Isr. 12:18 - Yus Papí: Shuarja̱i̱ Yus Yamaram Chicham Najanamu

¹⁸ Atumji̱a̱i̱ṉkia Yusna enentáimtusminia nuka yaunchu Israer shuarja̱i̱ ashammain amia núnischaiti. Yáunchuka Yus ni akupkámuri̱n Israer shuaran súakui Senái naintian jearmiayi. Nainnium uunt jisha kiritniusha teesha nasesha ajamiayi.

Isr. 12:18 Iomraidhean Croise

Jiin. 20:18

Tura ashí Israer shuar ipiamtancha chárpincha kachu umpuamuncha ántiarmiayi. Núnisaṉ Senái múkun múkun ajan wáinkiar ti sapijmiakar kuraṉkármiayi. Túmakui̱ Senainiumia̱ṉka íkiaṉ wajasármiayi.

Jiin. 24:17

Nuyá̱ Uunt Yusa winchari̱ kakarmari̱sha Senái naint náṉkatkamunam ji keek wárik aesa mash awajniua núnis kean Israer shuarka wáinkiarmiayi.

Rum. 6:14

Akupkámu umirkatniuja̱i̱ iwiaaku pujatsrume. Antsu atumín Yus ti anenma asa yamaram iwiaakman suramsaitrume. Tuma asamtai yamaikia tunaaka nupettamkachminiaiti.

Rum. 8:15

Yusa Wakaní̱ iin pujurtamkurin Yusa uchirí̱ ajasár sapijmiatsuk Yusai̱ weamkar “Aparu” tíminiaitji.

2 Kur. 3:7

Yaunchu chichamnaka kayanam aar Yus Muisaisan susamiayi. Susamia nui̱ Muisaisa yapí̱ ti wincha ajasmiayi.Jiin. 34:29-30 Túrunamtai Israer shuar ni yapi̱n íistinian tujintkiarmiayi. (Túrasha nu wincha mushatmaki̱ wémiayi.) Túrasha nu chichaman shuar umirkatniun tujintiakui nu chichamsha aya tuke jákatniunam shuaran ejemiayi. Túmayataṉ winchaja̱i̱ susamuyayi.

2 Kur. 3:9

Kame mesertinnium ejeana nú chicham winchaja̱i̱ susamuyayi. Tura nuja̱i̱ naṉkaamas Yusai̱ ejeana nú chichamka Yus íimmianum péṉkeraiti.

Muis. 4:11

Takui̱ naint wájakma pakarí̱n átum nui̱ kaunkarum iruntramiarme. Tura yuraṉkim náintian takamtsuk amúa tee ajasmiayi. Tura naint keak ji nayaimpin antimiayi.

2 Tim. 1:7

Yuska sápij enentáin suramsachuitji. Antsu kakaram ajastinniasha anenaitniuncha tura iik íimiasar naka wekasatniun suramsaitji.