Isr. 12:13 - Yus Papí: Shuarja̱i̱ Yus Yamaram Chicham Najanamu

¹³ Túrarum péṉker esettsa enentáimsarum wekasatarum. Túrarum tujintiainia nusha shiir wekasatin yaiṉtarum.

Isr. 12:13 Iomraidhean Croise

Isa. 35:3

Uwej kakarmachu ikiaká̱rarta. Núnisaṉ chíkich pimpiruka wewe awajsarta.

Isa. 35:6

Núnisaṉ shutuapsha japa nuke nanten nanten ajartatui tura muutcha kantamáwartatui. Warí kampuntin atsunumsha entsa pajamkat tusa táunkattawai tura mitia ainia nui̱sha éntsaka shaka ajartatui. Mat. 11:5

Jrm. 18:15

Túrasha Wi shuarka Wíniaka kajinmátrukiar najankamu yus ainia nuna kuṉkuinian áestuiniawai. Kame nuna túruiniak yaunchu túrutairi̱nkia kajinmatkiar ti awajirar wekainiawai. Túmainiak jintia péṉker iwiarkamunam wekaatsuk yajauch jintianmaani̱ wekainiawai.

Ruk. 3:5

Jápaaka ainia nusha áimkiamu ártí. Naint ainia nusha paka awajsamu ártí. Jintia ipijiáru ainia nusha naka ji̱i̱kmia ártí. Tura pujutrin ainia nusha métekrak paka awajsamu ártí.

Kar. 2:14

Tura nuna iisan ashí iimiainiai̱ṉ Pítrun chicharkamjai. Yus Shiir Chicham tana nuja̱i̱ métek wekasachu ásarmatai tímiajai “Ame Israer shuáraitiatam Israer shuarti ikiukim tsupirnakchaja̱i̱ yurumám Israer shuarcha áintsamek túrame, tímiajai. Nuikia ‘Israer shuarcha Israer shuartiji̱a̱i̱ métek wekasatin áiniawai’ tiip” tímiajai.

Kar. 6:1

Túrasha yatsuru, Yus shuar tunáa túrashtimpiash. Atumsha nekas Yusja̱i̱ wekaarumna nu, nu wáinkiurmeka yátsum Yusja̱i̱ iwiarat tusarum yaiṉtarum. Tura naṉkamantu enentáimtumatsuk túratarum. Tura amesha nekaamata. Tunaanum iniara̱i̱j tusam anearam wekasata.

San. 5:16

Nu asamtai atumí tunaarí̱ paant etsertunaiktarum. Túrarum Yus áujtunaistarum atumí tunaarí̱ tsaṉkurnarat tusarum. Péṉker shuar Yusan nekas enentáiji̱a̱i̱ áujeamuri̱ṉkia ti kakarmaiti.

1 Pit. 2:24

Kristu imia Niṉki ni aya̱shí̱i̱n ii tunaari̱n entsakí̱ krúsnum jarutramkamiaji. Kame iikia yajauch túrutainmaṉka jákaitji. Túmaitiatar naka péṉkera nuja̱i̱ métek túratniunam iwiaakji. Ántsarik Ni asutniámuja̱i̱ iikia tsuámaruitji.