Isr. 12:2 - Yus Papí: Shuarja̱i̱ Yus Yamaram Chicham Najanamu

² Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Isr. 12:2 Iomraidhean Croise

YKan. 110:1

Uunt Yus winia Úuntrun ju̱na chichaak “Akupin pujutai̱niam, winia untsuurui̱ni̱ pujusam Ame nemasrumin nupetkan Ámin umirtamkarti tusan amaamam nákarsata. Mat. 22:44; Isr. 1:3,13

YKan. 138:8

Jiuwá ni wakeramun wini̱n umiktatui. Jiuwáa Ame waitnenkartutairmeka iniaṉnatsuk tuke awai. Ame uwejmiji̱a̱i̱ najankamuram iniaisam ikiukip.

Isa. 45:22

Warí Wíkitjiai Yus. Chíkichkia atsá asamtai ashí nuṉka náṉkata tímianai pujarmena nu aentstirmesha Winia íirsarum uwempratarum.

Isa. 53:3

Aents nakitiáiniak ji̱i̱ki̱ awemarmai. Aents asa najaimiatniuncha tura wáitsatniuncha nékauyi. Shiir awajtsuk nakitiakur ii yapi̱sha u̱rji.

Isa. 8:17

Kame Uunt Yus Jakupa shuari̱n ú̱mprukua núnis pujana nuna nákastatjai tura aya Níniak enentáimtustatjai.

Mik. 7:7

Antsu wikia winia Úunt Yusrunak iisan enentáimtustatjai. Winia uwemtikrin anturta asamtai winia Yúsrunak nákasan pujustatjai.

Sak. 12:10

Tura Tawitia shuari̱n nuyá̱ Jerusaréṉnum pujuinia nuna waitnenkartin tura Yus seamin enentái̱n súsartatjai. Nuya̱ṉka Winia ijiutiarmia nuna ijiumun wáinkiar kúntuts enentáimiainiak ni uchirí̱n chikichkiniak iwia̱i̱ri̱ ajakra núnis úttiartatui.

Wek. 21:9

Tutai Muisais yaṉkú jiruja̱i̱ napin najana numiji̱a̱i̱ weak awajaimiayi. Tura aents napi esaimiuka nuna iisar péṉker ajarmiayi. Jṉ. 3:14-15

Mat. 16:21

Nuyá̱ Jesus ju̱na unuiniataṉ naṉkammiayi. “Wi Jerusaréṉnum wétiniaitjiai. Nui̱ Israer shuara úuntri̱sha, Yúsnan pujurniu úuntri̱sha, Israer shuara jintinniuri̱sha ti wáitkiarsartatui. Nuyá̱ mantuawartatui túrasha menaintiú tsawantai̱ nantaktiatjai.”

Mat. 20:28

Wisha Aents Ajasuitiatan Winia yáintkiarat tusan táchaitjiai antsu shuaran yáiṉtaj tusan táwitjiai. Untsurí shuara tunaarí̱ tumashri̱n akikmatkataj tusan jákatniuitjiai. Nuna tarimjiai” tímiayi Jesus.

Mar. 14:36

Tuke áujuk chichaak “Apawá, ashí tujinchaitme. Piniṉnumia̱ ashí umartinia ántsaṉ ti nekapsatajna nú waitsatin jurutkitia. Antsu Wi wakeraj nucha, ame wakeramuram túrunati” tímiayi.

Mar. 15:28

Yus Papinium aarma ana nuja̱i̱ uminkiauyayi. Nui̱ “tunáa shuarja̱i̱ nekapmarmauyayi.” Isa. 53:12

Mar. 16:19

Jesus chichas amukmatai Yus nayaimpiniam jukimiayi. Túruna Yusa untsuurí̱ni̱ pujusmiayi.

Mar. 9:12

Tutai Jesus chichaak “Nekas Irías ashí iwiarattsa emka tátiniaiti. ¿Tura Aents Ajasunun Yus Papinium warintiua? ‘Ti wáitsattawai. Nin nakitrartatui.’ Isa. 53:3

Mar. 9:24

Tutai uchi aparí̱ kakantar chichaak “Uuntá, nekas enentáimtajme. Nekas enentáimtustinian táasjana nu yáintkiata” tímiayi.

Ruk. 17:5

Jesusa unuiniamuri̱ Nin chicharuk “Yus enentáimtajnia nú naṉkaamas enentáimtustin yaintkratkata” tiármiayi.

Ruk. 23:11

Tura Irutissha ni suntari̱ji̱a̱i̱ Jesusan yajauch enentáimtuiniak Nin wishikiainiak tí peṉker pushin akupniu entsatái̱ri̱ya ániun áentsrarmiayi. Nuya̱sha Irutis ataksha Piratuíi̱n akupkámiayi.

Ruk. 24:26

¿Yusa anaikiamuri̱, Kristu tutai, shiir awajnatsuk ti wáitsashtinkiait?” tímiayi.

Juaṉ 1:29

Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Juaṉ 12:24

Wi tájana nu ti nekasaiti. Araachmaka niṉki pujatsuk. Antsu araamka tsapain jiṉkiaichiri̱ miniar amuukaitiat nerek ti untsurí ajatsuk.

Juaṉ 12:32

Tura numiniam awajnaimtai ashí nuṉkanmaya̱ṉka shuar enentáimturartatui” tímiayi.

Juaṉ 13:3

Tura Jesus Yusai̱ya̱ tau asa waketkitniuyi. Tura Yus Apa ashí mash susamiayi akupin atí tusa. Jesussha nuna nekáa

Juaṉ 6:40

Yus Apa wakerana nu ju̱i̱ti. Ashí shuar Winia ‘Yusa Uchirí̱nti’ tu enentáimturkui yamaram iwiaakman tuke takusat tusa wakerawai. Nú shuarnaka amuukatin tsawantai̱ iniantkíttiajai” tímiayi Jesus.

Juaṉ 8:56

Aprajámka, atumí uuntri̱, imiá yaunchu jákaitiat Wi ju̱ nuṉkanam tátinian wararas nákasmiayi. Tura waitiak ti shiir warartusmiayi” tímiayi.

Tur. 2:36

Tura ii Israer shuarti Jesus krúsnum maitji. Jú̱ Jesus mámjinia nuna Yuska Úunt Akupin anaikiamiayi. Túrasha Jesussha iin uwemtikkiartin Krístuiti. Ashí aentstiram nu péṉker nekaatarum” tímiayi Pítiur.

Tur. 3:15

Túrarum iwiaaku átinian Amaana nu mámarme. Tuma ai̱ṉ Yuska Nin jakamunmaya̱ iniantkímiayi. Nuka iisha neka asar étsereaji.

Tur. 5:31

Yus ni kakarmari̱ji̱a̱i̱ Nin naṉkamantu awajsámiayi. Tura nekas Akupniuiti tusa ni untsuurí̱ni̱ apujsamiayi. Tura aentsun Uwemtikniuiti. Israer shuar enentái yapaji̱áwar tunaarí̱nia̱ uwemprarat tusa Yus túraiti.

Tur. 5:41

Jesusa akatrámuri̱sha Israer shuara uuntri̱ pujamunmaya̱ jíinkiarmiayi. Tura wáitsamniaitrume tusa Yuska Jesusa naari̱ pachia asakrin ii natsantin wáitsatniun tsaṉkatramkaitji tusar ti shiir enentáimsar wéarmiayi.

1 Kur. 1:18

Kristu krúsnum jarutramkamu étsereaji. Antsu Yus shuarchaka meṉkakatniunam wéana nu “ántraiti nu chicham” tu enentáimainiawai. Antsu Yus shuarti uwempratniunam wéakur “nu chichamja̱i̱ Yusa kakarmari̱ takusminiaiti” tu enentáimji.

1 Kur. 1:23

Antsu iikia Kristu krúsnum jarutramkamuk étsereaji. Israer shuarsha “ju̱ chicham natsantaiti” tu enentáimiainiawai. Israer shuarchasha “ju̱ chicham ántraiti” tu enentáimiainiawai.

Ipi. 2:16

Núnisaṉ ámiayi. Kristu krúsnum jaka nemasja̱i̱ mai̱ apattamak chikichik awajtámas Yúsja̱i̱sha nawamnaimtikramkamiaji.

Ipi. 5:2

Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

Jir. 1:6

Yus atumíin tí peṉker awajsatniun naṉkama asa núnisaṉ Jesukrístu táatsa̱i̱ṉ tuke shiir awajtamki̱ nekas péṉker najatmattarme. Nuka ti nekasaiti.

Jir. 3:20

Antsu iikia nayaimpinmaya̱ shuar asar ii Uuntri̱ Jesukrístu iin uwemtikrampra asamtai nayaimpinmaya̱ tatí tusar nákaji.

2 Tim. 4:8

Tuma asamtai tawasap nukaja̱i̱ najanamu tsékena susamua áintsaṉ wisha péṉker túramunam akinkiáttajai. Tura aya wíniak akirkashtatui. Antsu ashí ni tátinian shiir enentáiji̱a̱i̱ nákainia nunasha nekas péṉkera nuna akikiártatui.

Isr. 1:13

Ataksha tímiayi “Akupin pujutai̱nium winia untsuurui̱ni̱ pujusam nákarsata. Ame nemasrumin nupetkan ámin umirtamkarti tusan amastatjai.” YKan. 110:1 Núnisaṉ nayaimpinmaya̱ suntaran peṉké tíchamiayi.

Isr. 1:3

Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.

Isr. 10:14

Chikichkí jakamuja̱i̱ ni shuari̱n tuke tunaarincha awajsaruiti.

Isr. 10:33

Chikichtirmeka katseknakmarme tura ashí iimiainiamunam yajauch awajnásmarme. Chikitcha nu shuarnum páchitkia asarum itit awajnásmarme.

Isr. 11:36

Chikitcha katseknakarmiayi, asutniáwarmiayi, jiruja̱i̱ jiṉkiawar sepunam eṉkenawarmiayi.

Isr. 12:3

Yajauch shuar Jesusan wáitkiasarmia nu enentáimpratarum. Túrarum pimpitsuk katsuntratarum.

Isr. 13:13

Núnisrik iisha péprunmaya̱ arant wétinia núnisrik Jesusai̱ werí Niji̱a̱i̱ métek wishiknamu katsuntutai.

Isr. 5:9

Tura imiá peṉker awajnas nekas Uwemtikin ajasmiayi. Nin enentáimtuinia nuna uwemtikiar tuke iwiaaku apujsatnium nérentin ajasmiayi.

Isr. 7:19

Muisais akupkámuka shuaran péṉker awajsachminiuyayi. Antsu Yus iin ti shiir awajtámsattajnia nu nákaji. Nuja̱i̱ Yusai̱ ti shiir jeawitji.

Isr. 8:1

Nekas ju̱na tájame, Yúsnan pujurniu uuntri̱ Jesus iin ti shiir yaintma asa akupin pujutai̱nium Yusa untsuurí̱ni̱ nayaimpiniam pujusuiti.

Isr. 9:28

Núnisaṉ Kristu chikichkí jákatniunam surumak untsurí shuara tunaari̱n asakáruiti. Tura atakka aents yajauch túrukarman asakártinian wantinkiashtatui. Antsu ni tátintri̱n nákainia nuna uwemtikrattsa wantinkiattawai.

San. 2:1

Yatsuru, ii Uuntri̱ Jesukrístu winchari̱ timiá shiira nu enentáimtatirmeka shuar akantratin enentáimsairap. Shuara enentái̱ enentáimtsuk antsu aya pátatek wáinmena nuja̱i̱ aents akantram niisháa enentáimturairap.

1 Pit. 3:18

Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji. Aya̱shi̱i̱nkia jakayat ni wakaní̱ji̱a̱i̱ ni aya̱shi̱ ataksha iwiaaku ajasmiayi.

1 Pit. 3:22

Tura Nisha nayaimpiniam we akupin pujutai̱nium Yusa untsuurí̱ni̱ apujsamuiti. Túramtai nayaimpinmaya̱ suntarsha tura ashí kakaram akupin áiniana nusha Jesukrístun umirainiawai.

Jut. 1:21

Yus ti anenmakui ni wakera nu wakeruktarum atumsha. Túrarum ni anenmamu shiir nekaattarme. Tsawant winiawai, ii Uuntri̱ Jesukrístu iin waitnentrama asa tuke shiir Niji̱a̱i̱ pujustinian amastatji. Nu tsawant naká pujutarum.

Apu. 1:11

Tura chichaak “Witjiai Émkanka tura Náṉkatkancha Wíkitjiai. Yáunchusha tuke pujuyajai. Núnisnak yamaisha tuke pujajai. Tuma asamtai wáinmena ju̱, papinium áaram Ásianam siati péprunam Yus shuar írunna nui̱ akuptúkarta. Jú̱ peprunam akupkarta, Ipisiusha, Ismirnasha, Pírkamusha, Tiatirasha, Sártissha, Piratírpiasha tura Rautiséasha” turutmiai.

Apu. 1:17

Nuna wainkian jakaa áintsanak nawe̱e̱n iniaarmajai. Túrasha ni untsuuri̱ uwejé̱n awantrus turutmiayi “Ashamkaip. Witjiai ashí juármari̱ tura amúamuri̱sha.

Apu. 1:8

Witjiai Émkanka tura Náṉkatkancha Wíkitjiai tawai ii Uuntri Yus. Kame yáunchusha tuke pujuyajai tura yamaisha tuke pujajai núnisaṉ Ashí Tujintkiachu ukunam winittiana nusha Wíkitjiai.

Apu. 2:8

Nuyá̱ turutmiai “Ismirnanmaya̱ Yus shuara uuntri̱ ju̱ áatrata. Yámankamtaikniumia̱ amúamunam tuke pujuwa nu tura núnisaṉ jaka nantakmia nu tawai