutmak katsekramkarmataisha shiir enentáimpratarum.

Ruk. 9:23

Nuyá̱ ashí aentsun chicharuk “Shuar Winia nekas nemartustajtsa wakerakka ni wakeramuri̱ṉkia iniaisati. Tuke tsawant ni krusri̱ yanakí̱ nemartusti.

Tur. 5:41

Jesusa akatrámuri̱sha Israer shuara uuntri̱ pujamunmaya̱ jíinkiarmiayi. Tura wáitsamniaitrume tusa Yuska Jesusa naari̱ pachia asakrin ii natsantin wáitsatniun tsaṉkatramkaitji tusar ti shiir enentáimsar wéarmiayi.

2 Kur. 12:10

Tuma asamtai wi Krístun aneakui shuar katsekruiniakuisha, kajertuiniakuisha, winia kuítrusha, kakarmarsha atsa̱i̱ṉ waraajai. Kame ashí itiurchat ana nui̱ kakarmachuitiatnak kakaram nekapeajai.

Isr. 11:26

Nuja̱i̱ Krístun yajauch awajsarmia núnisaṉ nisha wáitsatniuyi. Túrasha ashí Ejiptu nuṉkanam péṉker irunmia núna naṉkaamas Yus nin ukunam tsaṉkatkata nuna shiir enentáimtusmiayi.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Isr. 12:3

Yajauch shuar Jesusan wáitkiasarmia nu enentáimpratarum. Túrarum pimpitsuk katsuntratarum.

Isr. 12:4

Átumka yajauch túramuja̱i̱ mániakrumsha Jesus túramia áintsarum numpe̱msha puárchaitrume tura jákachuitrume. Nui̱sha katsuntrarum jeatniuitrume.

1 Pit. 4:4

Tura surimiatsuk yajauch túrimiarmena nu iniaisa asakrumin yaunchu atumji̱a̱i̱ nuna túrin armia nu “¿urukamtai iniaisara?” tusar yajauch áujmatramprume.