Isr. 12:3 - Yus Papí: Shuarja̱i̱ Yus Yamaram Chicham Najanamu

³ Yajauch shuar Jesusan wáitkiasarmia nu enentáimpratarum. Túrarum pimpitsuk katsuntratarum.

Isr. 12:3 Iomraidhean Croise

Neka. 24:10

Itiurchat ana nui̱ kakarmachuitkiumka nuja̱i̱ paant nekanattame.

Isa. 50:4

Pimpikin ainia nu jintintiakur péṉker chichaktinniaka ii Uunt Yusri̱ surusuiti. Tuke káshik ishintiátui. Unuimiáru áiniana tímiatrus anturtukat tusa tuke káshik wíniaka ishintiátui.

Mat. 11:19

Nuyá̱ Wisha Aents Ajasan támajai. Tura yurumeakui tura úmakui ‘Ti yuruminiuiti tura ti nampenaiti. Ashí yajauch shuaran amikri̱nti’ túrutrume. Wátsek, wi túramuja̱i̱ Yus nekas nékamu nekanattawai” tímiayi.

Mat. 12:24

Tura Pariséu shuarsha nuna antukar yajauch enentáimtuiniak “Ju̱ka iwianchi kapitiántri̱n Pirsepún umirniuiti. Tuma asa nuna kakarmari̱ji̱a̱i̱ yajauch wakaní̱n ji̱i̱ki̱ akupeawai” tiármiayi.

Mat. 15:2

“¿Urukamtai ame unuiniamuram ii uuntri̱ yaunchu jintintrarmia nuna uminiatsu? Iis, ikijmiatskesha yurumáiniawai” tiármiayi.

Mat. 21:23

Yusa Uunt Je̱e̱n Jesus wayá̱ unuiniamiayi. Tumai̱ Yúsnan pujurniu uuntri̱ tura Israer shuara úuntri̱sha Jesusan tariar aniasarmiayi “¿Yana chichame̱ja̱i̱ ju̱ túram. Ya ju̱ túratniuncha akuptámkait?” tiármiayi.

Mat. 21:46

Tura ashí aents “Jesus Yúsnan étserui” tuinia ásarmatai nin ashamkarmiayi.

Mat. 22:15

Nuyá̱ Pariséu chichaman najatawar itiurak uyu̱matkiakaintiaj tusar tiármiayi.

Ruk. 14:1

Ayampratin tsawantai̱ Pariséu uuntri̱ je̱e̱n Jesus yurumáttsa wémiayi. Tura chíkich Pariséu wariniak túrat tusar ii pujuarmiayi.

Ruk. 15:2

Tuma asamtai Pariséusha tura Israer shuara jintinniuri̱sha Jesusan áujmatainiak “Ju̱sha yajauch túrin shuaran itiaawai tura niji̱a̱i̱ yurumáiniawai” tiármiayi.

Ruk. 16:14

Pariséusha kuítian anen armia nu ashí ni táman antukar Jesusan wishikrarmiayi.

Ruk. 2:34

Semiuncha chichaak “Yus shiir enentáimturmasarti” ti Marin chicharuk “Nekaata. Ju̱ Uchin Israer shuartisha untsurí nakitrar iniarartatji. Tura chíkich Israer shuartikia ju̱ Uchin shiir enentáimtusar ti wararsartatji. Tura Uchiram Yusa kakarmari̱n ti paant iniakmastatui. Tuma ai̱ṉ untsurí Aun yajauch chichariartatui.

Ruk. 5:21

Nuiṉkia Israer shuara jintinniuri̱sha tura Pariséusha enentáimias chichainiak “¿Ju̱sha yait Yusa náari̱n yajauch awajtincha. Warí aya Yúskechuk tunaan tsaṉkuramniait?” tiármiayi.

Juaṉ 10:20

Untsurí chicharainiak “¿Urukamtai ántarum wáuruk tausha. Yajauch wakaní̱n takaktsuk?”

Juaṉ 18:22

Jesus nuna takui̱ Yusa Je̱e̱n wáinniua nu nui̱ pujá Jesusan yapiniam awati chicharuk “¿Uunt tu ái̱ktinkiait?”

Juaṉ 5:16

Núnaka ayampratin tsawantin tura asamtai Israer shuar Jesusan maatai tusar patatiarmiayi.

Juaṉ 7:12

Ashí shuarsha Nin áujmatiarmiayi. Chíkich “péṉkeraiti” tiármiayi. Tura chikitcha “Péṉkerchaiti. Aya anaṉkartawai” tiármiayi.

Juaṉ 8:13

Pariséu nuikia chichainiak “Ame péṉkerum tau asam támena nu ántraiti” tuíniakui

Juaṉ 8:52

Nuiṉkia Israer shuar chicharainiak “Pai, yamaikia ti paant íwianch takakme. Aprajámsha ashí Yúsnan etserniusha jákaruiti tura Ame ‘Wi tájana nuna enentáimtaka peṉké jákashtiniaiti’ tátsumek.

Juaṉ 8:59

Nuna takui̱ Jesusan tukutai tusar kayan achikiármiayi. Tura Jesus ú̱mak ni matsatmanum ajapéni̱ṉ wéak Yusa Uunt Je̱e̱ya̱ jiinkí̱ wémiayi.

Juaṉ 9:40

Tutai Pariséu shuar nui̱ pujuarmia nu nuna antukar “¿Nuiṉkia iikia kusurúkaitiajⁱ?” tiármiayi.

1 Kur. 15:58

Nu asamtai aneamu yatsuru, pee anearum yawe̱tsuk nú nukap Yusa takatri̱ takastarum. Ii Uuntri̱ Krístuja̱i̱ tsaniṉkia takaarum nuka peṉké ántrachuiti. Nu paant nékarme.

2 Kur. 4:1

Yus iin waitnentrama asa ni chichame̱n etserkatniun ataktamsaitji. Tuma asamtai yawe̱tsuk takaaji.

2 Kur. 4:16

Tura yawe̱atsji. Ii aya̱shi̱ amuiki̱ wéakuisha ii enentái̱ṉkia yamaram ajakí̱ wéawai.

Kar. 6:9

Nu asamtai péṉker túratin yawe̱tkishtiniaiti. Tura pimpitsuk takasar júuktin tsawant jeamtai páchitsuk júuktatji.

Muis. 20:3

chichaak ‘Israer shuartiram antuktarum. Yamái atumí nemasri̱ji̱a̱i̱ mánaiktatrume. Túramkurminkia sapijmiatsuk kakaram ajastarum. Ashamkairap tura atumí nemasri̱ wáinkiurmesha sapijmiakrum imiaankirum mayai̱m ashinkiamnia nekaprairap.

2 Tis. 3:13

Yatsurtiram yawe̱tsuk shiir túratarum.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Isr. 12:5

Yus nekas ni uchirí̱n chicharkatniua áinis túramprum nu kajinmatkichmashuram. Jú̱nis tawai “Uchiru, wi jintintramajmena nu kajinmátkip. Asutiámkuisha kúntuts pujusaip. Kame Uuntka Ni aneana nuna jintintiawai. Tura ni uchirí̱ ajasat tusa achíana nuna asutiawai.” Neka. 3:11-12

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

1 Pit. 2:23

Kátsekeamsha Niṉkia katsekachmiayi. Wáitkiamsha “yapajmiáktaj” tíchamiayi. Antsu “winia Apar Yus iistí” tímiayi Yus péṉker túrin asamtai.

Apu. 2:3

Ti wáitiayatmek katsuntram yawe̱tsuk Winia ti takartusuitme.

1 Sam. 12:24

Núnisrumek atumí yaintmaktaj tusa Uunt Yuska Ní kakarmari̱ ti uunta nuna iniakmasu asamtai aya Uunt Yusak ashamkatniuitrume. Túrakrum nekas enentáiji̱a̱i̱ tuke shiir enentáimtustiniaitrume.