Isr. 12:15 - Yus Papí: Shuarja̱i̱ Yus Yamaram Chicham Najanamu

¹⁵ Chikichkisha Yusa waitnenkartutairi̱n tátracharat tusarum péṉker iistarum. Tura yapá nupa̱ tsapái̱ yáitmataik jamaki̱ wea atumíin yajauch awajtamkui ni túruiniamun untsurí shuar utsumárara̱i̱ṉ tusarum péṉker wáinkiatarum.Muis. 29:18-19; Tur. 8:23; Ipi. 4:31

Isr. 12:15 Iomraidhean Croise

1 Akup. 14:16

Tura Jirupuám tunaan túrak Israer shuarnasha tunaan túrumtikiawaru ásarmatai Israer shuarnaka chíkich aentsnum suruktatui” tímiayi Ajías.

Jiin. 32:21

Tura Muisais Araunan chicharuk “Ju̱ aentssha ¿warí itiurtámkarmatai imiá naṉkaamas tunaasha túrumtikiawarum?” tímiayi.

Neka. 4:23

Ashí wariṉkish péṉker wainkiamnia írunna núja̱i̱sha naṉkaamas ame enentáim wáinkiata. Warí nuiti ame iwiaakmaram.

Isa. 5:4

Warí winia uwa ajarnasha nu arantcha ti itiurkamniakitiaj ¿wariṉ taattsa? Túrasha ¿urukamtaitsuk uwa péṉker nerekchartimpiash tusa nákamaitiat uwa churuinian nerekara?

Isa. 5:7

Nekasaiti, Israer shuarka Ashí Akupin Uunt Yusa uwa ajarí̱nti. Tura Jutá shuarka ni arake̱ yu ajataiti. Kame Nisha nekasa nuja̱i̱ péṉker sumamtikiawarat tusa nákamai túramaitiat aya chikichnan wakerutiarmai. Túrasha péṉker túrawarat tusa nákainiamaitiat áyatik wáitkiainiam untsumma antuimiai.

Jrm. 2:21

Kame Wikia tí peṉker árak asakmin tí peṉker uwa ati tusan araamjame. Túramatiatmesha ¿urukamtaitsuk yajauch uwa núnikmesha muímprasha ajasum?

Ruk. 22:32

Tuma ai̱ṉ Yus enentáimtustinian kajinmátki̱i̱ṉ tusan Wisha Yusan seamjai. Tura Yusai̱ waketkim ame yátsum ikiaká̱rarta” tímiayi.

1 Kur. 10:12

Tuma asamtai shuar tunaanum iniaarchattajai tákuṉka anearti. Anearchamka iniaarminiaitme.

1 Kur. 13:8

Aneṉkrattaiṉkia peṉké amuukashtiniaiti. Antsu ju̱ nuṉka amuukmataisha Yus Chicham etserkatin atsuttawai tura niisháa chichamja̱i̱ unuimiatsuk chichastincha amuukattawai tura ashí nekanamtai unuimiártincha atsuttawai.

1 Kur. 15:33

Anaṉnawairap. “Péṉkeraitiatam yajauch shuarja̱i̱ tsaniṉkia wekaakmeka yajauch máatrattame” tiniu áiniawai.

1 Kur. 5:6

“Iikia péṉkeraitji” tárumna nu ántraiti, tunáa atumíin tuke akui. Iis, “Karía ishichik yuminnium eṉketam mash karimtiktsuk” tiniu áiniawai. Núnis átatui ju̱ tunaaja̱i̱.

2 Kur. 13:5

“Nekas Yusan umirniuashitiaj” tusarum nekamatarum. Íimiastarum. Ántar Yus shuarchaitkiurmeka Jesukrístu atumí enentái̱n pujurtama nu nekaattarme.

2 Kur. 6:1

Yusa Papiri̱i̱n Isayas áarmaiti “Tsawant jeamtai ame seatmena nuna anturkamajme. Uwempratin tsawant jeamtaisha yáiṉmajme.” Isa. 49:8 Wats yamaikia Yus seatin jeayi. Yamái Yusai̱ uwempratin jeayi.Isa. 61:2 Tuma asamtai iikia Yusa takatrí̱n pachitkiajnia nu, Yusa aneṉkrattairi̱ péṉker achiktarum tusar seajrume.

Kar. 2:13

Tuma asamtai chíkich Yus shuar, Israer shuar armia nu, Pítruja̱i̱ métek emka yurumáwaru áiniayat jimiará enentai takusar ukunam iniaisarmai. Pirnapísha neka áyat nútiksaṉ nupetnakmai.

Kar. 5:4

Átum “akupkámu umíakmin Yus shiir enentáimturmastatui” tárumna nu, nu shuartiram Krístui̱ya̱ tupa̱ṉniuitrume. Yusa aneṉkrattairi̱ya̱ kanakniurme.

Ipi. 5:3

Yusna asarum tsanirmatniusha yajauch túratniusha tura jú̱ nuṉkanmaya̱ṉ ikiauṉkatniusha ishichkisha enentáimtuschatniuitrume.

Muis. 29:18

Kame atumíya̱ áishmaṉ núja̱i̱nchuka nuwa̱ksha túrutskesha aents ní shuari̱miak Uunt Yusan ni Yusri̱n iniais nu nuṉkanmaya̱ aentsu yusri̱n enentáimtaka atsutí. Túmakka tséas kaṉkap Isr. 12:15 tura yapá nupa̱ núkap tsapá núnis yajauchin atumín wárik ipiampártatui.

Muis. 32:32

Túrasha ni úwari̱ṉkia Sutuma tura Kumuranmaya̱ uwa áiniawai. Tura nuka tséas uwa nuyá̱ nere̱ṉka yapá áiniawai.

Muis. 4:9

Tura ju̱nasha tájame. Anearta. Amek esettsam íimiasam nekaamam ame enentáim péṉker wáinkiata. Ame iwiaaku pujuttam nuiṉkia ashí wáinkiaitmena nuka peṉké kajinmáttsuk nekas enentáimji̱a̱i̱ tuke enentáimtitia. Tura ame uchirmesha núnisaṉ tiraṉmisha jintintiáwarta.

Kurs. 3:5

Tuma asamtai ju̱ nuṉkanmaya̱ ana nu ajakratniua áintsarum iniaisatarum. Tsanirmatniusha, tunáa wakeruktincha tura takakna nuja̱i̱ naṉkaamas wakeruktincha ántar yus tikishmátratniua áintsaṉ asamtai iniaisatarum.

Tit. 1:15

Enentáimprata. Yus shuarka ni enentái̱ chamir ajasu ana nuka ashí ni wainnia nuna péṉkernak enentáimtawai. Tura chíkich shuar Yusan umirkachu asa ni enentái̱ wapik asa péṉker ana nuna enentáimtustinian tujintiawai. Achapai enentáimiuk péṉkercha ana nuna “péṉkeraiti” tawai.

Isr. 3:12

Anearta, yatsuru. Yajauch enentáimsarum tuke iwiaaku Yus enentáimtutsuk kanakiirap.

Isr. 4:1

Nu asamtai ii waya̱tin tsaṉkatkamu áyatar Yusja̱i̱ shiir pujustinnium páchitkiachu a̱i̱j tusar aneartiniaitji.

Isr. 4:11

Nu asamtai iisha Yusja̱i̱ shiir pujustinnium pachinkiacha̱i̱j tusar Yus shiir enentáimtusar kakaram ajastiniaitji. Israer shuar yaunchu Yus táman nakitrarua núnis ajaschatniuitji.

Isr. 6:11

Tura nuik túrarmena núnisrumek tuke iniaitsuk kakaram takasrum ashí Yus tsaṉkatramkatta nu wainkiattarme. Núnisaṉ atí tusar wakeraji.

Jus. 6:18

Tura atumsha ju̱ péprunam írunna nu jukiirap, wakerukrum antiṉkiairap. Warí nu túrakrumni̱ṉkia Israer shuarti yajauchiji̱a̱i̱ yumiṉkramu juáktatji.

2 Pit. 1:10

Tuma asamtai yatsurtiram, Yus atumín anaitiamak achirmákurmena nu tuke enentáimsarum wetarum. Túrakrumka peṉké iniarchattarme.

2 Pit. 2:18

Nisha ti chichainiayat ántar chichainiawai. Yajauch túratniuja̱i̱ tura aya̱sh wakera núja̱i̱sha páchim túriarmia nuyá̱ kanakiarua nú shuaran ataksha tunaanum aju̱a̱rtajtsa wakeruiniawai.

2 Pit. 3:11

Ashí nu emesnartin neka asarum atumsha imiá nekas Yus tuke enentáimtusrum, takamtsuk umirkarum wekasatniuitrume.

2 Pit. 3:14

Nu tuma asamtai aneamu yatsurtiram ju̱ túrunati tusarum nákarmena nui̱ imiatkinchanum wekasam chamir enentáimji̱a̱i̱ makuuchmin Yus wáitkiati tusarum wekasatarum.

2 Jṉ. 1:8

Nu shuarja̱i̱ aneartarum. Yajauch shuar ántar yaya̱krumin Yus átum takasman métek akirmákchamniaiti. Antsu aneara takasakrumin Yus métek akirmákarmi.