Isr. 12:25 - Yus Papí: Shuarja̱i̱ Yus Yamaram Chicham Najanamu

²⁵ Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.

Isr. 12:25 Iomraidhean Croise

1 Akup. 12:16

Nuiṉkia ashí Israer shuar ni searmia nu anturkacharam nisha chichainiak “Iisha Tawitji̱a̱i̱sha ¿warí íistiniaitiajⁱ? ¡Isái uchirí̱ Tawitia shuari̱ṉkia iiniu átinkia peṉké atsawai! ¡Israer shuartirmeka atumí je̱e̱n waketkitiarum! ¡Yamaikia Tawitia, amé shuarak Iistá!” Nui̱ṉkia Israer shuarka ni je̱e̱ni̱i̱ṉ waketrarmiayi.

Jiin. 16:29

Wi Uunt Yus asan chikichkí tsawant ayampratniun súsaitjiarmena nu nekaatarum. Tuma asamtai sais tsawantin yurumkan jimiará tsawant jean amaajrume. Tuma asamtai tsawant siatia nu aṉkant aṉkant atumí pujutái̱ri̱ni̱ṉ jíintsuk pujustarum” tímiayi.

Jiin. 20:22

Uunt Yus Muisaisan chicharuk “Israer shuar jú̱nisam tiartá ‘Nayaimpinmaya̱ṉ chichamu átumka anturtukuitrume.

Neka. 1:24

Warí untsuamsha nakitramarme. Ipiaamakuisha yaaksha anturtukchamai.

Neka. 1:32

Nekasaiti. Shuar ántichu ainia nu ni náṉkamas wekatairi̱ji̱a̱i̱ mantamnawartatui. Núnisaṉ nétseka “Warí iikia tí peṉker pujatsjik” tuinia nuja̱i̱ amunkartatui.

Neka. 13:18

Shuar chichaream ántichua nuka kuítri̱ncha natsanmai̱ ajawiti antsu chichaman tí peṉker ántinia nuka arantúkmaiti.

Neka. 15:32

Shuar jintintiáttsa chicharmaitiat nakitniuka niṉki nakitmamnuiti. Antsu chicharam esetar ántinia nuka nékaiti.

Neka. 8:33

Nekatai̱ya̱ nu nakittsuk péṉker anturkatarum.

Jrm. 11:10

Warí emka aparí̱ armia nu Winia chichamprun umirkatniun nakitrar aents najanamu yus armia nu umirkatai tusar tikishmátrarmiayi. Yamaisha núnisaṉ Israer shuarsha tura Jutá shuarsha ni aparí̱ yajauchiri̱n waketrukiar aents najanamu yus tikishmátrar nisha Wi yaunchu ni apachri̱ji̱a̱i̱ chichaman najanamiaj núnaka peṉké yajauch awajtúrsarmiayi.”

Isk. 5:6

Tura nisha Wi akupkámun umiktinian peṉké nakitra asa chíkich nuṉka áiniana núja̱i̱sha naṉkaamas sumamaiti. Núnisaṉ Wi akupkámu umiktin chichaman umikcharu ásar nui̱ ayamach matsatainiana núja̱i̱sha naṉkaamas umichu áiniawai.’

Sak. 7:11

Túrasha antuktinian nakitrarmiayi. Tura kajenak antuktinniasha nakitiáinia ásar kuishincha akiriarmiayi.

Mat. 17:5

Tura Pítiur tu auju wajái̱ yuraṉkim ti puju amuamiayi. Tura nu yuraṉminmaya̱n chichaman antukarmiayi. “Ju̱ka winia aneamu Uchiruiti. Nin ti shiir enentáimtajai. Ni péṉker anturkatarum” tímiayi. Tu chichasmiayi Yus.

Mat. 8:4

Tura Jesus chichaak “Pai, peṉké etserkaip. Áyatik Yúsnan pujurniuí̱ iniakmamsam ashí shuar nekaawarti tusam Muisais timia nu susata” tímiayi.

Tur. 7:35

Estepaṉ tuke étseruk “Ju̱ Muisaisan ni shuari̱ ‘¿Ya amincha ii akuptámin tura ii chichartamin átinniasha anaitiamkamam?’ Jiin. 2:14 tiarmia nuna Yuska akupniun anaik uwemtikrarat tusa awaiṉki̱ akupkámiayi. Numiniam ni suntari̱ wantintiukmia nuna chichame̱ja̱i̱ Yuska Muisaisan akupkámiayi.

Muis. 18:19

Tura náṉkamas aents Ni Winia naarja̱i̱ etserkattana nuna ánturtachunka wi núnaka íistatjai.

Muis. 30:17

Túrasha wi tájarmena nu anturtutsuk atumí wakeramuri̱ nupettamkakrumin kanakrum najanamu yus tikishmáteakrumka,

Muis. 4:36

Tura Niṉkia atumín jintintramataj tusa nayaimpinmaya̱ṉ chichartamkamarme. Nuyá̱ nuṉkaṉka ji keamunam ajapén páchitkia chichame̱sha anturkamarme.

1 Tis. 5:15

Aneartarum, yatsuru. Chíkich yajauch túrutmamtai amesha nútiksamek yapajkiaip. Antsu nuka túrutsuk átumka mái̱ peṉker awajnai ajatarum. Tura nú arant ashí nuṉkanmasha ashí shuarsha nútiksarmek túratarum.

2 Tim. 4:4

Nekas shiir chichaman iniaisar ikiuiniak ántar áujmatsamun enentáimtusartatui.

Isr. 1:1

Yáunchuka Yúsnan etserniuja̱i̱ chichas Yus ni enentáimmian ii úuntri̱n ujakmiayi. Tura untsurí nuṉkanmasha tura untsurí uwitincha niisháa niisháa chichas ujakmiayi.

Isr. 11:7

Yus “ama̱a̱rkatniun akupkáttajai” tiniu asamtai Nuwaisha Yusan nekas enentáimtak ama̱a̱run wáinchaitiat “ama̱a̱rkattawai” tímiayi. Túrak Yus timiaja̱i̱ métek uunt kanun najana ni shuari̱ncha uwemtikramiayi. Tura Yusan nekas enentáimta asamtai Yus “péṉkeraitme” tímiayi. Tura ní umirkamuja̱i̱ chíkich shuar Yusan umircha áiniaṉka sumamtikiawarmiayi.

Isr. 12:19

Tura kachu kakaram umpuamusha ámiayi. Tura Yus kakaram nin chichaream antukar ashamkar atakka chichaschati tu searmiayi.

Isr. 3:12

Anearta, yatsuru. Yajauch enentáimsarum tuke iwiaaku Yus enentáimtutsuk kanakiirap.

Isr. 3:17

Tura umiiniachkui kuaraintia uwí kajerkarmiayi. Tunaan túrawaru ásar untsurí shuar aents atsamunam kajinkiarmiayi.

Isr. 8:5

Yus yaunchu Muisaisan nayaimpiniam írunna nuna iniaktus chichaak “Ámin nainnium iniaktusmajmena nuja̱i̱ métek ashí najanata” Jiin. 25:40 tímiayi. Túramu asamtai ashí yaunchu Yúsnan pujurin Muisais najanamuja̱i̱ takainia nu aya nayaimpiniam ana nuna nakumkamuja̱i̱ṉ takainiawai.

1 Pit. 1:22

Yus nekas tana nuna Yusa Wakaní̱ yáintmakui umirka asarum atumí wakaní̱n péṉker ajasuitrume. Yus shuarja̱i̱ yajauch enentáimtunaitsuk mái̱ anenai ajatai tusarum tura asarum nekas shiir enentáimtunaisrum mái̱ anenai ajatarum.

Apu. 19:10

Takui̱ nu Yusa suntari̱n shiir awajsataj tusan tikishmátramjai. Túramtai chichartak “Íimsakia áinkiaip. Wisha ámiji̱a̱i̱ métek tura yatsumja̱i̱ métek Jesusa nekas chichame̱n tuke umirin ainia núnisan Yusa yáintri̱ntjiai. Yusak shiir awajsatniuiti” turutmiai. Kame Jesus imiá nekas tiniua nuna ashí átatna nuna wakaní̱nti.

Apu. 22:9

Túram chichartak “Íimsakia áinkiaip. Wisha Yusa yáintri̱ntjiai ámiji̱a̱i̱ tura yatsumji̱a̱i̱ méteketjai. Yúsnan etserin ásar tura ju̱ papinium aarma nuna umirainiak nisha Yusa yaintri̱ áiniawai. Yusak shiir awajsatniuiti.”